https://arm.sputniknews.ru/20230218/hajastany-qaghaqakan-pahanj-e-stacel-itb-berlin-cucahandesic-pordzagetnery-dzhgvoh-en-55524082.html
Հայաստանը քաղաքական պահանջ է ստացել ITB Berlin ցուցահանդեսից. փորձագետները դժգոհ են
Հայաստանը քաղաքական պահանջ է ստացել ITB Berlin ցուցահանդեսից. փորձագետները դժգոհ են
Sputnik Արմենիա
Զբոսաշրջության ոլորտի ներկայացուցիչները վրդովված են ITB Berlin-ի պահանջից, իսկ իշխանություններից դեռ արձագանք չկա։ 18.02.2023, Sputnik Արմենիա
2023-02-18T09:55+0400
2023-02-18T09:55+0400
2023-02-18T13:52+0400
զբոսաշրջություն
բեռլին
հայաստան
արցախ
ադրբեջան
սուսաննա սաֆարյան
https://cdn.am.sputniknews.ru/img/07e7/02/11/55521956_0:200:2933:1849_1920x0_80_0_0_413cd73fb5865c6c72456a0f5537f509.jpg
ԵՐԵՎԱՆ, 18 փետրվարի - Sputnik. Աշխարհի խոշորագույն զբոսաշրջային տոնավաճառներից մեկի՝ Բեռլինի միջազգային զբոսաշրջային ցուցահանդեսի (ITB Berlin) կազմակերպիչները նամակ են հղել ՀՀ էկոնոմիկայի նախարարությանը՝ պահանջելով ցուցահանդեսի ժամանակ չօգտագործել Լեռնային Ղարաբաղի մասին տեղեկատվություն պարունակող բուկլետներ, կատալոգներ և այլն: Ընդ որում, իրենց պահանջը հիմնավորելու համար նամակում հիշատակվում է ՄԱԿ-ի Անվտանգության խորհրդի չորս բանաձևեր Ղարաբաղի վերաբերյալ (այսպես կոչված՝ «Ադրբեջանի տարածքների օկուպացիայի» վերաբերյալ)։ Դա, բնականաբար, բուռն քննարկումներ է առաջացրել սոցցանցերում։Կրթության նախկին նախարար Արմեն Աշոտյանը զայրացած գրառում է կատարել և նշել, որ հայկական կողմն առաջին անգամ է նման նամակ ստանում։ Նա վարչապետ Նիկոլ Փաշինյանին և նրա թիմին մեղադրել է երկիրը սխալ կառավարելու և սխալ հարաբերություններ կառուցելու մեջ, ինչը հանգեցրել է նման արգելքների։Զբոսաշրջության կոմիտեի նախկին ղեկավար Սուսաննա Սաֆարյանը Sputnik Արմենիայի հետ զրույցում նշեց, որ 2019-2021 թվականներին նման նամակ չի ստացել։ Սակայն երբեմն լինում էին ցուցահանդեսների կազմակերպիչների բանավոր խնդրանքներ` չօգտագործել Լեռնային Ղարաբաղի մասին նյութեր, քանի որ դա դառնում էր վեճի առարկա, մասնավորապես ադրբեջանական կողմի ներկայացուցիչները հայկական տաղավարների մոտ աղմկել և խանգարել են տարբեր ցուցահանդեսներում հայկական տաղավարների աշխատանքներին։Սաֆարյանն ընդգծում է, որ այնուամենայնիվ տուրօպերատորները միջոց գտել են իրավիճակը շրջանցելու և ներկայացրել են հայկական մշակույթը և իրենց առաջարկները նաև Արցախին վերաբերող, և նկատողություններ ստանում էին, սակայն բանավոր։Այնուամենայնիվ Սաֆարյանը կարծում է, որ այս իրավիճակում պետք է երկարաժամկետ մտածել հասկանալու համար` Արցախը գովազդելը ինչի կբերի։«Visit Armenia» DMC & Travel ընկերության հիմնադիր Վլադիմիր Գևորգյանն իր հերթին պատմեց, որ նամակն արդեն քննարկվել է զբոսաշրջության կոմիտեում:«Նմանատիպ բովանդակությամբ նամակը շատ խտրական վերաբերմունք է, որովհետև եթե ցուցահանդեսի կազմակերպիչները նշում են, որ տուրիզմը պետք է զերծ մնա քաղաքականությունից, մեր պարագայում իրենք են տուրիզմը քաղաքականցնում»,–ասաց Գևորգյանը։Գևորգյանի կարծիքով`ՀՀ ԱԳՆ-ն պետք է գրավոր և բավականին կոշտ պատասխան տա այդ նամակին։ Նրա համոզմամբ, եթե հայկական կողմը զիջի այդ հարթակում, ապա Բաքուն աստիճանաբար կգրավի նաև այլ զբոսաշրջային հարթակներ։Նա նաև տեղեկացրեց, որ ցուցահանդեսին մասնակցելու են 24 հայկական զբոսաշրջային ընկերություններ: Նրանց թվում կան այնպիսիք, որոնք համաձայն են մասնակցել այն պայմաններով, որոնք առաջ է քաշում գերմանական կողմը։Վլադիմիր Գևորգյանը նշեց, որ անձամբ ինքը որոշել է Արցախի վերաբերյալ գրքույկներ տանել ցուցահանդեսին և ներկայացնել Արցախը որպես տուրիստական գոտի։Նշենք, որ Զբոսաշրջության կոմիտեն դեռ չի մեկնաբանել նամակի ստացումը և իր դիրքորոշումը: Հարկային փոփոխություններ. ինչ չեն կարողանում կիսել զբոսաշրջային ընկերություններն ու գիդերըԲեռլինի միջազգային զբոսաշրջային բորսան աշխարհի խոշորագույն զբոսաշրջային ցուցահանդեսն է։ Ցուցահանդեսը տեղի կունենա մարտի 8-12-ը։ Ամեն տարի դրան մասնակցում է 10 հազար կազմակերպություն 180 երկրներից։ Քաղաքները, տուրօպերատորները, ամրագրման համակարգի մշակողները, ավիաընկերությունները, հյուրանոցները և զբոսաշրջության հետ կապված այլ ձեռնարկություններ կներկայացնեն իրենց ծառայությունները:
բեռլին
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
զբոսաշրջություն , բեռլին, հայաստան, արցախ, ադրբեջան, սուսաննա սաֆարյան
զբոսաշրջություն , բեռլին, հայաստան, արցախ, ադրբեջան, սուսաննա սաֆարյան
Հայաստանը քաղաքական պահանջ է ստացել ITB Berlin ցուցահանդեսից. փորձագետները դժգոհ են
09:55 18.02.2023 (Թարմացված է: 13:52 18.02.2023) Զբոսաշրջության ոլորտի ներկայացուցիչները վրդովված են ITB Berlin-ի պահանջից, իսկ իշխանություններից դեռ արձագանք չկա։
ԵՐԵՎԱՆ, 18 փետրվարի - Sputnik. Աշխարհի խոշորագույն զբոսաշրջային տոնավաճառներից մեկի՝ Բեռլինի միջազգային զբոսաշրջային ցուցահանդեսի (ITB Berlin) կազմակերպիչները նամակ են հղել ՀՀ էկոնոմիկայի նախարարությանը՝ պահանջելով ցուցահանդեսի ժամանակ չօգտագործել Լեռնային Ղարաբաղի մասին տեղեկատվություն պարունակող բուկլետներ, կատալոգներ և այլն: Ընդ որում, իրենց պահանջը հիմնավորելու համար նամակում հիշատակվում է ՄԱԿ-ի Անվտանգության խորհրդի չորս բանաձևեր Ղարաբաղի վերաբերյալ (այսպես կոչված՝ «Ադրբեջանի տարածքների օկուպացիայի» վերաբերյալ)։ Դա, բնականաբար, բուռն քննարկումներ է առաջացրել սոցցանցերում։
Կրթության նախկին նախարար Արմեն Աշոտյանը զայրացած գրառում է կատարել և նշել, որ հայկական կողմն առաջին անգամ է նման նամակ ստանում։ Նա վարչապետ Նիկոլ Փաշինյանին և նրա թիմին մեղադրել է երկիրը սխալ կառավարելու և սխալ հարաբերություններ կառուցելու մեջ, ինչը հանգեցրել է նման արգելքների։
Զբոսաշրջության կոմիտեի նախկին ղեկավար Սուսաննա Սաֆարյանը
Sputnik Արմենիայի հետ զրույցում նշեց, որ 2019-2021 թվականներին նման նամակ չի ստացել։ Սակայն երբեմն լինում էին ցուցահանդեսների կազմակերպիչների բանավոր խնդրանքներ` չօգտագործել Լեռնային Ղարաբաղի մասին նյութեր, քանի որ դա դառնում էր վեճի առարկա, մասնավորապես ադրբեջանական կողմի ներկայացուցիչները հայկական տաղավարների մոտ աղմկել և խանգարել են տարբեր ցուցահանդեսներում հայկական տաղավարների աշխատանքներին։
Սաֆարյանն ընդգծում է, որ այնուամենայնիվ տուրօպերատորները միջոց գտել են իրավիճակը շրջանցելու և ներկայացրել են հայկական մշակույթը և իրենց առաջարկները նաև Արցախին վերաբերող, և նկատողություններ ստանում էին, սակայն բանավոր։
«Չգիտեմ, թե ինչպես պետք է հիմա վարվի հայկական կողմը՝ հրաժարվել մասնակցությունից, թե ոչ, քանի որ 2020 թվականից հետո իրավիճակը փոխվել է։ Ավելի շատ խնդիրներ կան, թե ովքեր են կարողանալու Արցախ տուրեր իրականցել»,–ասաց նա։
Այնուամենայնիվ Սաֆարյանը կարծում է, որ այս իրավիճակում պետք է երկարաժամկետ մտածել հասկանալու համար` Արցախը գովազդելը ինչի կբերի։
«Visit Armenia» DMC & Travel ընկերության հիմնադիր Վլադիմիր Գևորգյանն իր հերթին պատմեց, որ նամակն արդեն քննարկվել է զբոսաշրջության կոմիտեում:
«Նմանատիպ բովանդակությամբ նամակը շատ խտրական վերաբերմունք է, որովհետև եթե ցուցահանդեսի կազմակերպիչները նշում են, որ տուրիզմը պետք է զերծ մնա քաղաքականությունից, մեր պարագայում իրենք են տուրիզմը քաղաքականցնում»,–ասաց Գևորգյանը։
Գևորգյանի կարծիքով`ՀՀ ԱԳՆ-ն պետք է գրավոր և բավականին կոշտ պատասխան տա այդ նամակին։ Նրա համոզմամբ, եթե հայկական կողմը զիջի այդ հարթակում, ապա Բաքուն աստիճանաբար կգրավի նաև այլ զբոսաշրջային հարթակներ։
«Մենք Լեռնային Ղարաբաղը ներկայացնում ենք հայկական մշակույթի համատեքստում և քաղաքական հայտարարություններով հանդես չենք գալիս։ Իսկ Ադրբեջանն օգտագործել է քարոզչական հարթակը ։ Դեռ 2019 թվականին առաջարկել է տուրեր դեպի Նորավանք, դիտարկմանը, թե իրենք դրան հասանելիություն չունեն, ադրբեջանցիները հայտարարում էին՝ շատ շուտով միայն մենք կունենանք», - հիշեց նա։
Նա նաև տեղեկացրեց, որ ցուցահանդեսին մասնակցելու են 24 հայկական զբոսաշրջային ընկերություններ: Նրանց թվում կան այնպիսիք, որոնք համաձայն են մասնակցել այն պայմաններով, որոնք առաջ է քաշում գերմանական կողմը։
Վլադիմիր Գևորգյանը նշեց, որ անձամբ ինքը որոշել է Արցախի վերաբերյալ գրքույկներ տանել ցուցահանդեսին և ներկայացնել Արցախը որպես տուրիստական գոտի։
Նշենք, որ Զբոսաշրջության կոմիտեն դեռ չի մեկնաբանել նամակի ստացումը և իր դիրքորոշումը:
Բեռլինի միջազգային զբոսաշրջային բորսան աշխարհի խոշորագույն զբոսաշրջային ցուցահանդեսն է։ Ցուցահանդեսը տեղի կունենա մարտի 8-12-ը։ Ամեն տարի դրան մասնակցում է 10 հազար կազմակերպություն 180 երկրներից։ Քաղաքները, տուրօպերատորները, ամրագրման համակարգի մշակողները, ավիաընկերությունները, հյուրանոցները և զբոսաշրջության հետ կապված այլ ձեռնարկություններ կներկայացնեն իրենց ծառայությունները:
