«Երբ ծառերը ծաղկում են...». քաղցկեղից բուժված երեխաները պատմում են անցած ճանապարհի մասին
«Երբ ծառերը ծաղկում են...». քաղցկեղից բուժված երեխաները պատմում են անցած ճանապարհի մասին
Sputnik Արմենիա
Պրոֆեսոր Յոլյանի անվան արյունաբանական կենտրոնում այսօր տեղի ունեցավ «Երբ ծառերը ծաղկում են. հաղթահարելով բուժման ուղին» գրքի շնորհանդեսը։ 15.02.2023, Sputnik Արմենիա
ԵՐԵՎԱՆ, 15 փետրվարի – Sputnik. Կյանքով լի, աշխույժ ու ժպտերես Սելենան 12 տարեկան է, սովորում է 6-րդ դասարանում, հաճախում է նկարչության, սիրում է երգել ու պարել։ «Ինչպե՞ս ես» հարցին մշտապես պատասխանում է ` շատ լավ։Սելենայի մոտ 2015 թ.–ին բժիշկներն ախտորոշել էին մեդուլոբլաստոմա (երեխաների մոտ ուղեղի առաջնային քաղցկեղի ամենատարածված տեսակն է, այն համարվում է արագ աճող ուռուցք-խմբ.)։ Վիրահատություն, ճառագայթում, քիմիոթերապիա... Դժվարություններով ու բարդություններով լի ճանապարհին հիմա փոքրիկ աղջիկն ու մայրը նայում են ժպիտով` հաղթահարել են քաղցկեղը։«Երբ հարցում էին` ինչքա՞ն է ապրելու բալիկը, ահավոր էի ընկճվում, բայց ես չեմ չարացել, դա ինձ միայն մոտիվացրել է, ես ամեն ինչ արել եմ նրանց ապացուցելու, որ իմ երեխան իրավունք ունի ապրելու։ Ես երբեք չեմ հուսահատվել, միշտ պայքարել եմ ու հասել արդյունքի»,– պատմում է Սելենայի մայրը` Արաքսը։Սելենան այն 30 երեխաներից մեկն է, ում պատմությունը տեղ է գտել Ալիսա Քամալյանի և Սերգո Մխիթարյանի հեղինակած «Երբ ծառերը ծաղկում են. հաղթահարելով բուժման ուղին» գրքում։Գիրքը քաղցկեղի բուժման մասին է։ Այստեղ տարբեր պատմություններ են քաղցկեղը հաղթահարած երեխաների մասին։ Նրանք կիսվել են իրենց փորձով, պատմել իրենց զգացմունքների, դժվարությունների, խոչընդոտների մասին՝ քաղցկեղի դեմ պայքարող մյուս երեխաներին ոգևորելու ու գոտեպնդելու համար։«Երբ երեխաներն ու նրանց ծնողները գալիս են հիվանդանոց, կարիք են ունենում խոսելու արդեն բուժումը հաղթահարած մարդկանց հետ։ Այս բացը լրացնելու համար ծնվեց գաղափար՝ ստեղծել մի գիրք, որը կպատմի քաղցկեղը հաղթահարած երեխաների մասին։ Որոշեցինք, հավաքվեցինք ու գործը գլուխ բերեցինք»,– պատմում է գրքի համահեղինակ, պրոֆեսոր Յոլյանի անվան արյունաբանական կենտրոնի հոգեբանասոցիալական ծառայությունների ղեկավար Ալիսա Քամալյանը։Գրքի անվանումը կապված է արյունաբանական կենտրոնում շատ հայտնի խորհրդանշական ծառի հետ, որի վրա պտուղների փոխարեն ավելանում են այն երեխաների լուսանկարները, որոնք հաղթահարում են հիվանդությունը ու վերադառնում տուն։ Որքան շատ են լուսանկարները, այնքան ավելի ծաղկած է այն համարվում։Յոլայանի անվան արյունաբանական կենտրոն ամեն տարի 80-ից 100 առաջնակի քաղցկեղի դեպքով երեխա է ընդունվում` 40%-ը լեյկեմիայի դեպքերն են, 60%-ը` քաղցկեղային մյուս հիվանդությունների։ Վերջին տարիներին կենտրոնում նկատվում է քաղցկեղով երեխաների հիվանդացությունների դեպքերի աճ, պատճառը ախտորոշման բարելավումն ու դիմելիության աճն է։«Նախկինում հեռավոր մարզերից չէին գալիս Երևան, չէին դիմում բժշկի, մենք չունեինք համապատասխան սարքեր, հիմա արդեն պատկերն այլ է, դիմում են գրեթե բոլորը, ախտորոշումն էլ ավելի լիարժեք է լինում, դրա համար էլ բուժառուների թիվը հիվանադանոցում ավելացել է»,– ասում է Մանկական քաղցկեղի և արյան հիվանդությունների կենտրոնի մանկական ուռուցքաբանության բաժանմունքի վարիչ Լիլիթ Սարգսյանը։Կենտրոնը մի ոգևորող ու հուսադրող վիճակագրություն էլ ունի. ամեն 100 քաղցկեղով հիվանդ երեխայից 75-ը լիարժեք ապաքինվում է։ Կենտրոնից լիարժեք առողջ դուրս գրված երեխաների թիվն արդեն անցնում է 3000–ի սահմանը (1995 թ- ի վեր- խմբ.)։
Պրոֆեսոր Յոլյանի անվան արյունաբանական կենտրոնում այսօր տեղի ունեցավ «Երբ ծառերը ծաղկում են. հաղթահարելով բուժման ուղին» գրքի շնորհանդեսը։
ԵՐԵՎԱՆ, 15 փետրվարի – Sputnik. Կյանքով լի, աշխույժ ու ժպտերես Սելենան 12 տարեկան է, սովորում է 6-րդ դասարանում, հաճախում է նկարչության, սիրում է երգել ու պարել։ «Ինչպե՞ս ես» հարցին մշտապես պատասխանում է ` շատ լավ։
Սելենայի մոտ 2015 թ.–ին բժիշկներն ախտորոշել էին մեդուլոբլաստոմա (երեխաների մոտ ուղեղի առաջնային քաղցկեղի ամենատարածված տեսակն է, այն համարվում է արագ աճող ուռուցք-խմբ.)։ Վիրահատություն, ճառագայթում, քիմիոթերապիա... Դժվարություններով ու բարդություններով լի ճանապարհին հիմա փոքրիկ աղջիկն ու մայրը նայում են ժպիտով` հաղթահարել են քաղցկեղը։
«Երբ հարցում էին` ինչքա՞ն է ապրելու բալիկը, ահավոր էի ընկճվում, բայց ես չեմ չարացել, դա ինձ միայն մոտիվացրել է, ես ամեն ինչ արել եմ նրանց ապացուցելու, որ իմ երեխան իրավունք ունի ապրելու։ Ես երբեք չեմ հուսահատվել, միշտ պայքարել եմ ու հասել արդյունքի»,– պատմում է Սելենայի մայրը` Արաքսը։
Սելենան այն 30 երեխաներից մեկն է, ում պատմությունը տեղ է գտել Ալիսա Քամալյանի և Սերգո Մխիթարյանի հեղինակած «Երբ ծառերը ծաղկում են. հաղթահարելով բուժման ուղին» գրքում։
Գիրքը քաղցկեղի բուժման մասին է։ Այստեղ տարբեր պատմություններ են քաղցկեղը հաղթահարած երեխաների մասին։ Նրանք կիսվել են իրենց փորձով, պատմել իրենց զգացմունքների, դժվարությունների, խոչընդոտների մասին՝ քաղցկեղի դեմ պայքարող մյուս երեխաներին ոգևորելու ու գոտեպնդելու համար։
«Երբ ծառերը ծաղկում են. հաղթահարելով բուժման ուղին»
«Երբ երեխաներն ու նրանց ծնողները գալիս են հիվանդանոց, կարիք են ունենում խոսելու արդեն բուժումը հաղթահարած մարդկանց հետ։ Այս բացը լրացնելու համար ծնվեց գաղափար՝ ստեղծել մի գիրք, որը կպատմի քաղցկեղը հաղթահարած երեխաների մասին։ Որոշեցինք, հավաքվեցինք ու գործը գլուխ բերեցինք»,– պատմում է գրքի համահեղինակ, պրոֆեսոր Յոլյանի անվան արյունաբանական կենտրոնի հոգեբանասոցիալական ծառայությունների ղեկավար Ալիսա Քամալյանը։
Գրքի անվանումը կապված է արյունաբանական կենտրոնում շատ հայտնի խորհրդանշական ծառի հետ, որի վրա պտուղների փոխարեն ավելանում են այն երեխաների լուսանկարները, որոնք հաղթահարում են հիվանդությունը ու վերադառնում տուն։ Որքան շատ են լուսանկարները, այնքան ավելի ծաղկած է այն համարվում։
Յոլայանի անվան արյունաբանական կենտրոն ամեն տարի 80-ից 100 առաջնակի քաղցկեղի դեպքով երեխա է ընդունվում` 40%-ը լեյկեմիայի դեպքերն են, 60%-ը` քաղցկեղային մյուս հիվանդությունների։ Վերջին տարիներին կենտրոնում նկատվում է քաղցկեղով երեխաների հիվանդացությունների դեպքերի աճ, պատճառը ախտորոշման բարելավումն ու դիմելիության աճն է։
«Երբ ծառերը ծաղկում են. հաղթահարելով բուժման ուղին» գրքի շնորհանդեսի ժամանակ
«Նախկինում հեռավոր մարզերից չէին գալիս Երևան, չէին դիմում բժշկի, մենք չունեինք համապատասխան սարքեր, հիմա արդեն պատկերն այլ է, դիմում են գրեթե բոլորը, ախտորոշումն էլ ավելի լիարժեք է լինում, դրա համար էլ բուժառուների թիվը հիվանադանոցում ավելացել է»,– ասում է Մանկական քաղցկեղի և արյան հիվանդությունների կենտրոնի մանկական ուռուցքաբանության բաժանմունքի վարիչ Լիլիթ Սարգսյանը։
Կենտրոնը մի ոգևորող ու հուսադրող վիճակագրություն էլ ունի. ամեն 100 քաղցկեղով հիվանդ երեխայից 75-ը լիարժեք ապաքինվում է։ Կենտրոնից լիարժեք առողջ դուրս գրված երեխաների թիվն արդեն անցնում է 3000–ի սահմանը (1995 թ- ի վեր- խմբ.)։
