ԱԹՍ-ով հարվածներ են հասցրել Սիրիային, զոհեր կան. կադրեր
13:47 08.03.2023 (Թարմացված է: 13:48 08.03.2023)
Բաժանորդագրվել
Ուղիղ հարվածի հետևանքով ոչնչացվել են զենքի պահեստն ու զինամթերքով բեռնատարը։
ԵՐԵՎԱՆ, 8 մարտի – Sputnik. Անօդաչու թռչող սարքերն այսօր հարվածներ են հասցրել Սիրիայի Դեր Զոր նահանգում գտնվող ցամաքային թիրախներին:
Ինչպես հաղորդում է «Ալ Հադաս» հեռուստաալիքը, հարձակման է ենթարկվել էլ Համիդիայի իրանամետ շիական կազմավորումների ճամբարի գտնվելու վայրը: Ուղիղ հարվածի հետևանքով ոչնչացվել են զենքի պահեստն ու զինամթերքով բեռնատարը, զոհվել է ութ մարտիկ։
#Syria: Powerful #explosion rocks pro-#Iranian militia-controlled neighborhood in Deir ez-Zor, cause under investigation
— AbuAliEnglish (@AbuAliEnglishB1) March 8, 2023
At 08:30 Syrian time this morning, a powerful explosion rocked Deir ez-Zor's Hamidiyeh Quarter, an area controlled by pro-Iranian militias. The... (1/3) pic.twitter.com/un8vGOq7I1
Հեռուստաալիքի տվյալով՝ Իրաքին սահմանակից շրջանում կենտրոնացած շիա կամավորների ընդհանուր թիվը 15 հազար է: Նրանց ջոկատները սիրիական բանակի կողմից կռվում են «Իսլամական պետություն» խմբավորման ահաբեկիչների ավազակախմբերի դեմ։
Breaking: Explosion at IRGC (Iran's Islamic Revolutionary Guard Corps) safe house in Deir Ezzor city in Syria. pic.twitter.com/aocqFVCw9b
— Treeni (@_treeni) March 8, 2023
Նշվում է, որ անցյալ տարվա նոյեմբերին և դեկտեմբերին իսրայելական ԱԹՍ-ներն են հարվածներ հասցրել էլ Մեյադինում և Բու Քեմալում շիա մարտիկների բազաներին: Նրանք գրոհել էին նաև իրանական զենքով և նավթամթերքով շարասյուները Սիրիայի և Իրաքի սահմանին։
Հիշեցնենք` ավելի վաղ հաղորդվել էր, որ Իսրայելի ՌՕՈւ կործանիչները հարվածներ են հասցրել Հալեպի օդանավակայանին, ինչի հետևանքով դադարեցվել է օդանավակայանի աշխատանքը:
«Իսլամական պետությունը» ահաբեկչական խմբավորում է, որն արգելված է Ռուսաստանում և մի շարք այլ երկրներում:
