https://arm.sputniknews.ru/20230301/arajik-harutjunjany-nerkajacrel-e-arcakhi-hanrapetutjan-nvoranshanak-petnakhararin-56092448.html
Ադրբեջանի հետ ինտեգրացիոն գործընթացը բացառված է. ԱՀ նախագահը ներկայացրել է նոր վարչապետին
Ադրբեջանի հետ ինտեգրացիոն գործընթացը բացառված է. ԱՀ նախագահը ներկայացրել է նոր վարչապետին
Sputnik Արմենիա
Պետնախարարն ունենալու է լիազորությունների լայն շրջանակ: 01.03.2023, Sputnik Արմենիա
2023-03-01T13:58+0400
2023-03-01T13:58+0400
2023-03-01T14:29+0400
արցախի նախագահ արայիկ հարությունյան
վարչապետ
արցախ
գուրգեն ներսիսյան
https://cdn.am.sputniknews.ru/img/07e7/03/01/56092303_0:89:1281:809_1920x0_80_0_0_aa681306cc9ce1d69b52064972e5354c.jpg
ԵՐԵՎԱՆ, 1 մարտի – Sputnik. Այսօր տեղի է ունեցել Արցախի կառավարության նիստ, որի ընթացքում Արցախի նախագահ Արայիկ Հարությունյանը ներկայացրել է Արցախի Հանրապետության նորանշանակ պետական նախարար Գուրգեն Ներսիսյանին։ Տեղեկությունը հայտնում է ԱՀ նախագահի մամուլի ծառայությունը:«Պետնախարարն ունենալու է լիազորությունների լայն շրջանակ, նրա համակարգման տակ են գործելու բոլոր նախարարությունները՝ բացառությամբ արտաքին, պաշտպանության ու ներքին գործերի նախարարությունների, իր համակարգման ոլորտներում ունենալու է կադրային քաղաքականությունը մշակելու և վարելու ազատություն։ Գուրգեն Ներսիսյանին է փոխանցվելու նաև Արցախի ներդրումային և գյուղի ու գյուղատնտեսության աջակցության հիմնադրամների հոգաբարձուների խորհուրդների նախագահությունը»,-ասվում է հաղորդագրության մեջ։ԼՂ-ի, Ադրբեջանի ներկայացուցիչների և ՌԴ խաղաղապահների միջև նոր հանդիպում է կայացելԱնդրադառնալով Ադրբեջանի կողմից Արցախի շրջափակման հետևանքով ստեղծված իրավիճակին՝ Հարությունյանը նշել է, որ չնայած վերջին 80 օրերի ընթացքում Արցախի ժողովուրդը ամեն օր կրում է սոցիալական, տնտեսական հսկայական վնասներ, ունենում է հոգեբանական ծանր ապրումներ, բայց ամեն օր ցուցաբերում է դրանք հաղթահարելու մեծ կամք ու վճռականություն:Արայիկ Հարությունյանը նշել է նաև, որ կառավարությունը շարունակելու է գործադրել բոլոր միջոցները սոցիալ-տնտեսական բեռի թեթևացման և առկա մարտահրավերները միասին հաղթահարելու համար:Նախագահը նոր պետնախարարին հանձնարարել է առաջիկա օրերին մշակել և ներկայացնել սոցիալական նոր ծրագրերի փաթեթ՝ ուղղված կոմունալ վճարների, ընթացիկ այլ ծախսերի, ինչպես նաև հարկային և վարկային բեռի զգալի թեթևացմանը:ՌԴ ԱԳՆ–ն հուսով է, որ Երևանն ու Բաքուն կիրականացնեն ՌԴ–ի հետ մշակած նախաձեռնություններըԴրան զուգահեռ երկրի ղեկավարը հանձնարարել է հետևողական ու արագ կերպով ջանքեր գործադրել տնտեսության ինքնաբավության մակարդակի բարձրացման ուղղությամբ՝ առաջնահերթ ուշադրությունը դարձնելով պարենի արտադրությանը:Հիշեցնենք՝ Արցախի կառավարության փետրվարի 23-ի նիստում նախագահ Արայիկ Հարությունյանը հրապարակեց պետնախարար Ռուբեն Վարդանյանին աշխատանքից ազատելոու հրամանագիրը։Վարդանյանն Արցախի վարչապետի պաշտոնը զբաղեցնում էր 2022-ի նոյեմբերի 4-ից:
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արցախի նախագահ արայիկ հարությունյան, վարչապետ, արցախ, գուրգեն ներսիսյան
արցախի նախագահ արայիկ հարությունյան, վարչապետ, արցախ, գուրգեն ներսիսյան
Ադրբեջանի հետ ինտեգրացիոն գործընթացը բացառված է. ԱՀ նախագահը ներկայացրել է նոր վարչապետին
13:58 01.03.2023 (Թարմացված է: 14:29 01.03.2023) Պետնախարարն ունենալու է լիազորությունների լայն շրջանակ:
ԵՐԵՎԱՆ, 1 մարտի – Sputnik. Այսօր տեղի է ունեցել Արցախի կառավարության նիստ, որի ընթացքում Արցախի նախագահ Արայիկ Հարությունյանը ներկայացրել է Արցախի Հանրապետության նորանշանակ պետական նախարար Գուրգեն Ներսիսյանին։ Տեղեկությունը հայտնում է ԱՀ նախագահի մամուլի ծառայությունը:
«Պետնախարարն ունենալու է լիազորությունների լայն շրջանակ, նրա համակարգման տակ են գործելու բոլոր նախարարությունները՝ բացառությամբ արտաքին, պաշտպանության ու ներքին գործերի նախարարությունների, իր համակարգման ոլորտներում ունենալու է կադրային քաղաքականությունը մշակելու և վարելու ազատություն։ Գուրգեն Ներսիսյանին է փոխանցվելու նաև Արցախի ներդրումային և գյուղի ու գյուղատնտեսության աջակցության հիմնադրամների հոգաբարձուների խորհուրդների նախագահությունը»,-ասվում է հաղորդագրության մեջ։
Անդրադառնալով Ադրբեջանի կողմից Արցախի շրջափակման հետևանքով ստեղծված իրավիճակին՝ Հարությունյանը նշել է, որ չնայած վերջին 80 օրերի ընթացքում Արցախի ժողովուրդը ամեն օր կրում է սոցիալական, տնտեսական հսկայական վնասներ, ունենում է հոգեբանական ծանր ապրումներ, բայց ամեն օր ցուցաբերում է դրանք հաղթահարելու մեծ կամք ու վճռականություն:
«Մեկ անգամ ևս ցանկանում եմ ընդգծել, որ անկախ դժվարություններից և մեր նկատմամբ կիրառվող տարբեր ճնշումներից՝ մենք հավատարիմ ենք մնալու Արցախյան շարժման գաղափարներին և անկախության ճանապարհից նահանջի ոչ մի քայլ չի լինելու: Ամենայն պատասխանատվությամբ ուզում եմ հայտարարել, որ բացառված է Ադրբեջանի հետ ինտեգրացիոն որևէ գործընթաց: Սակայն դա չի նշանակում, որ մենք խուսափելու ենք շփումներից՝ ենթակառուցվածքային և հումանիտար բնույթի խնդիրներ լուծելու համար: Իսկ հակամարտության կարգավորման շուրջ բանակցությունների համար, ինչպես հայտարարել եմ փետրվարի 23-ի իմ ուղերձում, անհրաժեշտ է ապահովել որոշակի պայմաններ ու միջազգային ձևաչափ»,- ասել է նախագահը:
Արայիկ Հարությունյանը նշել է նաև, որ կառավարությունը շարունակելու է գործադրել բոլոր միջոցները սոցիալ-տնտեսական բեռի թեթևացման և առկա մարտահրավերները միասին հաղթահարելու համար:
Նախագահը նոր պետնախարարին հանձնարարել է առաջիկա օրերին մշակել և ներկայացնել սոցիալական նոր ծրագրերի փաթեթ՝ ուղղված կոմունալ վճարների, ընթացիկ այլ ծախսերի, ինչպես նաև հարկային և վարկային բեռի զգալի թեթևացմանը:
Դրան զուգահեռ երկրի ղեկավարը հանձնարարել է հետևողական ու արագ կերպով ջանքեր գործադրել տնտեսության ինքնաբավության մակարդակի բարձրացման ուղղությամբ՝ առաջնահերթ ուշադրությունը դարձնելով պարենի արտադրությանը:
Վարդանյանն Արցախի վարչապետի պաշտոնը զբաղեցնում էր
2022-ի նոյեմբերի 4-ից:
