https://arm.sputniknews.ru/20230301/brvodvejjan-mjuziql-erevanum-glkhavvor-derum-tamara-gverdcitelin-e-56052363.html
Բրոդվեյյան մյուզիքլ Երևանում. գլխավոր դերում Թամարա Գվերդծիթելին է
Բրոդվեյյան մյուզիքլ Երևանում. գլխավոր դերում Թամարա Գվերդծիթելին է
Sputnik Արմենիա
Էնդրյու Լլոյդ Ուեբերի լեգենդար «Սանսեթ Բուլվարի» երևանյան առաջնախաղը հավակնում է տարվա ամենանշանավոր մշակութային իրադարձությունը դառնալ: 01.03.2023, Sputnik Արմենիա
2023-03-01T08:55+0400
2023-03-01T08:55+0400
2023-03-06T16:25+0400
հայաստան
երևան
պրեմիերա
մյուզիքլ
մշակույթ
https://cdn.am.sputniknews.ru/img/07e7/02/1b/55989212_0:197:1600:1097_1920x0_80_0_0_11ff865e7861d9d5aa3549a0526b5026.jpg
ԵՐԵՎԱՆ, 1 մարտի – Sputnik. Ապրիլի 6-ին Երևանում կկայանա օսկարակիր կոմպոզիտոր Էնդրյու Լլոյդ Ուեբերի «Սանսեթ Բուլվար» բրոդվեյյան մյուզիքլի պրեմիերան։ Նորմա Դեզմոնդի դերի համար հրավիրվել է Թամարա Գվերդծիթելին, որի թեկնածությունը հաստատել են Ուեբերի գրասենյակից։ Ոլորտի փորձագետները վստահ են, որ Նորմա Դեզմոնդի դերը նոր բարձունք կդառնա հայտնի երգչուհու թատերական կարիերայում։ Այժմ նա ամեն օր աշխատում է երևանցի գործընկերների հետ։Ներկայացման բեմադրող ռեժիսորը Լոնդոնի Arts Educational Schools-ի շրջանավարտ Անտոն Մուզիկանտսկին է, որի ուսումնական հաստատությունը ղեկավարում է Էնդրյու Լլոյդ Ուեբերը։«Սա ստեղծագործական լուրջ մարտահրավեր է, բայց մեր միջազգային թատերախումբը՝ հոյակապ Թամարա Գվերդծիթելիի գլխավորությամբ, փայլուն կերպով է գլուխ հանում դրանից։ Արարատին նայող փորձադահլիճում այս կրքոտ և համարձակ մարդկանց հետ աշխատելը աննախադեպ երջանկություն է»,- խոստովանում է ռեժիսորը:Ներկայացման երաժշտական ուղեկցությունն ապահովելու է Հայաստանի պետական սիմֆոնիկ նվագախումբը, ընդ որում՝ «Սանսեթ Բուլվարի» երևանյան տարբերակը այդ մյուզիքլի պատմության մեջ կմնա որպես ամենամեծ թվով նվագախմբով բեմադրություն։ Իսկ նվագախումբը կղեկավարի նախագծի բեմադրող դիրիժոր Մարիամ Բարսկայան։ Ի դեպ, Մարիամը մի շարք մյուզիքլների երաժշտական ղեկավարն է, այդ թվում` Ուեբերի «Օպերայի ուրվականի» մոսկովյան տարբերակի, որի համար նա «Ոսկե դիմակի» է արժանացել:«Սանսեթ Բուլվարի» երևանյան բեմադրության մեջ շուրջ երեսուն արտիստ է ներգրավված։ Բոլորը ազգային ընտրական փուլի հաղթողներն են: Նախագծի պրոդյուսերները լսումները կազմակերպել էին 2022 թվականի հունիսին. մյուզիքլում դեր ստանալու հավակնորդների թիվը հասնում էր 120–ի (Հայաստանից և մերձավոր երկրներից)։ Յուրաքանչյուրը փորձերի երեք փուլ է անցել, այդ թվում՝ վոկալային և պարային տվյալների ստուգում։ Թատերախմբի հիմքը թատրոնի և կինոյի երևանցի դերասաններն են, որոնց թվում կան ինչպես հայտնի արվեստագետներ, այնպես էլ սկսնակ դերասաններ, որոնց համար «Սանսեթ բուլվարը» դեբյուտային աշխատանք կդառնա մեծ բեմում։Նշենք, որ սա արևմտյան տարբերակի «փոխադրություն» չէ, այլ մյուզիքլի նոր ընթերցում՝ նախատեսված երևանցի արտիստների համար։Հայաստանում երազանքներն արագ են իրականանում. ռուս ռեժիսորն ուզում է զարմացնել հանդիսատեսինՆախագիծն իրականացնում է SKYFIST Studio պրոդյուսերական ընկերությունը` Էնդրյու Լլոյդ Ուեբերի The Really Useful Group Ltd թատերական ընկերության թույլտվությամբ։«Իմ պրոդյուսերական պատմությունը պատմական հայրենիքի հանդեպ իմ պարտքն է։ Ուզում եմ, որ ամբողջ աշխարհն իմանա, թե որքան տաղանդավոր և ստեղծարար է հայ ժողովուրդը, ուստի ես պատրաստ եմ համաշխարհային նախագծեր բերել Հայաստան և դրանցում ներգրավել տեղի արտիստներին»,-ասում է «Սանսեթ Բուլվարի» երևանյան տարբերակի պրոդյուսեր, SKYFIST Studio-ի հիմնադիր և ղեկավար Պողոս Հարությունյանը։«Սանսեթ Բուլվարի» երևանյան տարբերակը կներկայացվի Կարեն Դեմիրճյանի անվան մարզահամերգային համալիրի բեմում 2023 թվականի ապրիլի 6-12-ը:Յակոբսոնի անվան բալետի թատրոնը մարտին Երևանում կցուցադրի «Դոն Կիխոտը»
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, երևան, պրեմիերա, մյուզիքլ, մշակույթ
հայաստան, երևան, պրեմիերա, մյուզիքլ, մշակույթ
Բրոդվեյյան մյուզիքլ Երևանում. գլխավոր դերում Թամարա Գվերդծիթելին է
08:55 01.03.2023 (Թարմացված է: 16:25 06.03.2023) Էնդրյու Լլոյդ Ուեբերի լեգենդար «Սանսեթ Բուլվարի» երևանյան առաջնախաղը հավակնում է տարվա ամենանշանավոր մշակութային իրադարձությունը դառնալ:
ԵՐԵՎԱՆ, 1 մարտի – Sputnik. Ապրիլի 6-ին Երևանում կկայանա օսկարակիր կոմպոզիտոր Էնդրյու Լլոյդ Ուեբերի «Սանսեթ Բուլվար» բրոդվեյյան մյուզիքլի պրեմիերան։ Նորմա Դեզմոնդի դերի համար հրավիրվել է Թամարա Գվերդծիթելին, որի թեկնածությունը հաստատել են Ուեբերի գրասենյակից։ Ոլորտի փորձագետները վստահ են, որ Նորմա Դեզմոնդի դերը նոր բարձունք կդառնա հայտնի երգչուհու թատերական կարիերայում։ Այժմ նա ամեն օր աշխատում է երևանցի գործընկերների հետ։
«Հայկական հողում «Սանսեթ Բուլվարը» տաղանդների զարմանալի խտացում է։ Ներկայացման վրա հրաշալի, նրբազգաց, հոգատար մարդիկ են աշխատում։ Մենք ամբողջովին սուզվել ենք ստեղծագործության մեջ, որպեսզի պրեմիերային երևանյան հանդիսատեսին նվիրենք այն լավագույնը, որ կա յուրաքանչյուրիս մեջ։ Երջանիկ եմ, որ մյուզիքլի կյանքը Հայաստանում սկսվում է նման գլուխգործոցից»,- ասում է Գվերդծիթելին։
Ներկայացման բեմադրող ռեժիսորը Լոնդոնի Arts Educational Schools-ի շրջանավարտ Անտոն Մուզիկանտսկին է, որի ուսումնական հաստատությունը ղեկավարում է Էնդրյու Լլոյդ Ուեբերը։
«Սա ստեղծագործական լուրջ մարտահրավեր է, բայց մեր միջազգային թատերախումբը՝ հոյակապ Թամարա Գվերդծիթելիի գլխավորությամբ, փայլուն կերպով է գլուխ հանում դրանից։ Արարատին նայող փորձադահլիճում այս կրքոտ և համարձակ մարդկանց հետ աշխատելը աննախադեպ երջանկություն է»,- խոստովանում է ռեժիսորը:
Ներկայացման երաժշտական ուղեկցությունն ապահովելու է Հայաստանի պետական սիմֆոնիկ նվագախումբը, ընդ որում՝ «Սանսեթ Բուլվարի» երևանյան տարբերակը այդ մյուզիքլի պատմության մեջ կմնա որպես ամենամեծ թվով նվագախմբով բեմադրություն։ Իսկ նվագախումբը կղեկավարի նախագծի բեմադրող դիրիժոր Մարիամ Բարսկայան։ Ի դեպ, Մարիամը մի շարք մյուզիքլների երաժշտական ղեկավարն է, այդ թվում` Ուեբերի «Օպերայի ուրվականի» մոսկովյան տարբերակի, որի համար նա «Ոսկե դիմակի» է արժանացել:
«Սանսեթ Բուլվարի» երևանյան բեմադրության մեջ շուրջ երեսուն արտիստ է ներգրավված։ Բոլորը ազգային ընտրական փուլի հաղթողներն են: Նախագծի պրոդյուսերները լսումները կազմակերպել էին 2022 թվականի հունիսին. մյուզիքլում դեր ստանալու հավակնորդների թիվը հասնում էր 120–ի (Հայաստանից և մերձավոր երկրներից)։ Յուրաքանչյուրը փորձերի երեք փուլ է անցել, այդ թվում՝ վոկալային և պարային տվյալների ստուգում։ Թատերախմբի հիմքը թատրոնի և կինոյի երևանցի դերասաններն են, որոնց թվում կան ինչպես հայտնի արվեստագետներ, այնպես էլ սկսնակ դերասաններ, որոնց համար «Սանսեթ բուլվարը» դեբյուտային աշխատանք կդառնա մեծ բեմում։
Նշենք, որ սա արևմտյան տարբերակի «փոխադրություն» չէ, այլ մյուզիքլի նոր ընթերցում՝ նախատեսված երևանցի արտիստների համար։
Նախագիծն իրականացնում է SKYFIST Studio պրոդյուսերական ընկերությունը` Էնդրյու Լլոյդ Ուեբերի The Really Useful Group Ltd թատերական ընկերության թույլտվությամբ։
«Իմ պրոդյուսերական պատմությունը պատմական հայրենիքի հանդեպ իմ պարտքն է։ Ուզում եմ, որ ամբողջ աշխարհն իմանա, թե որքան տաղանդավոր և ստեղծարար է հայ ժողովուրդը, ուստի ես պատրաստ եմ համաշխարհային նախագծեր բերել Հայաստան և դրանցում ներգրավել տեղի արտիստներին»,-ասում է «Սանսեթ Բուլվարի» երևանյան տարբերակի պրոդյուսեր, SKYFIST Studio-ի հիմնադիր և ղեկավար Պողոս Հարությունյանը։
«Սանսեթ Բուլվարի» երևանյան տարբերակը կներկայացվի Կարեն Դեմիրճյանի անվան մարզահամերգային համալիրի բեմում 2023 թվականի ապրիլի 6-12-ը:
