https://arm.sputniknews.ru/20230222/agn-n-kvoch-e-anum-mijazgajin-gvortsynkernerin-apahvovel-mijazgajin-datarani-vorvoshman-katarumy-55783201.html

ԱԳՆ-ն կոչ է անում միջազգային գործընկերներին ապահովել միջազգային դատարանի որոշման կատարումը

ԱԳՆ-ն կոչ է անում միջազգային գործընկերներին ապահովել միջազգային դատարանի որոշման կատարումը

Sputnik Արմենիա

Նշվում է, որ Հայաստանն ուշադիր հետևելու է իրավիճակին և դատարանին կտեղեկացնի Ադրբեջանի կողմից ցանկացած խախտումների մասին։ 22.02.2023, Sputnik Արմենիա

2023-02-22T23:16+0400

2023-02-22T23:16+0400

2023-02-22T23:16+0400

հհ արտաքին գործերի նախարարություն. ագն

միավորված ազգերի կազմակերպություն (մակ)

հաագայի դատարան

ադրբեջան

հայաստան

լաչինի միջանցք

https://cdn.am.sputniknews.ru/img/07e4/08/18/24215379_0:0:1601:901_1920x0_80_0_0_2f9b6e87ad19b6e9849e0afbe8652a61.jpg

ԵՐԵՎԱՆ, 22 փետրվարի – Sputnik. ՀՀ ԱԳՆ–ն կոչ է անում միջազգային գործընկերներին գործուն քայլեր ձեռնարկել՝ ապահովելու Ադրբեջանի կողմից Արդարադատության միջազգային դատարանի որոշման անհապաղ իրականացումը։ Նման հայտարարություն է տարածել ՀՀ ԱԳՆ մամուլի ծառայությունը` անդրադառնալով ՄԱԿ–ի Արդարադատության միջազգային դատարանի այսօրվա որոշումներին։ՀՀ արտաքին քաղաքական գերատեսչությունը ողջունում է ՄԱԿ–ի Արդարադատության միջազգային դատարանի ընդունած Հայաստանի և Ադրբեջանի կողմից ներկայացված հրատապ միջոցների կիրառման մասին միջնորդությունների վերաբերյալ փետրվարի 22-ի որոշումները։ՀԱյտնել էինք, որ դատարանի որոշումների համաձայն՝ Ադրբեջանի կողմից Լեռնային Ղարաբաղի շրջափակումը և այլ գործողությունները պետք է անհապաղ դադարեցվեն:Նշվում է, որ դատարանն իրավաբանորեն պարտավորեցնող որոշում է կայացրել Ադրբեջանի դեմ Հայաստանի կողմից ներկայացված վարույթի շրջանակներում՝ միաժամանակ կտրականապես մերժելով Ադրբեջանի կողմից Հայաստանի դեմ ներկայացված զուգահեռ վարույթում Ադրբեջանի պահանջները։Հիշեցնենք` դեկտեմբերի 12-ից Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։ Դեկտեմբերի 13-ից ադրբեջանական կողմը ժամանակ առ ժամանակ անջատում է Արցախի գազամատակարարումը։Հունվարի 9-ից ադրբեջանական վերահսկողության տակ գտնվող տարածքից անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է հովհարային անջատումներով։Լաչինի միջանցքը շարունակում է փակ մնալ։

ադրբեջան

լաչինի միջանցք

2023

Լուրեր

am_HY

հհ արտաքին գործերի նախարարություն. ագն, միավորված ազգերի կազմակերպություն (մակ), հաագայի դատարան, ադրբեջան, հայաստան, լաչինի միջանցք