https://arm.sputniknews.ru/20230213/armen-charchjani-nkatmamb-khapanman-mijvoc-e-yntrvel-bacakajelu-argelqy-55280964.html

Արմեն Չարչյանի նկատմամբ խափանման միջոց է ընտրվել բացակայելու արգելքը

Արմեն Չարչյանի նկատմամբ խափանման միջոց է ընտրվել բացակայելու արգելքը

Sputnik Արմենիա

Չարչյանը մեղադրվում է կեղծ բժշկական եզրակացություն տալու մեջ։ 13.02.2023, Sputnik Արմենիա

2023-02-13T20:20+0400

2023-02-13T20:20+0400

2023-02-13T20:33+0400

արմեն չարչյան

մեղադրանք

հհ քննչական կոմիտե

էրիկ ալեքսանյան

https://cdn.am.sputniknews.ru/img/07e6/0c/11/52776832_0:0:1600:901_1920x0_80_0_0_6175f2f4be0feb9f006274891fa5a1c3.jpg

ԵՐԵՎԱՆ, 13 փետրվարի – Sputnik. «Հայաստան» խմբակցության պատգամավոր Արմեն Չարչյանին մեղադրանք է ներկայացվել: Տեղեկությունը Sputnik Արմենիային հայտնեցին ՔԿ-ին։Նշենք, որ փետրվարի 9-ին ՀՀ ազգային ժողովը «Հայաստան» խմբակցության պատգամավոր, «Իզմիրլյան» ԲԿ-ի նախկին տնօրեն Արմեն Չարչյանին գաղտնի քվեարկությամբ զրկեց պատգամավորական անձեռնմխելիությունից։Չարչյանը մեղադրվում է «Հաց բերողի»` Արթուր Սարգսյանի գործով կեղծ բժշկական եզրակացություն տալու մեջ։ՀՀ գլխավոր դատախազ Աննա Վարդապետյանը Չարչյանին պատգամավորական անձեռնմխելիություն զրկելու միջնորդագրում նշել էր, որ նա քրեական գործի վերաբերյալ ակնհայտ կեղծ եզրակացություն է տվել, որն առանձնապես ծանր հետևանքներ է ունեցել գործով մեղադրյալի համար` առաջացնելով Արթուր Սարգսյանի (ավելի հայտնի է որպես «Հաց բերող») մահը։ Վարդապետյանի խոսքով` պատգամավորը` որպես կրկնակի բժշկական հանձնաժողովի փորձագետ, Սարգսյանի առողջական վիճակի վերաբերյալ դրական եզրակացություն է տվել կալանավորմանը, սակայն կասկածյալի հիվանդությունը եղել է կալանավորման հետ անհամատեղելի հիվանդությունների ցանկում։Հավելենք, որ Չարչյանի փաստաբան Էրիկ Ալեքսանյանն իր ֆեյսբուքյան էջում հայտնել է, որ ներկայացված մեղադրանքը Չարչյանը չի ընդունել` այն որակելով ակնհայտ անհիմն ու անօրինական։

2023

Լուրեր

am_HY

արմեն չարչյան, մեղադրանք, հհ քննչական կոմիտե, էրիկ ալեքսանյան