https://arm.sputniknews.ru/20230217/hajastany-nerdrum-chi-anum-gastrvoturizmy-zargacnelu-hamar-arbi-gharakhan-55496970.html
Հայաստանը ներդրում չի անում գաստրոտուրիզմը զարգացնելու համար. Արբի Ղարախան
Հայաստանը ներդրում չի անում գաստրոտուրիզմը զարգացնելու համար. Արբի Ղարախան
Sputnik Արմենիա
Մասնագետը պարզաբանում է, թե ինչու է աշխարհի լավագույն համաշխարհային խոհանոցների վարկանիշում Հայաստանը հայտնվել 90-րդ տեղում։ 17.02.2023, Sputnik Արմենիա
2023-02-17T15:17+0400
2023-02-17T15:17+0400
2023-02-17T15:22+0400
հայաստան
խոհանոց
վարկանիշ
տոլմա
https://cdn.am.sputniknews.ru/img/07e7/02/11/55484825_0:0:1601:901_1920x0_80_0_0_47db0b162cdb16af7c2cee9a8e09f70f.jpg
ԵՐԵՎԱՆ, 17 փետրվարի – Sputnik. Հայաստանը պետական մակարդակով պետք է լրջորեն զբաղվի ավանդական ազգային խոհանոցի հանրահռչակմամբ և տարբեր երկրներում մրցունակ կադրերի պատրաստմամբ։ Միայն մասնավոր ջանքերը բավարար չեն։ Sputnik Արմենիա մուլտիմեդիոն մամուլի կենտրոնում հրավիրված ասուլիսում այս հայտարարությունն արեց Հայ խոհարարական ավանդույթների զարգացման և պահպանման հասարակական կազմակերպության գործադիր տնօրեն, Հայաստանի խոհարարների ասոցիացիայի հիմնադիր, «WorldSkills (Աշխարհի հմտություններ) Armenia» ազգային թիմի փորձագետ Արբի Ղարախանը։Նրա խոսքով` համապատասխան քաղաքականության բացակայությունը հանգեցնում է նրան, որ հայկական խոհանոցի և դրա բազմաթիվ ուտեստների մասին քիչ բան է հայտնի ինչպես Հայաստանում, այնպես էլ երկրից դուրս։ Այդ է պատճառը, որ միջազգային մրցանակաբաշխություններում Հայաստանի զբաղեցրած հորիզոնականները գոհացուցիչ չեն։Ավելի վաղ հայտնի էր դարձել, որ «TasteAtlas»-ի` 2022 թվականի աշխարհի լավագույն համաշխարհային խոհանոցների վարկանիշում Հայաստանը 3,80 միավորով 90-րդ տեղում է (95 երկրների մեջ)։Հայկական սիրված ուտեստներից ցանկում ներառված են լավաշը, լահմաջոն, տոլման, հարիսան, ղափաման, խորովածն ու քյաբաբը և պահքի ժամանակ ավանդաբար օգտագործվող մանթին և թոփիկը։Ղարախանի խոսքով` «TasteAtlas»-ի նման կայքերի ուսումնասիրությունները հիմնված են տարբեր սոցիալական ցանցերի վիճակագրական տվյալների վրա:Ըստ նրա՝ խնդիրը մոտեցումների մեջ է. ստեղծվել է անհեթեթ իրավիճակ, երբ Հայաստանում աշխարհի այլ խոհանոցների ճաշատեսակներն ավելի լավ են պատրաստում և ավելի լավ են «դիրքավորում», քան հայկական ազգային ուտեստները (լահմաջոյի, խինկալիի օրինակով):«Նույն տոլման շատ համեղ է, բայց թող չնեղանան ինձնից, ռեստորանների մեծ մասում տոլման ոչ թարմ է մատուցվում։ Հայաստանի ռեստորանները կարևորում են գումար աշխատելը, ոչ թե ազգային ուտեստները, մշակույթը ներկայացնելը»,- ասաց նա։Հայաստանի խոհարարների ասոցիացիայի հիմնադիրն ընդգծեց, որ իր թիմով վերջին տասը տարիների ընթացքում փորձում են հանրահռչակել հայկական խոհանոցը, սակայն միայն իրենց ջանքերը բավարար չեն, անհրաժեշտ է պետական աջակցություն։Նա ընդգծեց, որ այն, ինչ իրենք իրենց միջոցներով անում են 5 տարում, հարևան երկրները դա անում են մի քանի ամսում։2023–ի լավագույն ճանապարհորդական ուղղությունները. ՀՀ–ն Forbes-ի վարկանիշային ցանկում է
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, խոհանոց, վարկանիշ, տոլմա
հայաստան, խոհանոց, վարկանիշ, տոլմա
Հայաստանը ներդրում չի անում գաստրոտուրիզմը զարգացնելու համար. Արբի Ղարախան
15:17 17.02.2023 (Թարմացված է: 15:22 17.02.2023) Մասնագետը պարզաբանում է, թե ինչու է աշխարհի լավագույն համաշխարհային խոհանոցների վարկանիշում Հայաստանը հայտնվել 90-րդ տեղում։
ԵՐԵՎԱՆ, 17 փետրվարի – Sputnik. Հայաստանը պետական մակարդակով պետք է լրջորեն զբաղվի ավանդական ազգային խոհանոցի հանրահռչակմամբ և տարբեր երկրներում մրցունակ կադրերի պատրաստմամբ։ Միայն մասնավոր ջանքերը բավարար չեն։
Sputnik Արմենիա մուլտիմեդիոն մամուլի կենտրոնում հրավիրված ասուլիսում այս հայտարարությունն արեց Հայ խոհարարական ավանդույթների զարգացման և պահպանման հասարակական կազմակերպության գործադիր տնօրեն, Հայաստանի խոհարարների ասոցիացիայի հիմնադիր, «WorldSkills (Աշխարհի հմտություններ) Armenia» ազգային թիմի փորձագետ Արբի Ղարախանը։
Նրա խոսքով` համապատասխան քաղաքականության բացակայությունը հանգեցնում է նրան, որ հայկական խոհանոցի և դրա բազմաթիվ ուտեստների մասին քիչ բան է հայտնի ինչպես Հայաստանում, այնպես էլ երկրից դուրս։ Այդ է պատճառը, որ միջազգային մրցանակաբաշխություններում Հայաստանի զբաղեցրած հորիզոնականները գոհացուցիչ չեն։
Ավելի վաղ հայտնի էր դարձել, որ «TasteAtlas»-ի` 2022 թվականի աշխարհի լավագույն համաշխարհային խոհանոցների վարկանիշում Հայաստանը 3,80 միավորով 90-րդ տեղում է (95 երկրների մեջ)։
Հայկական սիրված ուտեստներից ցանկում ներառված են լավաշը, լահմաջոն, տոլման, հարիսան, ղափաման, խորովածն ու քյաբաբը և պահքի ժամանակ ավանդաբար օգտագործվող մանթին և թոփիկը։
Ղարախանի խոսքով` «TasteAtlas»-ի նման կայքերի ուսումնասիրությունները հիմնված են տարբեր սոցիալական ցանցերի վիճակագրական տվյալների վրա:
«Հայաստանը ներդրում չի անում գաստրոտուրիզմը զարգացնելու համար, և այդ ֆոնին սա իհարկե տխուր իրականություն է»,- ասաց Ղարախանը։
Ըստ նրա՝ խնդիրը մոտեցումների մեջ է. ստեղծվել է անհեթեթ իրավիճակ, երբ Հայաստանում աշխարհի այլ խոհանոցների ճաշատեսակներն ավելի լավ են պատրաստում և ավելի լավ են «դիրքավորում», քան հայկական ազգային ուտեստները (լահմաջոյի, խինկալիի օրինակով):
«Նույն տոլման շատ համեղ է, բայց թող չնեղանան ինձնից, ռեստորանների մեծ մասում տոլման ոչ թարմ է մատուցվում։ Հայաստանի ռեստորանները կարևորում են գումար աշխատելը, ոչ թե ազգային ուտեստները, մշակույթը ներկայացնելը»,- ասաց նա։
Հայաստանի խոհարարների ասոցիացիայի հիմնադիրն ընդգծեց, որ իր թիմով վերջին տասը տարիների ընթացքում փորձում են հանրահռչակել հայկական խոհանոցը, սակայն միայն իրենց ջանքերը բավարար չեն, անհրաժեշտ է պետական աջակցություն։
Նա ընդգծեց, որ այն, ինչ իրենք իրենց միջոցներով անում են 5 տարում, հարևան երկրները դա անում են մի քանի ամսում։
