https://arm.sputniknews.ru/20230225/hhn-taratsqajin-pahanjner-chuni-adrbejani-nkatmamb-khandanjany-elujt-e-unecel-ekhkhvum-55917278.html
ՀՀ–ն տարածքային պահանջներ չունի Ադրբեջանի նկատմամբ. Խանդանյանը ելույթ է ունեցել ԵԽԽՎ–ում
ՀՀ–ն տարածքային պահանջներ չունի Ադրբեջանի նկատմամբ. Խանդանյանը ելույթ է ունեցել ԵԽԽՎ–ում
Sputnik Արմենիա
«Քաղաքացիական պայմանագիր» խմբակցության պատգամավորն ընդգծել է` Հայաստանը հավատում է, որ միայն խաղաղ երկխոսությունը կարող է լուծել խնդիրները։ 25.02.2023, Sputnik Արմենիա
2023-02-25T19:51+0400
2023-02-25T19:51+0400
2023-02-25T20:10+0400
հայաստան
ադրբեջան
սարգիս խանդանյան
եվրախորհրդի խորհրդարանական վեհաժողով (եխխվ)
https://cdn.am.sputniknews.ru/img/07e7/02/19/55916484_0:79:789:523_1920x0_80_0_0_469723d7531addc3caf2d67b06429ba2.jpg
ԵՐԵՎԱՆ, 25 փետրվարի – Sputnik. Հայաստանը տարածքային պահանջներ չունի Ադրբեջանի նկատմամբ և պատրաստ է առաջ մղել Ադրբեջանի հետ խաղաղության հաստատման գործընթացը՝ միմյանց տարածքային ամբողջականության և ինքնիշխանության փոխադարձ ճանաչման հիմքով: ԵԱՀԿ խորհրդարանական վեհաժողովի ձմեռային նստաշրջանում այս հայտարարությունն է արել ԱԺ պատվիրակության ղեկավար, «Քաղաքացիական պայմանագիր» խմբակցության պատգամավոր Սարգիս Խանդանյանը։ Տեղեկությունը հայտնում է ԱԺ մամուլի ծառայությունը։Նրա խոսքով` Լեռնային Ղարաբաղի հարցը վերաբերում է ԼՂ հայերի իրավունքներին ու անվտանգությանը, և այն պետք է լուծվի Բաքվի և Ստեփանակերտի միջև միջազգայնորեն տեսանելի երկխոսության միջոցով:Խանդանյանը հայտարարել է, որ Հայաստանը բնավ չի ցանկանում Լեռնային Ղարաբաղի հակամարտությունը հավերժացնել, անհրաժեշտ է միջազգային հանրության աջակցությունը Հարավային Կովկասում` ատելության և բռնության շրջափուլը հաղթահարելու համար:«Հայաստանը հավատում է, որ միայն խաղաղ երկխոսությունը կարող է լուծել խնդիրները և կայունություն հաստատել մեր տարածաշրջանում: Հայաստանը պատրաստ է բացել տարածաշրջանի բոլոր տրանսպորտային և տնտեսական ենթակառուցվածքները՝ երկրների ինքնիշխանության և ճանապարհների նկատմամբ իրավասության պահպանման վերաբերյալ ձեռք բերված պայմանավորվածությունների շրջանակներում»,– ասել է պատգամավորը։Խանդանյանը նշել է, որ Լեռնային Ղարաբաղի հակամարտությունը գոյություն ունի ավելի քան 30 տարի։«Ես ավելի երիտասարդ եմ, քան այս հակամարտությունը, և որպես երիտասարդ խորհրդարանական, որպես երիտասարդ որոշում կայացնող՝ ես չեմ ցանկանում այս հակամարտությունը ժառանգություն թողնել հաջորդ սերնդին»,– ավելացրել է նա։Պատգամավորը միաժամանակ շեշտել է, որ ադրբեջանական պատվիրակությունը ծաղրում է միջազգային հանրությանը, երբ խոսելով Լաչինի միջանցքի շրջափակման մասին` ասում են, թե 2022 թվականի մարտ ամսից մինչ օրս այդ երթուղով Կարմիր խաչի և ռուսական խաղաղապահ զորախմբի մի քանի հարյուր բեռնատար է անցել։Հայաստանյան պատվիրակության ղեկավարը հիշեցրել է նաև այս տարվա նախագահության կարգախոսը` «Սա մարդկանց մասին է» (It's about people), և հույս է հայտնել, որ դա վերաբերում է նաև Լեռնային Ղարաբաղի ժողովրդին։Հիշեցնենք` դեկտեմբերի 12-ից Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։ Դեկտեմբերի 13-ից ադրբեջանական կողմը ժամանակ առ ժամանակ անջատում է Արցախի գազամատակարարումը։Հունվարի 9-ից ադրբեջանական վերահսկողության տակ գտնվող տարածքից անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է հովհարային անջատումներով։Լաչինի միջանցքը շարունակում է փակ մնալ։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, սարգիս խանդանյան, եվրախորհրդի խորհրդարանական վեհաժողով (եխխվ), видео
հայաստան, ադրբեջան, սարգիս խանդանյան, եվրախորհրդի խորհրդարանական վեհաժողով (եխխվ), видео
ՀՀ–ն տարածքային պահանջներ չունի Ադրբեջանի նկատմամբ. Խանդանյանը ելույթ է ունեցել ԵԽԽՎ–ում
19:51 25.02.2023 (Թարմացված է: 20:10 25.02.2023) «Քաղաքացիական պայմանագիր» խմբակցության պատգամավորն ընդգծել է` Հայաստանը հավատում է, որ միայն խաղաղ երկխոսությունը կարող է լուծել խնդիրները։
ԵՐԵՎԱՆ, 25 փետրվարի – Sputnik. Հայաստանը տարածքային պահանջներ չունի Ադրբեջանի նկատմամբ և պատրաստ է առաջ մղել Ադրբեջանի հետ խաղաղության հաստատման գործընթացը՝ միմյանց տարածքային ամբողջականության և ինքնիշխանության փոխադարձ ճանաչման հիմքով: ԵԱՀԿ խորհրդարանական վեհաժողովի ձմեռային նստաշրջանում այս հայտարարությունն է արել ԱԺ պատվիրակության ղեկավար, «Քաղաքացիական պայմանագիր» խմբակցության պատգամավոր Սարգիս Խանդանյանը։ Տեղեկությունը հայտնում է
ԱԺ մամուլի ծառայությունը։
Նրա խոսքով` Լեռնային Ղարաբաղի հարցը վերաբերում է ԼՂ հայերի իրավունքներին ու անվտանգությանը, և այն պետք է լուծվի Բաքվի և Ստեփանակերտի միջև միջազգայնորեն տեսանելի երկխոսության միջոցով:
Խանդանյանը հայտարարել է, որ Հայաստանը բնավ չի ցանկանում Լեռնային Ղարաբաղի հակամարտությունը հավերժացնել, անհրաժեշտ է միջազգային հանրության աջակցությունը Հարավային Կովկասում` ատելության և բռնության շրջափուլը հաղթահարելու համար:
«Հայաստանը հավատում է, որ միայն խաղաղ երկխոսությունը կարող է լուծել խնդիրները և կայունություն հաստատել մեր տարածաշրջանում: Հայաստանը պատրաստ է բացել տարածաշրջանի բոլոր տրանսպորտային և տնտեսական ենթակառուցվածքները՝ երկրների ինքնիշխանության և ճանապարհների նկատմամբ իրավասության պահպանման վերաբերյալ ձեռք բերված պայմանավորվածությունների շրջանակներում»,– ասել է պատգամավորը։
Խանդանյանը նշել է, որ Լեռնային Ղարաբաղի հակամարտությունը գոյություն ունի ավելի քան 30 տարի։
«Ես ավելի երիտասարդ եմ, քան այս հակամարտությունը, և որպես երիտասարդ խորհրդարանական, որպես երիտասարդ որոշում կայացնող՝ ես չեմ ցանկանում այս հակամարտությունը ժառանգություն թողնել հաջորդ սերնդին»,– ավելացրել է նա։
Պատգամավորը միաժամանակ շեշտել է, որ ադրբեջանական պատվիրակությունը ծաղրում է միջազգային հանրությանը, երբ խոսելով Լաչինի միջանցքի շրջափակման մասին` ասում են, թե 2022 թվականի մարտ ամսից մինչ օրս այդ երթուղով Կարմիր խաչի և ռուսական խաղաղապահ զորախմբի մի քանի հարյուր բեռնատար է անցել։
«Հարցս հետևյալն է. երբվանի՞ց մենք սկսեցինք հաշվել բեռնատարների քանակը, որոնք սնունդ, դեղորայք և վառելիք են հասցնում մեր բնակավայրեր, երբվանի՞ց է ազատ տեղաշարժի իրավունքը դարձել մեծահոգության դրսևորում, և դեռ որքա՞ն կարելի է ծաղրել միջազգային հանրությանը»,– ասել է նա։
Հայաստանյան պատվիրակության ղեկավարը հիշեցրել է նաև այս տարվա նախագահության կարգախոսը` «Սա մարդկանց մասին է» (It's about people), և հույս է հայտնել, որ դա վերաբերում է նաև Լեռնային Ղարաբաղի ժողովրդին։
Հիշեցնենք` դեկտեմբերի 12-ից Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։ Դեկտեմբերի 13-ից ադրբեջանական կողմը ժամանակ առ ժամանակ
անջատում է Արցախի գազամատակարարումը։
Հունվարի 9-ից ադրբեջանական վերահսկողության տակ գտնվող տարածքից
անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է
հովհարային անջատումներով։
Լաչինի միջանցքը շարունակում է փակ մնալ։
