Երևանում մեկնարկել է «DigiTec 2022» բարձր տեխնոլոգիաների համաժողովը
11:32 10.03.2023 (Թարմացված է: 13:24 10.03.2023)
© Sputnik / Asatur YesayantsМинистр высокотехнологичной промышленности Роберт Хачатрян на официальном открытии "ДиджиТек" (10 марта 2023). Еревaн
![Министр высокотехнологичной промышленности Роберт Хачатрян на официальном открытии ДиджиТек (10 марта 2023). Еревaн Министр высокотехнологичной промышленности Роберт Хачатрян на официальном открытии ДиджиТек (10 марта 2023). Еревaн - Sputnik Արմենիա, 1920, 10.03.2023](https://cdn.am.sputniknews.ru/img/07e7/03/0a/56514622_0:66:1600:966_1920x0_80_0_0_2978f043b13f02728263e03689b65586.jpg)
© Sputnik / Asatur Yesayants
Բաժանորդագրվել
Համաժողովին մասնակցում են հայտնի ընկերություններ, մեծ թվով ստարտափներ, ինչպես նաև մի շարք արտասահմանյան ընկերություններ։
ԵՐԵՎԱՆ, 10 մարտի – Sputnik. Երևանում մեկնարկել է «DigiTec 2022» բարձր տեխնոլոգիաների համաժողովը, որը անցկացվում է Կ. Դեմիրճյանի անվան մարզահամերգային համալիրում։
Բարձր տեխնոլոգիական արդյունաբերության նախարար Ռոբերտ Խաչատրյանը բացման խոսքում հայտնել է, որ 2023 թվականին համաժողովն անցկացվելու է 2 անգամ` գարնանն ու աշնանը։
Նա հիշեցրել է, որ այս տարի կառավարությունը շարունակել է աջակցել բարձր տեխնոլոգիական ընկերություններին` ստարտափների համար հարկային արտոնություններ տրամադրելով։ Այս տարի ցուցահանդեսին նրանց մասնակցությունը կընդլայնվի։
© Sputnik / Asatur YesayantsՀայաստանի առաջատար տեխնոլոգիաների միության նախագահ Ալեքսանդր Եսայանը
![Председатель Союза предприятий передовых технологий Армении (UATE) Александр Есаян на официальном открытии ДиджиТек (10 марта 2023). Еревaн Председатель Союза предприятий передовых технологий Армении (UATE) Александр Есаян на официальном открытии ДиджиТек (10 марта 2023). Еревaн - Sputnik Արմենիա, 1920, 10.03.2023](https://cdn.am.sputniknews.ru/img/07e7/03/0a/56508540_0:0:1600:1065_1920x0_80_0_0_661565205c2f816c718c3e9914115fcd.jpg)
Հայաստանի առաջատար տեխնոլոգիաների միության նախագահ Ալեքսանդր Եսայանը
© Sputnik / Asatur Yesayants
Ռոբերտ Խաչատրյանի խոսքով` ներկայիս համաժողովը ներկայացված է որպես «DigiTec 2022» (այն պետք է կայանար 2022 թվականի հոկտեմբերին, սակայն Ադրբեջանի կողմից սանձազերծված սեպտեմբերյան ագրեսիայի հետևանքով այն հետաձգվեց– խմբ.)։
Աշնանը տեղի կունենա «DigiTec – 2023» համաժողովը։
Հայաստանի առաջատար տեխնոլոգիաների միության նախագահ Ալեքսանդր Եսայանը նշել է, որ Հայաստանի հայթեք հատվածի նպատակները պետք է դառնան նոր մշակումները ոչ միայն ծրագրավորման մեջ։ Այն պետք է դառնա օժանդակ գործիք բժիշկների, իրավաբանների, ինժեներների համար։
«Ուստի ArMath դպրոցի ինժեներական լաբորատորիաներում առաջիկայում ցանկանում ենք ընդլայնել ուսումնական ծրագիրը։ Երեխաները պետք է այստեղ ավելի շատ գիտելիք ստանան, որպեսզի մի քանի տարի անց ստեղծեն նման տեխնոլոգիաներ»,– ասաց Եսայանը։
Համաժողովին Հայաստանից մասնակցում են խոշոր և սկսնակ ընկերություններ (այդ թվում` Ռուսաստանի մասնագետների հիմնադրած), ինչպես նաև ձեռնարկություններ ԱՄՆ–ից և այլ երկրներից, մասնավորապես` միասնական տաղավարով ներկայացված են վրացական ընկերությունները։
Համաժողովին սպասվում է հուշագրի ստորագրում ՀՀ էկոնոմիկայի նախարարության և ամերիկյան SADA ընկերության (Google Cloud–ի գործընկեր) միջև։ Կողմերը կհամագործակցեն կրթության ոլորտում Cloud ծառայությունների ներդրման գործում։ Հեռավոր տվյալների բազաների հասանելիությունը կբարձրացնի կրթության հնարավորությունները՝ ներառյալ հեռավոր գյուղերի դպրոցների համար։