https://arm.sputniknews.ru/20230301/pashinjann-inqn-iren-nkati-uni-erb-asum-e-marti-1i-meghavvornery-patzhvats-chen-vardanjan-56101495.html
Փաշինյանն ինքն իրեն նկատի ունի, երբ ասում է` Մարտի 1–ի մեղավորները պատժված չեն. Վարդանյան
Փաշինյանն ինքն իրեն նկատի ունի, երբ ասում է` Մարտի 1–ի մեղավորները պատժված չեն. Վարդանյան
Sputnik Արմենիա
Ընդդիմադիր պատգամավորի համոզմամբ՝ Մարտի 1-ը այսօր տեղի ունեցող իրադարձությունների նախադեպն ու սկիզբն էր։ 01.03.2023, Sputnik Արմենիա
2023-03-01T15:13+0400
2023-03-01T15:13+0400
2023-03-01T15:21+0400
հայաստան
աղվան վարդանյան
նիկոլ փաշինյան
մարտի 1
https://cdn.am.sputniknews.ru/img/07e5/0a/1b/34737693_0:42:1600:942_1920x0_80_0_0_7886ec7cfcbaea51e8150ee46201b4bf.jpg
ԵՐԵՎԱՆ, 1 մարտի – Sputnik. Երբ Նիկոլ Փաշինյանն ասում է՝ Մարտի 1-ը բացահայտված է, բայց մեղավորները պատժված չեն, Փաշինյանը նկատի ունի ինքն իրեն։ Ազգային ժողովում լրագրողների հետ ճեպազրույցում այս հայտարարությունն արեց «Հայաստան» խմբակցության պատգամավոր Աղվան Վարդանյանը։Ինչո՞ւ է Նիկոլ Փաշինյանը պնդում, որ Մարտի 1-ի գործը բացահայտված է«Մարտի 1-ը մեր պատմության մի դրվագն է, որը այն ժամանակ իրենց ընդդիմություն համարողներն ու Արցախի հարցից հրաժարվողները կարողացան տարիներ շարունակ օգտագործել, ճնշում բանեցնել պետության վրա, պետական կառույցների վրա, և այսօրվա ողբերգությունները պայմանավորված են այդ մանիպուլյացիաներով»,–ասաց Վարդանյանը։Ընդդիմադիր պատգամավորի համոզմամբ՝ Մարտի 1-ը այսօր տեղի ունեցող իրադարձությունների նախադեպն ու սկիզբն էր։Վարդանյան խոսքով`մանիպուլյացիա է այն ձևակերպումները, թե 2008 թվականին խաղաղ ցուցարարներին գնդակահարելու հրահանգ է տվել գործող իշխանությունը։«Կգա ժամանակ, ամեն ինչ կբացահայտվի: Գնդակահարություն չի եղել, եղել է սահմանադրական կարգի տապալման բացահայտ փորձ, եղել են զոհեր, և հայտարարվել է արտակարգ դրություն: Եթե դուք մի քիչ ուսումնասիրեք Մարտի 1-ի կադրերը, կտեսնեք, որ այն ժամանակվա ընդդիմությունն է հրահրել և ցանկացած գնով փորձել տապալել սահմանադրական կարգը»,–ասաց նա։Մարտի 1-ի գործով Փաշինյանի խոստացած բացահայտումն այդպես էլ տեղի չունեցավ. «Ժողովուրդ»Հիշեցնենք` 2008 թվականին ՀՀ նախագահական ընտրություններից հետո` փետրվարի 24-ին, ԿԸՀ-ն հայտարարեց, որ ընտրություններում հաղթել է Սերժ Սարգսյանը։Օրեր շարունակ բողոքի ակցիայի մասնակիցները, որոնք նախագահի թեկնածու, ՀՀ 1-ին նախագահ Լևոն Տեր-Պետրոսյանի կողմնակիցներն էին, պահանջում էին վերահաշվարկել քվեները։ Մարտի 1-ի գիշերը Ազատության հրապարակում ոստիկանական ուժերը օպերատիվ-հետախուզական գործողություններ իրականացրին «տեղանքը ստուգելու» համար և հազարավոր ցուցարարների հեռացրին հրապարակից։Մարտի 1-ի երեկոյան ԶՈւ և ոստիկանության ստորաբաժանումները Երևանի կենտրոնական փողոցներում զենքի, պայթուցիկ սարքերի և հատուկ միջոցների օգնությամբ ցուցարարներին ցրելու համար հատուկ գործողություններ իրականացրին։ Հարյուրավոր մարդիկ վնասվածքներ ստացան, իսկ 8 քաղաքացիական անձ և 2 ոստիկան մահացան։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աղվան վարդանյան, նիկոլ փաշինյան, մարտի 1
հայաստան, աղվան վարդանյան, նիկոլ փաշինյան, մարտի 1
Փաշինյանն ինքն իրեն նկատի ունի, երբ ասում է` Մարտի 1–ի մեղավորները պատժված չեն. Վարդանյան
15:13 01.03.2023 (Թարմացված է: 15:21 01.03.2023) Ընդդիմադիր պատգամավորի համոզմամբ՝ Մարտի 1-ը այսօր տեղի ունեցող իրադարձությունների նախադեպն ու սկիզբն էր։
ԵՐԵՎԱՆ, 1 մարտի – Sputnik. Երբ Նիկոլ Փաշինյանն ասում է՝ Մարտի 1-ը բացահայտված է, բայց մեղավորները պատժված չեն, Փաշինյանը նկատի ունի ինքն իրեն։ Ազգային ժողովում լրագրողների հետ ճեպազրույցում այս հայտարարությունն արեց «Հայաստան» խմբակցության պատգամավոր Աղվան Վարդանյանը։
«Մարտի 1-ը մեր պատմության մի դրվագն է, որը այն ժամանակ իրենց ընդդիմություն համարողներն ու Արցախի հարցից հրաժարվողները կարողացան տարիներ շարունակ օգտագործել, ճնշում բանեցնել պետության վրա, պետական կառույցների վրա, և այսօրվա ողբերգությունները պայմանավորված են այդ մանիպուլյացիաներով»,–ասաց Վարդանյանը։
Ընդդիմադիր պատգամավորի համոզմամբ՝ Մարտի 1-ը այսօր տեղի ունեցող իրադարձությունների նախադեպն ու սկիզբն էր։
Վարդանյան խոսքով`մանիպուլյացիա է այն ձևակերպումները, թե 2008 թվականին խաղաղ ցուցարարներին գնդակահարելու հրահանգ է տվել գործող իշխանությունը։
«Կգա ժամանակ, ամեն ինչ կբացահայտվի: Գնդակահարություն չի եղել, եղել է սահմանադրական կարգի տապալման բացահայտ փորձ, եղել են զոհեր, և հայտարարվել է արտակարգ դրություն: Եթե դուք մի քիչ ուսումնասիրեք Մարտի 1-ի կադրերը, կտեսնեք, որ այն ժամանակվա ընդդիմությունն է հրահրել և ցանկացած գնով փորձել տապալել սահմանադրական կարգը»,–ասաց նա։
Հիշեցնենք` 2008 թվականին ՀՀ նախագահական ընտրություններից հետո` փետրվարի 24-ին, ԿԸՀ-ն հայտարարեց, որ ընտրություններում հաղթել է Սերժ Սարգսյանը։
Օրեր շարունակ բողոքի ակցիայի մասնակիցները, որոնք նախագահի թեկնածու, ՀՀ 1-ին նախագահ Լևոն Տեր-Պետրոսյանի կողմնակիցներն էին, պահանջում էին վերահաշվարկել քվեները։ Մարտի 1-ի գիշերը Ազատության հրապարակում ոստիկանական ուժերը օպերատիվ-հետախուզական գործողություններ իրականացրին «տեղանքը ստուգելու» համար և հազարավոր ցուցարարների հեռացրին հրապարակից։
Մարտի 1-ի երեկոյան ԶՈւ և ոստիկանության ստորաբաժանումները Երևանի կենտրոնական փողոցներում զենքի, պայթուցիկ սարքերի և հատուկ միջոցների օգնությամբ ցուցարարներին ցրելու համար հատուկ գործողություններ իրականացրին։ Հարյուրավոր մարդիկ վնասվածքներ ստացան, իսկ 8 քաղաքացիական անձ և 2 ոստիկան մահացան։
