https://arm.sputniknews.ru/20230213/tigran-abrahamjany-chi-bacarum-vor-hajastanum-em-araqelutjuny-razmakan-kvompvonent-unena-55250206.html
Տիգրան Աբրահամյանը չի բացառում, որ Հայաստանում ԵՄ առաքելությունը ռազմական կոմպոնենտ ունենա
Տիգրան Աբրահամյանը չի բացառում, որ Հայաստանում ԵՄ առաքելությունը ռազմական կոմպոնենտ ունենա
Sputnik Արմենիա
Ընդդիմադիր պատգամավորը կարծում է, որ Երևանի հռետորաբանությունը ԵՄ քաղաքացիական առաքելության համատեքստում պարունակում է վտանգավոր աշխարհաքաղաքական տարրեր։ 13.02.2023, Sputnik Արմենիա
2023-02-13T13:46+0400
2023-02-13T13:46+0400
2023-02-13T13:48+0400
հայաստան
եվրամիություն
դիտորդ
արևմուտք
ռուսաստան
տիգրան աբրահամյան
https://cdn.am.sputniknews.ru/img/07e5/0a/1b/34737037_0:0:1600:901_1920x0_80_0_0_eb03190a39bf23c7843e7edac1f57b01.jpg
ԵՐԵՎԱՆ, 13 փետրվարի – Sputnik. Չի կարելի բացառել, որ որոշակի փուլում Հայաստանում ԵՄ քաղաքացիական առաքելությունը որպես շարունակություն կունենա ռազմական կոմպոնենտ։ Ազգային ժողովում պատասխանելով լրագրողների հարցերին` այս տեսակետը հայտնեց «Պատիվ ունեմ» խմբակցության քարտուղար Տիգրան Աբրահամյանը։Նրա խոսքով՝ ԵՄ դիտորդների մանդատի առումով դեռ անհասկանալի իրավիճակ է։«Օրինակ` ամբողջությամբ պարզ չէ, թե ինչ լիազորություններով, ինչ տեխնիկական միջոցներով և ինչ ֆունկցիա են պատրաստվում իրականացնել։ Եվ հետևաբար հիմա դժվար է գնահատել դրանց արդյունավետությունն ու ազդեցությունը իրավիճակի վրա»,– ասաց Աբրահամյանը։Անդրադառնալով ԵՄ առաքելության տեղակայման վերաբերյալ Մոսկվայի արձագանքին՝ Աբրահամյանը հիշեցրեց, որ Ռուսաստանի և Արևմուտքի միջև խորը դիմակայություն կա։Նրա խոսքով` խնդիրն այն չէ, թե այս բևեռներից որն ավելի արդյունավետ կարող է հակազդել Հայաստանի առջև ծառացած սպառնալիքներին, այլ այն, որ Հայաստանը և ՀՀ ցանկացած իշխանություն ամեն ինչ անեն Արևմուտք–Ռուսաստան դիմակայության դաշտ չմտնելու համար։Պատգամավորը դժգոհեց, որ դիտորդների տեղակայման գործընթացը տեղի է ունենում Մոսկվայի և արևմտյան մայրաքաղաքների միջև սուր հակամարտության համատեքստում, և այս ֆոնին Հայաստանի իշխանությունների հայտարարությունները երբեմն կրակի վրա յուղ լցնելու գործառույթ են իրականացնում` անկախ այդ պահին նրանց ունեցած նպատակներից։«Իրավիճակը եկել , հասել է մի կետի, որ երկրի փորձագիտական հանրությունը և քաղաքական շրջանակները դիտորդական առաքելությունը դիտարկում են ոչ թե վերջնական արդյունքների, այլ Արևմուտք-Ռուսաստան առճակատման տեսանկյունից»,– նշեց պատգամավորը։Աբրահամյանը ռուսական գործոնի համատեքստում ընդգծեց, որ Մոսկվայի առաջարկած անվտանգության համակարգը, այդ թվում՝ ի դեմս ՀԱՊԿ-ի, այժմ այլընտրանք չունի. այս իրավիճակում այլ երկրների և խաղացողների հետ ցանկացած տեսակի համագործակցություն կառուցելիս Հայաստանը պետք է հաշվի առնի այս կազմակերպությանն անդամակցելու հանգամանքը։«Եթե Հայաստանի արտաքին քաղաքական առաջնահերթություններում փոփոխություններ են եղել, ապա իշխանությունները պարտավոր են բացահայտ խոսել այդ մասին»,– ասաց ընդդիմադիր խմբակցության քարտուղարը։Ավելի վաղ ՌԴ ԱԳՆ-ն հայտարարել էր, որ ԵՄ դիտորդների հայտնվելը կարող է աշխարհաքաղաքական առճակատում բերել հարավկովկասյան տարածաշրջան։Գերատեսչությունում նշել էին, որ Երևանը, իր տրամաբանական ավարտին չհասցնելով ՀԱՊԿ առաքելության ուղղորդման աշխատանքները, նախընտրել է ընտրություն կատարել հօգուտ ԵՄ-ի, բայց եթե հայկական կողմը շահագրգռվածություն հայտնի, ՀԱՊԿ առաքելությունը կարող է արագ տեղակայվել Հայաստանում։Հիշեցնենք` Հայաստան նոր դիտորդական առաքելություն ուղարկելու Եվրամիության որոշման մասին հայտարարվեց հունվարի 23-ին։ Բրյուսելի մտահղացմամբ` 100 հոգուց բաղկացած և երկու տարի ժամկետով առաքելությունը պետք է խթանի կայունությունը Հայաստանի սահմանամերձ շրջաններում, վստահության մթնոլորտ ձևավորի տեղերում և ապահովի այնպիսի պայմաններ, որոնք կնպաստեն Հայաստանի ու Ադրբեջանի միջև հարաբերությունների կարգավորմանն ուղղված ԵՄ ջանքերին:ԵՄ-ն 8 մլն եվրո կհատկացնի Հայաստանում նոր առաքելության աշխատանքի առաջին 4 ամսվա համարՀՀ–ում ԵՄ առաքելությունն աշխատանքը կսկսի փետրվարի 20-ից։
արևմուտք
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, եվրամիություն, դիտորդ, արևմուտք, ռուսաստան, տիգրան աբրահամյան
հայաստան, եվրամիություն, դիտորդ, արևմուտք, ռուսաստան, տիգրան աբրահամյան
Տիգրան Աբրահամյանը չի բացառում, որ Հայաստանում ԵՄ առաքելությունը ռազմական կոմպոնենտ ունենա
13:46 13.02.2023 (Թարմացված է: 13:48 13.02.2023) Ընդդիմադիր պատգամավորը կարծում է, որ Երևանի հռետորաբանությունը ԵՄ քաղաքացիական առաքելության համատեքստում պարունակում է վտանգավոր աշխարհաքաղաքական տարրեր։
ԵՐԵՎԱՆ, 13 փետրվարի – Sputnik. Չի կարելի բացառել, որ որոշակի փուլում Հայաստանում ԵՄ քաղաքացիական առաքելությունը որպես շարունակություն կունենա ռազմական կոմպոնենտ։ Ազգային ժողովում պատասխանելով լրագրողների հարցերին` այս տեսակետը հայտնեց «Պատիվ ունեմ» խմբակցության քարտուղար Տիգրան Աբրահամյանը։
Նրա խոսքով՝ ԵՄ դիտորդների մանդատի առումով դեռ անհասկանալի իրավիճակ է։
«Օրինակ` ամբողջությամբ պարզ չէ, թե ինչ լիազորություններով, ինչ տեխնիկական միջոցներով և ինչ ֆունկցիա են պատրաստվում իրականացնել։ Եվ հետևաբար հիմա դժվար է գնահատել դրանց արդյունավետությունն ու ազդեցությունը իրավիճակի վրա»,– ասաց Աբրահամյանը։
Անդրադառնալով ԵՄ առաքելության տեղակայման վերաբերյալ Մոսկվայի արձագանքին՝ Աբրահամյանը հիշեցրեց, որ Ռուսաստանի և Արևմուտքի միջև խորը դիմակայություն կա։
Նրա խոսքով` խնդիրն այն չէ, թե այս բևեռներից որն ավելի արդյունավետ կարող է հակազդել Հայաստանի առջև ծառացած սպառնալիքներին, այլ այն, որ Հայաստանը և ՀՀ ցանկացած իշխանություն ամեն ինչ անեն Արևմուտք–Ռուսաստան դիմակայության դաշտ չմտնելու համար։
Պատգամավորը դժգոհեց, որ դիտորդների տեղակայման գործընթացը տեղի է ունենում Մոսկվայի և արևմտյան մայրաքաղաքների միջև սուր հակամարտության համատեքստում, և այս ֆոնին Հայաստանի իշխանությունների հայտարարությունները երբեմն կրակի վրա յուղ լցնելու գործառույթ են իրականացնում` անկախ այդ պահին նրանց ունեցած նպատակներից։
«Իրավիճակը եկել , հասել է մի կետի, որ երկրի փորձագիտական հանրությունը և քաղաքական շրջանակները դիտորդական առաքելությունը դիտարկում են ոչ թե վերջնական արդյունքների, այլ Արևմուտք-Ռուսաստան առճակատման տեսանկյունից»,– նշեց պատգամավորը։
Աբրահամյանը ռուսական գործոնի համատեքստում ընդգծեց, որ Մոսկվայի առաջարկած անվտանգության համակարգը, այդ թվում՝ ի դեմս ՀԱՊԿ-ի, այժմ այլընտրանք չունի. այս իրավիճակում այլ երկրների և խաղացողների հետ ցանկացած տեսակի համագործակցություն կառուցելիս Հայաստանը պետք է հաշվի առնի այս կազմակերպությանն անդամակցելու հանգամանքը։
«Եթե Հայաստանի արտաքին քաղաքական առաջնահերթություններում փոփոխություններ են եղել, ապա իշխանությունները պարտավոր են բացահայտ խոսել այդ մասին»,– ասաց ընդդիմադիր խմբակցության քարտուղարը։
Ավելի վաղ ՌԴ ԱԳՆ-ն հայտարարել էր, որ ԵՄ դիտորդների հայտնվելը կարող է աշխարհաքաղաքական առճակատում բերել հարավկովկասյան տարածաշրջան։
Գերատեսչությունում նշել էին, որ Երևանը, իր տրամաբանական ավարտին չհասցնելով ՀԱՊԿ առաքելության ուղղորդման աշխատանքները, նախընտրել է ընտրություն կատարել հօգուտ ԵՄ-ի, բայց եթե հայկական կողմը շահագրգռվածություն հայտնի, ՀԱՊԿ առաքելությունը կարող է արագ տեղակայվել Հայաստանում։
Հիշեցնենք` Հայաստան նոր դիտորդական առաքելություն ուղարկելու Եվրամիության որոշման մասին
հայտարարվեց հունվարի 23-ին։ Բրյուսելի մտահղացմամբ` 100 հոգուց բաղկացած և երկու տարի ժամկետով առաքելությունը պետք է խթանի կայունությունը Հայաստանի սահմանամերձ շրջաններում, վստահության մթնոլորտ ձևավորի տեղերում և ապահովի այնպիսի պայմաններ, որոնք կնպաստեն Հայաստանի ու Ադրբեջանի միջև հարաբերությունների կարգավորմանն ուղղված ԵՄ ջանքերին:
ՀՀ–ում ԵՄ առաքելությունն աշխատանքը
կսկսի փետրվարի 20-ից։
