Քրդական համայնքն ակցիա է իրականացնում Երևանի կենտրոնում
13:43 15.02.2023 (Թարմացված է: 14:21 15.02.2023)
© Sputnik
Բաժանորդագրվել
Նրանք միջազգային հանրությունից պահանջում են աչք չփակել քրդերի վրա թուրքական իշխանությունների ճնշումների վրա։
ԵՐԵՎԱՆ, 15 փետրվարի – Sputnik. Երևանում ՄԱԿ-ի գրասենյակի մոտ քրդական համայնքը բողոքի ակցիա է իրականացնում Աբդուլլահ Օջալանի բանտարկության 24-րդ տարելիցի կապակցությամբ։ Նրանք կարծում են, որ Օջալանն անհիմն է դատապարտված ու կոչ են անում ամբողջ աշխարհին ուշադրություն դարձնել քրդերի նկատմամբ թուրքական իշխանությունների կողմնակալ քաղաքականությանը։
© Sputnik / Aram NersesyanՔրդական համայնքի բողոքի ակցիան Երևանում ՄԱԿ-ի գրասենյակի մոտ

Քրդական համայնքի բողոքի ակցիան Երևանում ՄԱԿ-ի գրասենյակի մոտ
© Sputnik / Aram Nersesyan
«Նրան մեղադրում են, որ արդեն մահացող քուրդ ժողովրդին վերակենդանացրեց ու նրանց ազատության համար սկսեց պայքարել։ Աբդուլլահ Օջալանը կարողացավ ջրի երես հանել ու պարզեցնել աղավաղված պատմությունները։ Հիմա ամբողջ աշխարհն է գիտակցում, որ նա մեղավոր չէ։ ՄԱԿ-ը պետք է օգտագործի իր բոլոր լծակները Օջալանին բանտից ազատելու համար»,– հայտարարեց քրդական համայնքի ղեկավար, ՀՀ ԱԺ պատգամավոր Կնյազ Հասանովը։
© Sputnik / Aram NersesyanՀՀ ԱԺ պատգամավոր Կնյազ Հասանով

ՀՀ ԱԺ պատգամավոր Կնյազ Հասանով
© Sputnik / Aram Nersesyan
Ակցիայի մասնակիցները նշում են, որ երկար ժամանակ միջազգային հանրությունը աչք է փակել քրդերի ճնշումների վրա, բայց հիմա ժամանակները փոխվել են, ըստ նրանց` պետք է այլ մոտեցում ցուցաբերել։
© Sputnik / Aram NersesyanՔրդական համայնքի բողոքի ակցիան Երևանում ՄԱԿ-ի գրասենյակի մոտ

Քրդական համայնքի բողոքի ակցիան Երևանում ՄԱԿ-ի գրասենյակի մոտ
© Sputnik / Aram Nersesyan
«Միջազգային հանրության վերաբերմունքը քրդերի նկատմամբ թուրքական լեգենդների հետևանք էր։ Նրանք քրդերին անվանում էին ահաբեկիչ, բայց պարզվեց` իրենք են ահաբեկիչ, իսլամիստական ուժերին նրանք են օգնում կազմակերպել ամեն ինչ։ Թուրքական ղեկավարությանը պետք է պատասխանատվության կանչել ինչպես Թուրքիայի տարածքում, այնպես էլ հարևան Սիրիայում նրա գործողությունների համար»,– ասաց Կնյազ Հասանովը։
© Sputnik / Aram NersesyanՀՀ ԱԺ պատգամավոր Կնյազ Հասանով

ՀՀ ԱԺ պատգամավոր Կնյազ Հասանով
© Sputnik / Aram Nersesyan
Քրդական համայնքի ներկայացուցիչներն իրենց պահանջներով նամակ փոխանցեցին ՄԱԿ–ի գրասենյակ։
© Sputnik / Aram NersesyanՔրդական համայնքի բողոքի ակցիան Երևանում ՄԱԿ-ի գրասենյակի մոտ

Քրդական համայնքի բողոքի ակցիան Երևանում ՄԱԿ-ի գրասենյակի մոտ
© Sputnik / Aram Nersesyan
Հիշեցնենք, որ քուրդ հեղափոխական և քաղաքական գործիչ, Քրդական բանվորական կուսակցության հիմնադիր և նախկին ղեկավար Աբդուլլահ Օջալանը Թուրքիայում դատապարտված է ցմահ ազատազրկման։ 1999 թվականից նա բանտարկված է Էմրալի կղզում։