Հուզիչ է տեսնել, որ թշնամանքը մի կողմ է դրվում. Փաուերը` ՀՀ-ի` Թուրքիային օգնելու մասին
17:22 14.02.2023 (Թարմացված է: 17:23 14.02.2023)
ԱՄՆ միջազգային զարգացման գործակալության ղեկավար Սամանտա Փաուերը Ցեղասպանության թանգարանում. Արխիվային լուսանկար
© Photo : Aurora Humanitarian Initiative
Բաժանորդագրվել
ԱՄՆ միջազգային զարգացման գործակալության ղեկավարը սխալվել է և գրել, որ հայ–թուրքական սահմանը 35 տարի է` ինչ փակ է։
ԵՐԵՎԱՆ, 14 փետրվարի – Sputnik. Այնքան հուզիչ է տեսնել, թե ինչպես է տասնամյակների թշնամանքը մի կողմ դրվում՝ օգնելու մարդկանց, որոնք դրա կարիքը շատ ունեն: Այս մասին Twitter–ի իր էջում գրել է ԱՄՆ միջազգային զարգացման գործակալության ղեկավար Սամանտա Փաուերը։
So moving to see decades of animosity set aside to help ppl in desperate need. For the 1st time in 35 yrs, a border crossing btwn Armenia and Türkiye has been opened so aid can reach earthquake victims. Armenia is sending through 100 tons of supplies, and a search & rescue team.
— Samantha Power (@PowerUSAID) February 13, 2023
«35 տարվա մեջ առաջին անգամ (Սամանթա Փաուերը սխալվել է, քանի որ սահմանը փակ է 1993 թվականից` գրեթե 30 տարի) Հայաստանի և Թուրքիայի միջև սահմանային անցակետը բացվել է, որպեսզի օգնությունը հասնի երկրաշարժից տուժածներին։ Հայաստանն ուղարկել է 100 տոննա բեռ և որոնողափրկարարական խումբ»,–գրել է նա։
Հիշեցնենք, որ փետրվարի 11-ին Հայաստանը հումանիտար օգնություն է ուղարկել Թուրքիա։ Հումանիտար օգնություն տեղափոխող բեռնատարները սահմանն անցել են Մարգարայի կամրջով և ուղևորվել դեպի երկրաշարժից տուժած շրջան։
