https://arm.sputniknews.ru/20230226/hajkakan-futbvoli-pvoqrik-astghy-inchpes-e-gjumreci-gevvorgy-futbvoli-gndakn-irenvov-anum-55871073.html

Հայկական ֆուտբոլի փոքրիկ աստղը. ինչպես է գյումրեցի Գևորգը ֆուտբոլի գնդակն «իրենով» անում

Հայկական ֆուտբոլի փոքրիկ աստղը. ինչպես է գյումրեցի Գևորգը ֆուտբոլի գնդակն «իրենով» անում

Sputnik Արմենիա

«Դյուցազնագրքում» և Գինեսի ռեկորդների գրքում գրանցված Գևորգը ֆուտբոլի դաշտում իրեն զգում է ինչպես ձուկը ջրում։ 26.02.2023, Sputnik Արմենիա

2023-02-26T20:44+0400

2023-02-26T20:44+0400

2023-02-26T20:44+0400

ֆուտբոլ

գևորգ հայրապետյան

գյումրի

գնդակ

ռեկորդ

https://cdn.am.sputniknews.ru/img/07e7/02/17/55817693_0:0:1600:901_1920x0_80_0_0_c4f558cb4034fddbb53e8e3f65e5cf65.jpg

Աչքդ թարթում ես` գնդակը կա՛մ ուսապարկում է, կա՛մ անցնում է օղակի միջով, կա՛մ պտտվում է մատի վրա։ Այս բոլոր հնարքներին վարպետորեն տիրապետում է գյումրեցի 14-ամյա Գևորգ Հայրապետյանը։Գևորգը շատ սիրելի ֆուտբոլիստներ ունի, սակայն ցանկանում է «ՊՍԺ»–ի հարձակվող, արգենտինացի Լիոնել Մեսսիին նմանվել ու հայտնի ֆուտբոլիստ դառնալ։ Նպատակին հասնելու համար այս մարզաձևում իր առաջին քայլերը սկսել է դեռ 4 տարեկանից։ Արդեն շուրջ 8 տարի մարզվում է Գյումրու «Շիրակ» ֆուտբոլային ակումբում` ենթահարձակվող է կամ կենտրոնական կիսապաշտպան։Գևորգը բավականին լուրջ է, քչախոս, իր մասին էլ շատ պատմել չի սիրում։ Նրա փոխարեն խոսում են կատարած հնարքներն ու այն, որ ֆուտբոլի դաշտում իրեն զգում է ինչպես ձուկը ջրում։«Շիրակ» ֆուտբոլային ակումբի մինչև 14 տարեկանների թիմի երկրորդ մարզիչ Արտյոմ Հակոբյանը հավաստիացնում է՝ տղան տաղանդավոր է, հնարավորություններն էլ` մեծ, կարող է իր առջև դրված նպատակին հասնել ու մեծ հաջողություններ գրանցել։Sputnik Արմենիայի նկարահանող խմբի ներկայությամբ պատանի ֆուտբոլիստը մի քանի հնարք ցուցադրեց։Գևորգը վստահեցնում է` աշխատասեր է ու համառ, մինչև հնարքը չստացվի, չի դադարում «դրա վրա գրոհելուց»։Ֆուտբոլի հանդեպ սերը մեծ է, պարապմունքներին շատ ժամանակ է հատկացնում։ Ասում է՝ նախկինում դպրոցում էլ բավականին լավ էր սովորում, սակայն հիմա «հարվածային» է։ Հնարքները սկզբում համացանցով տեսանյութերի միջոցով է սովորել, այժմ էլ ժամանակ առ ժամանակ գալիս է Երևան ու «ֆրիսթայլերների» (գնդակով տարբեր հնարքներ ցուցադրող) հետ պարապում։««Անգլերեն» ու «մաթեմատիկա» առարկաներին եմ հիմնական ուշադրությունս նվիրում, որովհետև պետք է, մնացածով էդքան էլ չեմ հետաքրքրվում։ Մասնագիտությունս էլ հաստատ որոշել եմ՝ լինելու եմ ֆուտբոլիստ և միաժամանակ «ֆրիսթայլեր»»,– նշեց նա։16-17 տարեկանից հետո Գևորգը կկարողանա խաղալ «Շիրակ-2»–ում` ֆուտբոլի Հայաստանի առաջին լիգայի առաջնությունում։ Բավարար աշխատասիրության ու մարզիչների պահանջները բավարարելու դեպքում էլ կտեղափոխվի «Շիրակ» ֆուտբոլային ակումբի գլխավոր թիմ, որը հանդես է գալիս Հայաստանի պրեմիեր լիգայում։Տղան գրանցված է «Դյուցազնագրքում» և Գինեսի ռեկորդների գրքում։ Նա 1 ժամ 37 րոպե անընդմեջ «21» է խաղացել (12.000 անգամ)՝ մի քանի անգամ գերազանցելով աշխարհահռչակ այնպիսի ֆուտբոլիստների համանման արդյունքները, ինչպիսիք են Կրիշտիանու Ռոնալդուն (2911 անգամ), Լեոնել Մեսսին (3168), Ռոնալդոն (7432)։

գյումրի

2023

Լուրեր

am_HY

ֆուտբոլ, գևորգ հայրապետյան, գյումրի, գնդակ, ռեկորդ