https://arm.sputniknews.ru/20230217/jvo-bajdenn-arvoghj-e-ev-sklervozvov-chi-tarapum-bzhshki-ezrakacutjuny-55475038.html
Ջո Բայդենն առողջ է և սկլերոզով չի տառապում. բժշկի եզրակացությունը
Ջո Բայդենն առողջ է և սկլերոզով չի տառապում. բժշկի եզրակացությունը
Sputnik Արմենիա
Ամերիկայի նախագահը բուժզննում է անցել, որից հետո Սպիտակ տունը հրապարակել է մասնագետի եզրակացության տեքստը։ 17.02.2023, Sputnik Արմենիա
2023-02-17T10:08+0400
2023-02-17T10:08+0400
2023-02-17T10:18+0400
ջո բայդեն
հիշողություն
նախագահ
ամն
բժիշկ
հիվանդ
https://cdn.am.sputniknews.ru/img/07e6/08/01/46072285_0:24:1600:924_1920x0_80_0_0_9a09902acb69534a1325b2d0c16d2bc5.jpg
ԵՐԵՎԱՆ, 17 փետրվարի – Sputnik. Ջո Բայդենը կարող է արդյունավետ կատարել ԱՄՆ նախագահի գործառույթները. նա առողջ է և ո՛չ սկլերոզով, ո՛չ էլ Պարկինսոնի հիվանդությամբ չի տառապում։ Այս մասին, ՌԻԱ Նովոստիի փոխանցմամբ, հայտարարել է նախագահի բուժող բժիշկ Քևին Օ՛Քոննորը։Փետրվարի 16-ին Բայդենը երեք ժամ անցկացրել է հիվանդանոցում ամենամյա բուժզննում անցնելու համար։ Սպիտակ տունը տարածել է Օ՛Քոննորի 5-էջանոց եզրակացությունը։Նրա խոսքով` Բայդենը առողջ և առույգ 80-ամյա տղամարդ է, որն ի վիճակի է հաջողությամբ կատարել նախագահի պարտականությունները, այդ թվում որպես պետության ղեկավար և գերագույն գլխավոր հրամանատար։Նշվում է, որ բուժզննման ընթացքում Բայդենի մոտ կրծքի շրջանում մաշկային գոյացություն են հեռացրել։ Բժիշկը հիշեցրել է, որ դեռ մինչև նախագահի պաշտնը զբաղեցնելը Բայդենը վիրահատություն էր տարել` կապված քաղցկեղածին մաշկային գոյացությունների հեռացման հետ։ Դրանց առաջացման պատճառն արևի տակ երկար մնալն է։Բժիշկը բացատրել է նաև ԱՄՆ նախագահի` ժամանակ առ ժամանակ առաջացող հազի պատճառը. այսպես է արտահայտվում ստամոքսա–կերակրափողային ռեֆլյուքսը` սնվելուց հետո ախտանշանները սրվում են։Կմասնակցի՞ 2024-ի նախագահական ընտրություններին. Բայդենի պատասխանըԵրբեմն աստիճանների վրա և ինքնաթիռ բարձրանալիս սայթաքող Բայդենի քայլվածքի պատճառը բժիշկը բացատրել է երկու ոտնաթաթերի նյարդաթելերի վնասվածքով, ողնաշարիև ոտնաթաթի արթրիթով, ինչպես նաև նախկինում ունեցած վնասվածքի հետևանքով։Իսկ ահա Բայդենի մոռացկոտությունն ու լեզվի սայթաքումները, ըստ Օ՛Քոննորի, բժշկական բացատրություն չունեն։ Համենայն դեպս, նյարդաբանական խորը ուսումնասիրության արդյունքները բժիշկը «հուսադրող» է անվանել։Հիշեցնենք, որ 2022 թվականի դեկտեմբերին Սպիտակ տան մամուլի քարտուղար Կարին Ժան Պիերը ճեպազրույցի ժամանակ հայտարարել էր, որ Ջո Բայդենը մտադիր է երկրորդ անգամ իր թեկնածությունը դնել նախագահական ընտրություններում, և, ամենայն հավանականությամբ, վերջնական որոշում կկայացնի 2023 թվականի սկզբին։ Նա հավելել է, որ ԱՄՆ նախագահը մտադիր է քննարկել այդ հարցն իր ընտանիքի հետ։ Սակայն 2023 թվականի փետրվարին հարցազրույցներից մեկում ԱՄՆ նախագահը խոստովանել էր, որ դեռ պատրաստ չէ որոշում կայացնել առաջիկա նախագահական մրցապայքարին մասնակցելու վերաբերյալ։Խոստացել էր թափանցիկ վարչակազմ, հրաժարվում է թափանցիկ լինել. կոնգրեսականը` Բայդենի մասին
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ջո բայդեն, հիշողություն, նախագահ, ամն, բժիշկ, հիվանդ
ջո բայդեն, հիշողություն, նախագահ, ամն, բժիշկ, հիվանդ
Ջո Բայդենն առողջ է և սկլերոզով չի տառապում. բժշկի եզրակացությունը
10:08 17.02.2023 (Թարմացված է: 10:18 17.02.2023) Ամերիկայի նախագահը բուժզննում է անցել, որից հետո Սպիտակ տունը հրապարակել է մասնագետի եզրակացության տեքստը։
ԵՐԵՎԱՆ, 17 փետրվարի – Sputnik. Ջո Բայդենը կարող է արդյունավետ կատարել ԱՄՆ նախագահի գործառույթները. նա առողջ է և ո՛չ սկլերոզով, ո՛չ էլ Պարկինսոնի հիվանդությամբ չի տառապում։ Այս մասին,
ՌԻԱ Նովոստիի փոխանցմամբ, հայտարարել է նախագահի բուժող բժիշկ Քևին Օ՛Քոննորը։
Փետրվարի 16-ին Բայդենը երեք ժամ անցկացրել է հիվանդանոցում ամենամյա բուժզննում անցնելու համար։ Սպիտակ տունը տարածել է Օ՛Քոննորի 5-էջանոց եզրակացությունը։
«Նախագահը չի՛ ծխում, չի՛ խմում և շարունակում է ֆիզիկական վարժություններ անել շաբաթական առնվազն 5 անգամ», – հայտնել է բժիշկը։
Նրա խոսքով` Բայդենը առողջ և առույգ 80-ամյա տղամարդ է, որն ի վիճակի է հաջողությամբ կատարել նախագահի պարտականությունները, այդ թվում որպես պետության ղեկավար և գերագույն գլխավոր հրամանատար։
Նշվում է, որ բուժզննման ընթացքում Բայդենի մոտ կրծքի շրջանում մաշկային գոյացություն են հեռացրել։ Բժիշկը հիշեցրել է, որ դեռ մինչև նախագահի պաշտնը զբաղեցնելը Բայդենը վիրահատություն էր տարել` կապված քաղցկեղածին մաշկային գոյացությունների հեռացման հետ։ Դրանց առաջացման պատճառն արևի տակ երկար մնալն է։
Բժիշկը բացատրել է նաև ԱՄՆ նախագահի` ժամանակ առ ժամանակ առաջացող հազի պատճառը. այսպես է արտահայտվում ստամոքսա–կերակրափողային ռեֆլյուքսը` սնվելուց հետո ախտանշանները սրվում են։
Երբեմն աստիճանների վրա և ինքնաթիռ բարձրանալիս սայթաքող Բայդենի քայլվածքի պատճառը բժիշկը բացատրել է երկու ոտնաթաթերի նյարդաթելերի վնասվածքով, ողնաշարիև ոտնաթաթի արթրիթով, ինչպես նաև նախկինում ունեցած վնասվածքի հետևանքով։
Իսկ ահա Բայդենի մոռացկոտությունն ու լեզվի սայթաքումները, ըստ Օ՛Քոննորի, բժշկական բացատրություն չունեն։ Համենայն դեպս, նյարդաբանական խորը ուսումնասիրության արդյունքները բժիշկը «հուսադրող» է անվանել։
«Ուղեղի կամ այլ նյարդաբանական խանգարման որևէ նշան, ինչպիսիք են ուղեղի կաթվածը, ցրված սկլերոզը, Պարկինսոնի հիվանդությունը կամ ամիոտրոֆիկ կողմնային սկլերոզը, չկա»,–ասվում է եզրակացության մեջ։
Հիշեցնենք, որ 2022 թվականի դեկտեմբերին Սպիտակ տան մամուլի քարտուղար Կարին Ժան Պիերը ճեպազրույցի ժամանակ հայտարարել էր, որ Ջո Բայդենը մտադիր է երկրորդ անգամ իր թեկնածությունը դնել նախագահական ընտրություններում, և, ամենայն հավանականությամբ, վերջնական որոշում կկայացնի 2023 թվականի սկզբին։ Նա հավելել է, որ ԱՄՆ նախագահը մտադիր է քննարկել այդ հարցն իր ընտանիքի հետ։ Սակայն 2023 թվականի փետրվարին հարցազրույցներից մեկում ԱՄՆ նախագահը խոստովանել էր, որ դեռ պատրաստ չէ որոշում կայացնել առաջիկա նախագահական մրցապայքարին մասնակցելու վերաբերյալ։
