https://arm.sputniknews.ru/20230306/hac-bervoghi-gvortsvov-pvordzaqnnutjan-keghts-ezrakacutjan-hamar-5-andzi-e-meghadranq-arajadrvel-56313890.html
«Հաց բերողի» գործով փորձաքննության կեղծ եզրակացության համար 5 անձի է մեղադրանք առաջադրվել
«Հաց բերողի» գործով փորձաքննության կեղծ եզրակացության համար 5 անձի է մեղադրանք առաջադրվել
Sputnik Արմենիա
Սկզբում մեղադրանք է ներկայացվել հանձնաժողովի 6 անդամի, նրանից մեկն իրեն մեղավոր է ճանաչել, և նրա նկատմամբ հարուցված հանրային քրեական հետապնդումը դադարեցվել է։ 06.03.2023, Sputnik Արմենիա
2023-03-06T14:23+0400
2023-03-06T14:23+0400
2023-03-06T14:40+0400
հայաստան
«հաց բերող» արթուրը
հատուկ քննչական ծառայություն (հքծ)
մեղադրանք
https://cdn.am.sputniknews.ru/img/1187/25/11872504_0:55:1000:618_1920x0_80_0_0_3d0298acfc93b6f04476d68e6e5c0e07.jpg
ԵՐԵՎԱՆ, 6 մարտի – Sputnik. «Հաց բերողի»` Արթուր Սարգսյանի առողջական վիճակի և կալանքի հետ համատեղելիության առնչությամբ փորձաքննության կեղծ եզրակացություն տալու համար 5 անձի է մեղադրանք առաջադրվել։ Տեղեկությունը հայտնում է ՀՀ քննչական կոմիտեն։Ըստ հաղորդագրության` Արթուր Սարգսյանի առողջական վիճակը գնահատելու համար կրկնակի դատաբժշկական փորձաքննության հանձնաժողովի կազմում ընդգրկվել են ՀՀ ԳԱԱ «Փորձաքննությունների ազգային բյուրո» ՊՈԱԿ-ի դատաբժշկական փորձաքննությունների բաժնի 3 փորձագետ, ինչպես նաև «Երևանի Մխիթար Հերացու անվան» պետական բժշկական համալսարանի վնասվածքաբանության և օրթոպեդիայի ամբիոնի վարիչ, «Իզմիրլյան» բժշկական կենտրոնի գործադիր տնօրենը, նույն բժշկական կենտրոնի նյարդաբանական ծառայության ղեկավարը և «Էրեբունի» բժշկական կենտրոնի ռևմատոլոգիայի բաժանմունքի վարիչ, Երևան քաղաքի գլխավոր ռևմատոլոգը:Ձեռք բերված բավարար փաստերի հիման վրա նշված հանձնաժողովի 6 անդամներին մեղադրանք է ներկայացվել ՀՀ նախկին քրեական օրենսգրքի 504-րդ հոդվածի 2-րդ մասի 1-ին կետով (սուտ ցուցմունք, կեղծ եզրակացություն կամ կեղծ կարծիք տալը կամ սխալ թարգմանություն կատարելը)։Փորձագետներից մեկը ներկայացված մեղադրանքում իրեն ամբողջությամբ մեղավոր է ճանաչել: Քրեական վարույթով մեղադրյալներից երկուսի՝ ՀՀ ԳԱԱ «Փորձաքննությունների ազգային բյուրո» ՊՈԱԿ-ի փորձագետների նկատմամբ որպես խափանման միջոց է կիրառվել պաշտոնավարման կասեցումը և երկրից բացակայելու արգելքը, իսկ հանձնաժողովի մյուս երեք անդամների նկատմամբ՝ երկրից բացակայելու արգելքը:Նախաքննությունն ավարտվել է։ Քրեական վարույթի նյութերը` 5 անձի վերաբերյալ մեղադրական եզրակացությամբ, ուղարկվել են հսկող դատախազին։Նշենք, որ «Հաց բերողի»` Արթուր Սարգսյանի գործով կեղծ բժշկական եզրակացություն տալու մեջ մեղադրվողներից մեկը ՀՀ ԱԺ «Հայաստան» խմբակցության պատգամավոր, «Իզմիրլյան» ԲԿ-ի նախկին տնօրենԱրմեն Չարչյանն է։ Փետրվարի 9-ին ՀՀ ազգային ժողովը գաղտնի քվեարկությամբ նրան զրկեց պատգամավորական անձեռնմխելիությունից։ՀՀ գլխավոր դատախազ Աննա Վարդապետյանը Չարչյանին պատգամավորական անձեռնմխելիություն զրկելու միջնորդագրում նշել էր, որ նա քրեական գործի վերաբերյալ ակնհայտ կեղծ եզրակացություն է տվել, որն առանձնապես ծանր հետևանքներ է ունեցել գործով մեղադրյալի համար` առաջացնելով Արթուր Սարգսյանի («Հաց բերող») մահը։ Վարդապետյանի խոսքով` պատգամավորը` որպես կրկնակի բժշկական հանձնաժողովի փորձագետ, Սարգսյանի առողջական վիճակի վերաբերյալ դրական եզրակացություն է տվել կալանավորմանը, սակայն կասկածյալի հիվանդությունը եղել է կալանավորման հետ անհամատեղելի հիվանդությունների ցանկում։Հիշեցնենք, որ 2016 թվականի հուլիսի 17-ի առավոտյան՝ ժամը 05.28-ին «Ֆեյսբուքում» հայտնվեց «Սասնա ծռեր» խմբավորման «Մենք սկսել ենք զինված ապստամբություն, միացե՛ք» հայտարարությունը: Ավելի ուշ պարզ դարձավ, որ իսկապես զինված հարձակում է տեղի ունեցել ՀՀ ոստիկանության ՊՊԾ գնդի վրա: Խմբավորման անդամները ցանկանում էին փոխել այդ ժամանակ տիրող քաղաքական և սոցիալ–տնտեսական վիճակը։Միայն հուլիսի 31-ին զինված խմբի անդամները վայր դրեցին զենքերն ու հանձնվեցին իրավապահներին:Արթուր Սարգսյանը («Հաց բերողը») կալանավորվել էր «Սասնա ծռեր» զինված խմբի գործով. նա սննդով բեռնված իր մեքենայով ճեղքել էր իրավապահների պատնեշն ու կրակահերթի տակ մուտք գործել «Սասնա ծռեր» զինված խմբի կողմից գրավված ՊՊԾ գնդի տարածք: Նա մեղադրվում էր «Սասնա ծռերին» օժանդակելու մեջ։ Դեկտեմբերի վերջին դատարանը փոխել էր կալանքի որոշումն ու նրան ազատ արձակել։ Մի քանի ամիս անց՝ 2017-ի փետրվարի 9-ին դատարանը կրկին փոխել էր խափանման միջոցն ու երկու ամսով կալանավորել նրան։Մեկ ամիս անց՝ մարտի 16-ին, Արթուր Սարգսյանը մահացավ կալանավայրում։ Նա 49 տարեկան էր, մասնագիտությամբ` քանդակագործ, փայտի փորագրող։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, «հաց բերող» արթուրը, հատուկ քննչական ծառայություն (հքծ), մեղադրանք
հայաստան, «հաց բերող» արթուրը, հատուկ քննչական ծառայություն (հքծ), մեղադրանք
«Հաց բերողի» գործով փորձաքննության կեղծ եզրակացության համար 5 անձի է մեղադրանք առաջադրվել
14:23 06.03.2023 (Թարմացված է: 14:40 06.03.2023) Սկզբում մեղադրանք է ներկայացվել հանձնաժողովի 6 անդամի, նրանից մեկն իրեն մեղավոր է ճանաչել, և նրա նկատմամբ հարուցված հանրային քրեական հետապնդումը դադարեցվել է։
ԵՐԵՎԱՆ, 6 մարտի – Sputnik. «Հաց բերողի»` Արթուր Սարգսյանի առողջական վիճակի և կալանքի հետ համատեղելիության առնչությամբ փորձաքննության կեղծ եզրակացություն տալու համար 5 անձի է մեղադրանք առաջադրվել։ Տեղեկությունը հայտնում է
ՀՀ քննչական կոմիտեն։
Ըստ հաղորդագրության` Արթուր Սարգսյանի առողջական վիճակը գնահատելու համար կրկնակի դատաբժշկական փորձաքննության հանձնաժողովի կազմում ընդգրկվել են ՀՀ ԳԱԱ «Փորձաքննությունների ազգային բյուրո» ՊՈԱԿ-ի դատաբժշկական փորձաքննությունների բաժնի 3 փորձագետ, ինչպես նաև «Երևանի Մխիթար Հերացու անվան» պետական բժշկական համալսարանի վնասվածքաբանության և օրթոպեդիայի ամբիոնի վարիչ, «Իզմիրլյան» բժշկական կենտրոնի գործադիր տնօրենը, նույն բժշկական կենտրոնի նյարդաբանական ծառայության ղեկավարը և «Էրեբունի» բժշկական կենտրոնի ռևմատոլոգիայի բաժանմունքի վարիչ, Երևան քաղաքի գլխավոր ռևմատոլոգը:
Ձեռք բերված բավարար փաստերի հիման վրա նշված հանձնաժողովի 6 անդամներին մեղադրանք է ներկայացվել ՀՀ նախկին քրեական օրենսգրքի 504-րդ հոդվածի 2-րդ մասի 1-ին կետով (սուտ ցուցմունք, կեղծ եզրակացություն կամ կեղծ կարծիք տալը կամ սխալ թարգմանություն կատարելը)։
Փորձագետներից մեկը ներկայացված մեղադրանքում իրեն ամբողջությամբ մեղավոր է ճանաչել:
«Վարույթն իրականացնող մարմնի կողմից միջնորդություն է ներկայացվել հսկող դատախազին՝ հիշյալ մեղադրյալի նկատմամբ հարուցված հանրային քրեական հետապնդումը ՀՀ քրեական oրենuգրքի ընդհանուր մասի դրույթների ուժով քրեական պատաuխանատվությունից ազատման ենթակա լինելու հիմքով դադարեցնելու մասին, որը բավարարվել է»,–նշված է հաղորդագրության մեջ։
Քրեական վարույթով մեղադրյալներից երկուսի՝ ՀՀ ԳԱԱ «Փորձաքննությունների ազգային բյուրո» ՊՈԱԿ-ի փորձագետների նկատմամբ որպես խափանման միջոց է կիրառվել պաշտոնավարման կասեցումը և երկրից բացակայելու արգելքը, իսկ հանձնաժողովի մյուս երեք անդամների նկատմամբ՝ երկրից բացակայելու արգելքը:
Նախաքննությունն ավարտվել է։ Քրեական վարույթի նյութերը` 5 անձի վերաբերյալ մեղադրական եզրակացությամբ, ուղարկվել են հսկող դատախազին։
Նշենք, որ «Հաց բերողի»` Արթուր Սարգսյանի գործով կեղծ բժշկական եզրակացություն տալու մեջ մեղադրվողներից մեկը ՀՀ ԱԺ «Հայաստան» խմբակցության պատգամավոր, «Իզմիրլյան» ԲԿ-ի նախկին տնօրենԱրմեն Չարչյանն է։ Փետրվարի 9-ին ՀՀ ազգային ժողովը
գաղտնի քվեարկությամբ նրան զրկեց պատգամավորական անձեռնմխելիությունից։
ՀՀ գլխավոր դատախազ Աննա Վարդապետյանը Չարչյանին պատգամավորական անձեռնմխելիություն զրկելու միջնորդագրում նշել էր, որ նա քրեական գործի վերաբերյալ
ակնհայտ կեղծ եզրակացություն է տվել, որն առանձնապես ծանր հետևանքներ է ունեցել գործով մեղադրյալի համար` առաջացնելով Արթուր Սարգսյանի («Հաց բերող») մահը։ Վարդապետյանի խոսքով` պատգամավորը` որպես կրկնակի բժշկական հանձնաժողովի փորձագետ, Սարգսյանի առողջական վիճակի վերաբերյալ դրական եզրակացություն է տվել կալանավորմանը, սակայն կասկածյալի հիվանդությունը եղել է կալանավորման հետ անհամատեղելի հիվանդությունների ցանկում։
Հիշեցնենք, որ 2016 թվականի հուլիսի 17-ի առավոտյան՝ ժամը 05.28-ին «Ֆեյսբուքում» հայտնվեց «Սասնա ծռեր» խմբավորման «Մենք սկսել ենք զինված ապստամբություն, միացե՛ք» հայտարարությունը: Ավելի ուշ պարզ դարձավ, որ իսկապես զինված հարձակում է տեղի ունեցել ՀՀ ոստիկանության ՊՊԾ գնդի վրա: Խմբավորման անդամները ցանկանում էին փոխել այդ ժամանակ տիրող քաղաքական և սոցիալ–տնտեսական վիճակը։
Միայն հուլիսի 31-ին զինված խմբի անդամները վայր դրեցին զենքերն ու հանձնվեցին իրավապահներին:
Արթուր Սարգսյանը («Հաց բերողը») կալանավորվել էր «Սասնա ծռեր» զինված խմբի գործով. նա սննդով բեռնված իր մեքենայով ճեղքել էր իրավապահների պատնեշն ու կրակահերթի տակ մուտք գործել «Սասնա ծռեր» զինված խմբի կողմից գրավված ՊՊԾ գնդի տարածք: Նա մեղադրվում էր «Սասնա ծռերին» օժանդակելու մեջ։ Դեկտեմբերի վերջին դատարանը փոխել էր կալանքի որոշումն ու նրան ազատ արձակել։ Մի քանի ամիս անց՝ 2017-ի փետրվարի 9-ին դատարանը կրկին փոխել էր խափանման միջոցն ու երկու ամսով կալանավորել նրան։
Մեկ ամիս անց՝ մարտի 16-ին, Արթուր Սարգսյանը մահացավ կալանավայրում։ Նա 49 տարեկան էր, մասնագիտությամբ` քանդակագործ, փայտի փորագրող։
