https://arm.sputniknews.ru/20230317/erevani-qaghaqapet-hrachja-sargsjany-hrazharakan-tvec-56883467.html
Երևանի քաղաքապետ Հրաչյա Սարգսյանը հրաժարական տվեց
Երևանի քաղաքապետ Հրաչյա Սարգսյանը հրաժարական տվեց
Sputnik Արմենիա
Նա քաղաքապետի պաշտոնում ընտրվել էր ավագանու քվեարկությամբ 2021 թվականին` Հայկ Մարությանի պաշտոնանկությունից հետո։ 17.03.2023, Sputnik Արմենիա
2023-03-17T17:17+0400
2023-03-17T17:17+0400
2023-03-17T19:02+0400
երևան
երևանի քաղաքապետարան
քաղաքապետ
հրաչյա սարգսյան
հրաժարական
https://cdn.am.sputniknews.ru/img/07e7/03/11/56874752_0:64:900:570_1920x0_80_0_0_1ed4898e3244d6c685ddc5a2b23967e6.jpg
ԵՐԵՎԱՆ, 17 մարտի – Sputnik. Երևանի 13-րդ քաղաքապետ Հրաչյա Սարգսյանը հրաժարականի դիմում է ներկայացրել։ Պաշտոնից հեռանալու մասին Սարգսյանն անձամբ է հայտնել ավագանու արտահերթ նիստի ուղիղ եթերում։«Հիմա, երբ ավագանու ընտրությունները բավականին մոտ են, իսկ քաղաքապետարանի և կառավարության միջև համագործակցությունը շատ լավ է, հայտնում եմ իմ հրաժարականի մասին` միաժամանակ հայտնելով, որ շարունակելու եմ լինել քաղաքական թիմի հետ, շարունակելու եմ աշխատել մեր պետության կայացման և զարգացման ուղղությամբ»,– նշեց իր ուղերձում Հրաչյա Սարգսյանը։«Ինձ համար մեծ պատիվ է եղել լինել Երևանի քաղաքապետ, ծառայել Երևանին, սիրել Երևանը։ Կարծում եմ` յուրաքանչյուրս կարող ենք մեր վարքով, մտքով, աշխատանքով քաղաքն ավելի լավը դարձնել։ Այս ծառայությունից հետո ևս պատրաստվում եմ իմ գիտելիքների ու կարողությունների սահմանում ծառայել Հայաստանի Հանրապետությանը»,– հավելեց Հրաչյա Սարգսյանը։Նա շեշտեց, որ անձնական տիրույթում ոչ մեկից նեղացած չէ, ցանկացել է, որ թիմային աշխատանքով առաջ գնան ու միգուցե այդ ընթացքում եղել են տարբեր ընկալումներ։Քաղաքապետի հրաժարականից հետո աշխատանքից ազատման դիմում է ներկայացրել նաև Երևանի քաղաքապետարանի աշխատակազմի քարտուղար Սեյրան Մեջլումյանը:Նշենք, որ արդեն մի քանի օր է` լրատվամիջոցներում տեղեկություններ էին շրջանառվում Հրաչյա Սարգսյանի հրաժարականի վերաբերյալ։ Մամուլը գրում է, որ մինչև նոր ընտրություններ քաղաքապետի պաշտոնը կզբաղեցնի առաջին փոխքաղաքապետ Լևոն Հովհաննիսյանը։Հիշեցնենք, որ Հրաչյա Սարգսյանը քաղաքապետ ընտրվեց Հայկ Մարությանի պաշտոնանկությունից հետո՝ 2021 թվականի դեկտեմբերի 22-ին։ Մինչ այդ նա զբաղեցնում էր փոխքաղաքապետի պաշտոնը։Հավելենք, որ տևական ժամանակ է` լրատվամիջոցները գրում էին, թե Հրաչյա Սարգսյանը, այսպես ասած, երկրորդ պլան է մղվել, բոլոր լուսանկարներում Տիգրան Ավինյանն է երևում, միջոցառումներին ավելի հաճախ հենց նա է մասնակցում։ ԶԼՄ–ների աչքից չէր վրիպել նաև մարտի 2-ի կառավարության նիստին քաղաքապետի փոխարեն մասնակցում էր փոխքաղաքապետ Ավինյանը։ Մեկնաբանելով դա` Ավինյանը նշել էր, թե Երևանի քաղաքապետարանում քաղաքական թիմ է գործում և, խնդիրների լուծման արդյունավետությունից ելնելով, տարբեր տեղեր տարբեր մարդիկ են գնում։ Նա հավելել էր, թե Երևանի քաղաքապետը կառավարությունում չի աշխատել և միգուցե ավելի քիչ է պատկերացնում ներսի պրոցեսները։Երևանի փոխքաղաքապետ Տիգրան Ավինյանը Երևանի ավագանու սպասվելիք ընտրություններում քաղաքապետի իշխանական թեկնածուն է։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երևան, երևանի քաղաքապետարան, քաղաքապետ, հրաչյա սարգսյան, հրաժարական
երևան, երևանի քաղաքապետարան, քաղաքապետ, հրաչյա սարգսյան, հրաժարական
Երևանի քաղաքապետ Հրաչյա Սարգսյանը հրաժարական տվեց
17:17 17.03.2023 (Թարմացված է: 19:02 17.03.2023) Նա քաղաքապետի պաշտոնում ընտրվել էր ավագանու քվեարկությամբ 2021 թվականին` Հայկ Մարությանի պաշտոնանկությունից հետո։
ԵՐԵՎԱՆ, 17 մարտի – Sputnik. Երևանի 13-րդ քաղաքապետ Հրաչյա Սարգսյանը հրաժարականի դիմում է ներկայացրել։ Պաշտոնից հեռանալու մասին Սարգսյանն անձամբ է հայտնել ավագանու արտահերթ նիստի ուղիղ եթերում։
«Հիմա, երբ ավագանու ընտրությունները բավականին մոտ են, իսկ քաղաքապետարանի և կառավարության միջև համագործակցությունը շատ լավ է, հայտնում եմ իմ հրաժարականի մասին` միաժամանակ հայտնելով, որ շարունակելու եմ լինել քաղաքական թիմի հետ, շարունակելու եմ աշխատել մեր պետության կայացման և զարգացման ուղղությամբ»,– նշեց իր ուղերձում Հրաչյա Սարգսյանը։
Հրաչյա Սարգսյանը վերահաստատեց, որ Երևանի ավագանու առաջիկա ընտրություններում «Քաղաքացիական պայմանագիր» կուսակցության քաղաքապետի թեկնածուն Տիգրան Ավինյանն է։ Նա հույս հայտնեց, որ ընտրություններում ՔՊ-ն կստանա երևանցիների վստահության քվեն և հնարավորություն կունենա շարունակելու ծրագրերը։
«Ինձ համար մեծ պատիվ է եղել լինել Երևանի քաղաքապետ, ծառայել Երևանին, սիրել Երևանը։ Կարծում եմ` յուրաքանչյուրս կարող ենք մեր վարքով, մտքով, աշխատանքով քաղաքն ավելի լավը դարձնել։ Այս ծառայությունից հետո ևս պատրաստվում եմ իմ գիտելիքների ու կարողությունների սահմանում ծառայել Հայաստանի Հանրապետությանը»,– հավելեց Հրաչյա Սարգսյանը։
Նա շեշտեց, որ անձնական տիրույթում ոչ մեկից նեղացած չէ, ցանկացել է, որ թիմային աշխատանքով առաջ գնան ու միգուցե այդ ընթացքում եղել են տարբեր ընկալումներ։
Քաղաքապետի հրաժարականից հետո աշխատանքից ազատման դիմում է ներկայացրել նաև Երևանի քաղաքապետարանի աշխատակազմի քարտուղար Սեյրան Մեջլումյանը:
Նշենք, որ արդեն մի քանի օր է` լրատվամիջոցներում տեղեկություններ էին շրջանառվում Հրաչյա Սարգսյանի հրաժարականի վերաբերյալ։ Մամուլը գրում է, որ մինչև նոր ընտրություններ քաղաքապետի պաշտոնը կզբաղեցնի առաջին փոխքաղաքապետ Լևոն Հովհաննիսյանը։
Հիշեցնենք, որ Հրաչյա Սարգսյանը քաղաքապետ ընտրվեց Հայկ Մարությանի պաշտոնանկությունից հետո՝ 2021 թվականի դեկտեմբերի 22-ին։ Մինչ այդ նա զբաղեցնում էր փոխքաղաքապետի պաշտոնը։
Հավելենք, որ տևական ժամանակ է` լրատվամիջոցները գրում էին, թե Հրաչյա Սարգսյանը, այսպես ասած, երկրորդ պլան է մղվել, բոլոր լուսանկարներում Տիգրան Ավինյանն է երևում, միջոցառումներին ավելի հաճախ հենց նա է մասնակցում։ ԶԼՄ–ների աչքից չէր վրիպել նաև մարտի 2-ի կառավարության նիստին քաղաքապետի փոխարեն մասնակցում էր փոխքաղաքապետ Ավինյանը։ Մեկնաբանելով դա` Ավինյանը նշել էր, թե Երևանի քաղաքապետարանում քաղաքական թիմ է գործում և, խնդիրների լուծման արդյունավետությունից ելնելով, տարբեր տեղեր տարբեր մարդիկ են գնում։ Նա հավելել էր, թե Երևանի քաղաքապետը կառավարությունում չի աշխատել և միգուցե ավելի քիչ է պատկերացնում ներսի պրոցեսները։
Երևանի փոխքաղաքապետ Տիգրան Ավինյանը Երևանի ավագանու սպասվելիք ընտրություններում քաղաքապետի իշխանական թեկնածուն է։
