Իրանական ջերմադիտակները ներկայացվել են Երևանում հայթեքի ցուցահանդեսին
21:56 10.03.2023 (Թարմացված է: 22:10 10.03.2023)
© Sputnik / Aram GareginyanAroitek ընկերության փոխտնօրեն Համիդ Հաերին
![Aroitek ընկերության փոխտնօրեն Համիդ Հաերին Aroitek ընկերության փոխտնօրեն Համիդ Հաերին - Sputnik Արմենիա, 1920, 10.03.2023](https://cdn.am.sputniknews.ru/img/07e7/03/0a/56556075_0:0:1600:901_1920x0_80_0_0_a8718497b13f13e91e798e2f321fbd2c.jpg)
Aroitek ընկերության փոխտնօրեն Համիդ Հաերին
© Sputnik / Aram Gareginyan
Բաժանորդագրվել
Ընկերության ջերմադիտակներն օգտագործվում են ոչ միայն մարդկանց, այլ նաև ինքնաթիռների և նավերի հայտնաբերման, ինչպես նաև անտառային հրդեհների դեմ պայքարելու համար։
ԵՐԵՎԱՆ, 10 մարտի - Sputnik. Իրանական արտադրության ջերմադիտակները ներկայացվել են Երևանում կայացած DigiTec բարձր տեխնոլոգիաների ցուցահանդեսին: Ինչպես Sputnik Արմենիայի հետ զրույցում հայտնեց Aroitek ընկերության փոխտնօրեն Համիդ Հաերին, ընկերության արտադրանքը հիմնականում օգտագործվում է պաշտպանական ոլորտում, բայց կան նաև քաղաքացիական արտադրության մոդելներ, որոնք ցուցադրվել են ցուցահանդեսի ընթացքում։
Ընդհանուր առմամբ, ընկերությունը մոտ 200 տարբեր մոդել է թողարկում. սկսած փոքրերից` 1 կմ գործողության տրամագծով, մինչև խոշոր մոդելներ, որոնք ճանաչում են մինչև 200 կմ հեռավորության վրա գտնվող ինքնաթիռները: Ընկերության ջերմադիտակները, Հաերի խոսքով, օգտագործվում են նավահանգիստներում գիշերը կամ մառախուղի մեջ նավերի գտնվելու վայրը որոշելու համար:
«Դրանց մյուս կիրառումը անտառային հրդեհների դեմ պայքարն է։ Երբ տեղանքում ջերմաստիճանը բարձրանում է դեպի հրդեհավտանգ, ԱԻՆ-ն այդ մասին ահազանգ է ստանում և ժամանակին արձագանքում է»,-նշեց Հաերին։
Մի շարք այլ մոդելներ օգտագործվում են նավթագազային ոլորտում, որտեղ նույնպես շատ կարևոր է հակահրդեհային հսկողությունը։
Մի շարք այլ մոդելներ օգտագործվում են նավթագազային ոլորտում, որտեղ նույնպես շատ կարևոր է հակահրդեհային հսկողությունը։
Ջերմադիտակներն օգտագործվում են նաև ջերմային էլեկտրակայաններում, քանի որ, ի լրումն ջերմաստիճանի ավտոմատ կարգավորիչների, կառավարման վահանակին հետևող մասնագետները պետք է վիզուալ հետևեն բոցին։
DigiTec ամենամյա ցուցահանդեսի կազմակերպիչը Հայաստանի Առաջատար տեխնոլոգիաների ձեռնարկությունների միությունն է(UATE):
DigiTec ամենամյա ցուցահանդեսի կազմակերպիչը Հայաստանի Առաջատար տեխնոլոգիաների ձեռնարկությունների միությունն է(UATE):