https://arm.sputniknews.ru/20230223/rdn-npatakajin-janqer-e-gvortsadrum-baqvi-ev-erevani-haraberutjunnery-kargavvorelu-hamar-55806169.html
ՌԴ–ն նպատակային ջանքեր է գործադրում Բաքվի և Երևանի հարաբերությունները կարգավորելու համար
ՌԴ–ն նպատակային ջանքեր է գործադրում Բաքվի և Երևանի հարաբերությունները կարգավորելու համար
Sputnik Արմենիա
Ռուսաստանի միջնորդությունը կառուցողական և բովանդակալից երկխոսության ապահովումն է՝ երկուստեք ընդունելի լուծումներ գտնելու համար, որոնք հաշվի կառնեն և՛... 23.02.2023, Sputnik Արմենիա
2023-02-23T14:27+0400
2023-02-23T14:27+0400
2023-02-23T14:40+0400
բաքու
երևան
ադրբեջան
հայ-ադրբեջանական
ռուսաստան
միխայիլ գալուզին
https://cdn.am.sputniknews.ru/img/07e6/02/19/39089331_0:445:2047:1596_1920x0_80_0_0_c02977907b7b47336cee6b3956c4fa5a.jpg
ԵՐԵՎԱՆ, 23 փետրվարի – Sputnik. Ռուսաստանը Հայաստանին ու Ադրբեջանին է փոխանցել խաղաղ գործընթացի վերաբերյալ ռուսական նկատառումները, որոնք հաշվի են առնում կողմերի մոտեցումները։ Այս մասին ՏԱՍՍ-ին տված հարցազրույցում ասել է փոխարտգործնախարար Միխայիլ Գալուզինը։Նրա խոսքով`ռուսական կողմը հետևողական աջակցություն է ցուցաբերում կողմերին խաղաղության պայմանագրի մշակման գործում և կարծում է, որ քայլերը պետք է հանգեցնեն տարածաշրջանում ամուր, կայուն և արդար խաղաղության պայմանների ստեղծմանը, ինչը կարտացոլվի խաղաղության պայմանագրում։Նա ընդգծել է, որ Ռուսաստանի միջնորդությունը կառուցողական և բովանդակալից երկխոսության ապահովումն է՝ երկու կողմերի շահերը հաշվի առնող փոխընդունելի լուծումներ գտնելու համար։Այդ նպատակով հայ-ադրբեջանական հարաբերությունների կարգավորման հարցերով Ռուսաստանի Դաշնության արտաքին գործերի նախարարի հատուկ ներկայացուցիչ Իգոր Խովաևը այցեր է կատարել Երևան և Բաքու՝ վերջին անգամ համապատասխանաբար 2023 թվականի փետրվարի 9-10-ը և 14-15-ը:ՌԴ-ն կարևոր է համարում Բաքվի և Երևանի միջև միջնորդության ջանքերի կրկնօրինակումից խուսափելըՆա նշել է, որ Հայաստանի և Ադրբեջանի միջև հակամարտությունը խոր արմատներ ունի։ Դրա վերջնական կարգավորման համար անհրաժեշտ է ժամանակ և համբերություն, այնպիսի պայմանների ձևավորում, որոնք կապահովեն երկկողմ համաձայնագրերի ամրությունը, հուսալիությունը և կայունությունը, որը կհանգեցնի փոխվստահության մթնոլորտի ձևավորմանը։Գալուզինը շեշտել է, որ գործընթացը հիմնված է 2020-2022 թվականների ամենաբարձր մակարդակով եռակողմ համաձայնագրերի վրա, որոնք նախատեսում են մի շարք առաջնահերթ միջոցառումներ, այդ թվում՝ երկու երկրների միջև տրանսպորտային կապերի ապաշրջափակում, հայ-ադրբեջանական սահմանի սահմանազատում և շփումների զարգացում քաղաքացիական հասարակության միջոցով։ՌԴ փոխարտգործնախարարը նշել է, որ հենց դրան է ձգտում Ռուսաստանը, ինչի համար Անդրկովկասում խաղաղությունն ու կայունությունը միշտ առաջին պլանում են լինելու։Ռուսաստանի միջնորդությունը հայ-ադրբեջանական խնդրի կարգավորման հարցում չի դադարել. Կոպիրկին
բաքու
երևան
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
https://cdn.am.sputniknews.ru/img/07e6/02/19/39089331_0:424:2047:1959_1920x0_80_0_0_cd4920f023ae53b33294fc287535c0d5.jpgSputnik Արմենիա
media@sputniknews.com
+74956456601
MIA „Rosiya Segodnya“
բաքու, երևան, ադրբեջան, հայ-ադրբեջանական, ռուսաստան, միխայիլ գալուզին
բաքու, երևան, ադրբեջան, հայ-ադրբեջանական, ռուսաստան, միխայիլ գալուզին
ՌԴ–ն նպատակային ջանքեր է գործադրում Բաքվի և Երևանի հարաբերությունները կարգավորելու համար
14:27 23.02.2023 (Թարմացված է: 14:40 23.02.2023) Ռուսաստանի միջնորդությունը կառուցողական և բովանդակալից երկխոսության ապահովումն է՝ երկուստեք ընդունելի լուծումներ գտնելու համար, որոնք հաշվի կառնեն և՛ Հայաստանի, և՛ Ադրբեջանի շահերը։
ԵՐԵՎԱՆ, 23 փետրվարի – Sputnik. Ռուսաստանը Հայաստանին ու Ադրբեջանին է փոխանցել խաղաղ գործընթացի վերաբերյալ ռուսական նկատառումները, որոնք հաշվի են առնում կողմերի մոտեցումները։ Այս մասին ՏԱՍՍ-ին տված հարցազրույցում ասել է փոխարտգործնախարար Միխայիլ Գալուզինը։
Նրա խոսքով`ռուսական կողմը հետևողական աջակցություն է ցուցաբերում կողմերին խաղաղության պայմանագրի մշակման գործում և կարծում է, որ քայլերը պետք է հանգեցնեն տարածաշրջանում ամուր, կայուն և արդար խաղաղության պայմանների ստեղծմանը, ինչը կարտացոլվի խաղաղության պայմանագրում։
«Մենք մեր գործընկերներին փոխանցեցինք նաև ռուսական պատկերացումները խաղաղ գործընթացի հիմնարար սկզբունքների և պարամետրերի մասին՝ հաշվի առնելով կողմերի մոտեցումները։ Խաղաղության ճանապարհին բազմաթիվ խոչընդոտներ կան», - ասել է Գալուզինը։
Նա ընդգծել է, որ Ռուսաստանի միջնորդությունը կառուցողական և բովանդակալից երկխոսության ապահովումն է՝ երկու կողմերի շահերը հաշվի առնող փոխընդունելի լուծումներ գտնելու համար։
Այդ նպատակով հայ-ադրբեջանական հարաբերությունների կարգավորման հարցերով Ռուսաստանի Դաշնության արտաքին գործերի նախարարի հատուկ ներկայացուցիչ Իգոր Խովաևը այցեր է կատարել Երևան և Բաքու՝ վերջին անգամ համապատասխանաբար 2023 թվականի փետրվարի 9-10-ը և 14-15-ը:
Նա նշել է, որ Հայաստանի և Ադրբեջանի միջև հակամարտությունը խոր արմատներ ունի։ Դրա վերջնական կարգավորման համար անհրաժեշտ է ժամանակ և համբերություն, այնպիսի պայմանների ձևավորում, որոնք կապահովեն երկկողմ համաձայնագրերի ամրությունը, հուսալիությունը և կայունությունը, որը կհանգեցնի փոխվստահության մթնոլորտի ձևավորմանը։
Գալուզինը շեշտել է, որ գործընթացը հիմնված է 2020-2022 թվականների ամենաբարձր մակարդակով եռակողմ համաձայնագրերի վրա, որոնք նախատեսում են մի շարք առաջնահերթ միջոցառումներ, այդ թվում՝ երկու երկրների միջև տրանսպորտային կապերի ապաշրջափակում, հայ-ադրբեջանական սահմանի սահմանազատում և շփումների զարգացում քաղաքացիական հասարակության միջոցով։
ՌԴ փոխարտգործնախարարը նշել է, որ հենց դրան է ձգտում Ռուսաստանը, ինչի համար Անդրկովկասում խաղաղությունն ու կայունությունը միշտ առաջին պլանում են լինելու։