https://arm.sputniknews.ru/20230216/nvor-tvjalner-en-hajtni-dardzel-hjusisajin-hvosqeri-pajtjunin-amn-i-masnakcutjan-masin-55461038.html
Նոր տվյալներ են հայտնի դարձել «Հյուսիսային հոսքերի» պայթյունին ԱՄՆ-ի մասնակցության մասին
Նոր տվյալներ են հայտնի դարձել «Հյուսիսային հոսքերի» պայթյունին ԱՄՆ-ի մասնակցության մասին
Sputnik Արմենիա
Լրագրող Ջոն Դուգանը պնդում է, որ պայթուցիկը կարող են տեղադրած լինել 2022-ի հունիսին, զորավարժությունների ժամանակ։ 16.02.2023, Sputnik Արմենիա
2023-02-16T20:19+0400
2023-02-16T20:19+0400
2023-02-16T20:23+0400
«հյուսիսային հոսք» նախագիծ
պայթյուն
գազատար
ամն
ռուսաստան
ահաբեկչություն
https://cdn.am.sputniknews.ru/img/1897/13/18971394_0:30:1601:930_1920x0_80_0_0_91641bf085a4bc8115984d94c3d5c0a5.jpg
ԵՐԵՎԱՆ, 16 փետրվարի – Sputnik. ՆԱՏՕ-ի Baltops-2022 զորավարժություններին, որոնք անցկացվել են անցյալ ամառ Բալթիկ ծովի դանիական Բորնհոլմ կղզու շրջանում, խորջրյա սարքավորումներով ամերիկացի ջրասույզներ են մասնակցել։ Տեղեկությունը նշված է ամերիկացի լրագրող Ջոն Դուգանի ստացած անանուն նամակում:Նամակի տեքստը նա տրամադրել է ՌԻԱ Նովոստիին։ Դուգանի խոսքով՝ ինքը բոլոր հիմքերն ունի անանուն աղբյուրին վստահելու համար, քանի որ վերջինս ապացույցներ է ներկայացրել՝ զորավարժությունների լուսանկարներ ու փաստաթղթեր, սակայն խնդրել է չտարածել դրանք՝ վախենալով բացահայտել իր ինքնությունը։ Նամակն ուղարկվել է մեկանգամյա օգտագործման էլեկտրոնային փոստարկղից հոկտեմբերի 2-ին։ Դուգանը փորձել է կապ հաստատել հեղինակի հետ, բայց ապարդյուն:Նամակի հեղինակը պնդում է, որ անցյալ տարվա հունիսին մասնակցել է Baltops զորավարժություններին։ Նրա խոսքով՝ հունիսի 15-ին ուղղաթիռը մի խումբ քաղաքացիական հագուստով ամերիկացիների է բերել։«Իմ առաջին միտքն այն էր, որ նրանք նման էին ահաբեկիչների խմբի», — նշված է նամակում։Հեղինակը պարզաբանում է, որ իրեն տարօրինակ են թվացել նրանց սանրվածքները, բեղերն ու մորուքները, ինչպես նաև անվանական ժետոնների բացակայությունը։Ջրասուզակներին դիմավորել են ԱՄՆ ռազմածովային ուժերի Վեցերորդ նավատորմի փոխծովակալը և քաղաքացիական հագուստով մի խումբ մարդիկ։ Նամակի հեղինակն ուղղաթիռի աղմուկի պատճառով չի լսել նրանց զրույցը։Ականատեսը պնդում է, որ ամերիկացիների մոտ նկատել է MK-29 ռեբրիզերներ, որոնցում թթվածին-հելիում խառնուրդ է օգտագործվում խորը սուզվելու համար։ Բացի այդ, նրանք ունեին նաև այլ բարձր պրոֆեսիոնալ և թանկարժեք սարքավորումներ, որոնք չեն օգտագործվում սովորական ռազմածովային ստորաբաժանումների կողմից։ Բացի այդ, նրանք փոքր արկղեր էին բերել։ Ամերիկացիները խոստովանում են, որ գազատարների պայթյուններն իրենց ձեռքի գործն են. ԼավրովՋրասուզակներն իրենք ասում էին, որ մասնակցելու են ականազերծման վարժանքներին. նրանք պետք է ռետինե նավակով նավարկեին ինչ-որ տարածքում, գտնեին և վնասազերծեին հականավային ականները։ Սակայն դրա համար սարքավորումներ չունեին։ Նամակի հեղինակը պնդում է, որ փոխծովակալի հետ զրույցից հետո ժամանածները զորավարժությունների շրջան չեն գնացել և բավական երկար են բացակայել։«Նրանք նավակը թողեցին և իրենց ռեբրիզերներով ավելի քան վեց ժամ անհետացան ջրի տակ։ Գոյություն չունի այնպիսի ինքնավար հանդերձանք, որը թույլ կտա ջրասույզին վեց ժամ ջրի տակ մնալ: Նորագույն ռազմական համակարգերով՝ առավելագույնը երեք-չորս ժամ կարելի է ջրի տակ մնալ», - նշվում է նամակում։Հեղինակի խոսքով՝ ամերիկացի զինվորականները վերադարձել են առանց արկղերի, հետո ուղղաթիռով հեռացել են։Հիշեցնենք` 2022 թ. սեպտեմբերի 26-ին ահաբեկչություն է տեղի ունեցել միանգամից երկու գազատարում։ Դանիայի և Շվեդիայի իշխանությունների տեղեկությունների համաձայն`գազի երկու արտահոսք է եղել «Հյուսիսային հոսք–1»–ում և մեկ արտահոսք «Հյուսիսային հոսք–2»–ում՝ Բորնհոլմ կղզու շրջանում։
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
«հյուսիսային հոսք» նախագիծ, պայթյուն, գազատար, ամն, ռուսաստան, ահաբեկչություն
«հյուսիսային հոսք» նախագիծ, պայթյուն, գազատար, ամն, ռուսաստան, ահաբեկչություն
Նոր տվյալներ են հայտնի դարձել «Հյուսիսային հոսքերի» պայթյունին ԱՄՆ-ի մասնակցության մասին
20:19 16.02.2023 (Թարմացված է: 20:23 16.02.2023) Լրագրող Ջոն Դուգանը պնդում է, որ պայթուցիկը կարող են տեղադրած լինել 2022-ի հունիսին, զորավարժությունների ժամանակ։
ԵՐԵՎԱՆ, 16 փետրվարի – Sputnik. ՆԱՏՕ-ի Baltops-2022 զորավարժություններին, որոնք անցկացվել են անցյալ ամառ Բալթիկ ծովի դանիական Բորնհոլմ կղզու շրջանում, խորջրյա սարքավորումներով ամերիկացի ջրասույզներ են մասնակցել։ Տեղեկությունը նշված է ամերիկացի լրագրող Ջոն Դուգանի ստացած անանուն նամակում:
Նամակի տեքստը նա տրամադրել է
ՌԻԱ Նովոստիին։ Դուգանի խոսքով՝ ինքը բոլոր հիմքերն ունի անանուն աղբյուրին վստահելու համար, քանի որ վերջինս ապացույցներ է ներկայացրել՝ զորավարժությունների լուսանկարներ ու փաստաթղթեր, սակայն խնդրել է չտարածել դրանք՝ վախենալով բացահայտել իր ինքնությունը։ Նամակն ուղարկվել է մեկանգամյա օգտագործման էլեկտրոնային փոստարկղից հոկտեմբերի 2-ին։ Դուգանը փորձել է կապ հաստատել հեղինակի հետ, բայց ապարդյուն:
«Ես լիովին վստահում եմ նամակին։ Այն պարունակում է մանրամասներ, որոնք կարող էր տրամադրել միայն այն մարդը, որը քաջատեղյակ էր Baltops-2022 զորավարժությունների և խորը ծովային սարքավորումների մասին: Ամեն ինչ կոռեկտ էր», - ՌԻԱ Նովոստիի հետ զրույցում ասել է լրագրողը։
Նամակի հեղինակը պնդում է, որ անցյալ տարվա հունիսին մասնակցել է Baltops զորավարժություններին։ Նրա խոսքով՝ հունիսի 15-ին ուղղաթիռը մի խումբ քաղաքացիական հագուստով ամերիկացիների է բերել։
«Իմ առաջին միտքն այն էր, որ նրանք նման էին ահաբեկիչների խմբի», — նշված է նամակում։
Հեղինակը պարզաբանում է, որ իրեն տարօրինակ են թվացել նրանց սանրվածքները, բեղերն ու մորուքները, ինչպես նաև անվանական ժետոնների բացակայությունը։
Ջրասուզակներին դիմավորել են ԱՄՆ ռազմածովային ուժերի Վեցերորդ նավատորմի փոխծովակալը և քաղաքացիական հագուստով մի խումբ մարդիկ։ Նամակի հեղինակն ուղղաթիռի աղմուկի պատճառով չի լսել նրանց զրույցը։
Ականատեսը պնդում է, որ ամերիկացիների մոտ նկատել է MK-29 ռեբրիզերներ, որոնցում թթվածին-հելիում խառնուրդ է օգտագործվում խորը սուզվելու համար։ Բացի այդ, նրանք ունեին նաև այլ բարձր պրոֆեսիոնալ և թանկարժեք սարքավորումներ, որոնք չեն օգտագործվում սովորական ռազմածովային ստորաբաժանումների կողմից։ Բացի այդ, նրանք փոքր արկղեր էին բերել։
Ջրասուզակներն իրենք ասում էին, որ մասնակցելու են ականազերծման վարժանքներին. նրանք պետք է ռետինե նավակով նավարկեին ինչ-որ տարածքում, գտնեին և վնասազերծեին հականավային ականները։ Սակայն դրա համար սարքավորումներ չունեին։ Նամակի հեղինակը պնդում է, որ փոխծովակալի հետ զրույցից հետո ժամանածները զորավարժությունների շրջան չեն գնացել և բավական երկար են բացակայել։
«Նրանք նավակը թողեցին և իրենց ռեբրիզերներով ավելի քան վեց ժամ անհետացան ջրի տակ։ Գոյություն չունի այնպիսի ինքնավար հանդերձանք, որը թույլ կտա ջրասույզին վեց ժամ ջրի տակ մնալ: Նորագույն ռազմական համակարգերով՝ առավելագույնը երեք-չորս ժամ կարելի է ջրի տակ մնալ», - նշվում է նամակում։
Հեղինակի խոսքով՝ ամերիկացի զինվորականները վերադարձել են առանց արկղերի, հետո ուղղաթիռով հեռացել են։
Հիշեցնենք` 2022 թ. սեպտեմբերի 26-ին ահաբեկչություն է տեղի ունեցել միանգամից երկու գազատարում։ Դանիայի և Շվեդիայի իշխանությունների տեղեկությունների համաձայն`գազի երկու արտահոսք է եղել «Հյուսիսային հոսք–1»–ում և մեկ արտահոսք «Հյուսիսային հոսք–2»–ում՝ Բորնհոլմ կղզու շրջանում։
