Էրդողանը փակ հանդիպում է անցկացրել Իրաքյան Քրդստանի ղեկավարի հետ. ԶԼՄ
10:20 15.02.2023 (Թարմացված է: 10:52 15.02.2023)
© Sputnik / POOL / Անցնել մեդիապահոցПрезидент Турции Реджеп Тайип Эрдоган во время встречи с президентом РФ Владимиром Путиным на полях VI саммита Совещания по взаимодействию и мерам доверия в Азии (СВМДА) во Дворце Независимости (13 октября 2022). Астана
![Президент Турции Реджеп Тайип Эрдоган во время встречи с президентом РФ Владимиром Путиным на полях VI саммита Совещания по взаимодействию и мерам доверия в Азии (СВМДА) во Дворце Независимости (13 октября 2022). Астана Президент Турции Реджеп Тайип Эрдоган во время встречи с президентом РФ Владимиром Путиным на полях VI саммита Совещания по взаимодействию и мерам доверия в Азии (СВМДА) во Дворце Независимости (13 октября 2022). Астана - Sputnik Արմենիա, 1920, 15.02.2023](https://cdn.am.sputniknews.ru/img/07e6/0a/0d/49712325_0:0:3119:1754_1920x0_80_0_0_d1dcb5c0208a48ce9a0d0c12a35d2d2a.jpg)
© Sputnik / POOL
/ Բաժանորդագրվել
Թուրքիայի և Իրաքյան Քրդստանի առաջնորդներն ավելի վաղ հայտարարել էին մի շարք ուղղություններով համագործակցությունը զարգացնելու պատրաստակամության մասին:
ԵՐԵՎԱՆ, 15 փետրվարի – Sputnik. Թուրքիայի նախագահ Ռեջեփ Թայիփ Էրդողանը բանակցել է Իրաքյան Քրդստանի ղեկավար Նեչիրվան Բարզանիի հետ։ Տեղեկությունը հայտնում է «Anadolu»-ն՝ հղում անելով իր աղբյուրներին։
«Թուրքիայի նախագահ Ռեջեփ Թայիփ Էրդողանն ընդունել է Իրաքի քրդական տարածաշրջանային վարչակազմի ղեկավար Նեչիրվան Բարզանիին։ Հանդիպումը կայացել է Անկարայում՝ արտակարգ իրավիճակների հետեւանքների վերացման թուրքական վարչության (AFAD) կենտրոնակայանում: Բանակցություններն անցել են փակ դռների հետևում», - ասվում է հաղորդագրության մեջ։
Թե ինչ են քննարկել Էրդողանն ու Բարզանին, հայտնի չէ։
Ավելի վաղ Էրդողանը և Բարզանին հայտարարել էին առևտրատնտեսական և էներգետիկ ոլորտներում համագործակցությունը զարգացնելու պատրաստակամության մասին:
Հունվարին Էրդողանը Իրաքի նոր վարչապետ Մուհամմեդ աս Սուդանի հետ հեռախոսազրույցում քննարկել է Թուրքիայում արգելված «Քրդստանի աշխատավորական կուսակցության» (ՔԱԿ) ներկայությունը արաբական երկրում և մի շարք տարածաշրջանային խնդիրներ: Էրդողանի գրասենյակի հաղորդմամբ՝ նախագահն ընդգծել է, որ Թուրքիան աջակցում է Իրաքի տարածքային ամբողջականությանը, կայունությանն ու խաղաղությանը և հույս ունի ամրապնդել համագործակցությունը: