https://arm.sputniknews.ru/20230210/hrdehvats-kacarann-odic-e-kakhvats-datakhazutjan-nshats-hasceum-ansharzh-gujq-grancvats-che-55176396.html
Հրդեհված կացարանն օդի՞ց է կախված. դատախազության նշած հասցեում անշարժ գույք գրանցված չէ
Հրդեհված կացարանն օդի՞ց է կախված. դատախազության նշած հասցեում անշարժ գույք գրանցված չէ
Sputnik Արմենիա
Հունվարի 19–ին Գեղարքունիքի մարզի Ազատ գյուղի վաշտի կացարանում բռնկված հրդեհը 15 զինվորի կյանք խլելուց բացի նաև բազմաթիվ հարցեր է առաջացրել։ Sputnik Արմենիան... 10.02.2023, Sputnik Արմենիա
2023-02-10T21:45+0400
2023-02-10T21:45+0400
2023-02-11T09:33+0400
զորամաս
հրդեհ
հհ պաշտպանության նախարարություն (պն)
զոհ
զինվոր
հհ դատախազություն
https://cdn.am.sputniknews.ru/img/07e7/01/13/54036800_0:0:1601:901_1920x0_80_0_0_0374e3ba132c2531f9dc4542898f25b1.jpg
ԵՐԵՎԱՆ, 10 փետրվարի – Sputnik. Գեղարքունիքի մարզի Ազատ գյուղում գտնվող ինժեներասակրավորային վաշտի ժամանակավոր կացարանը, որտեղ հունվարի 19-ին բռնկված հրդեհի հետևանքով 15 զինվոր էր մահացել, Կադաստրի պետական կոմիտեում գրանցված չէ կամ էլ դատախազությունում առկա հասցեն է ոչ ճշգրիտ։Նշենք, որ ադրբեջանական ԶԼՄ-ները հրդեհի դեպքից հետո գրեցին, իբր հրդեհված կացարանը 35 տարի առաջ ադրբեջանցու տուն է եղել։ Նշվում է` իբր այդ շենքում է ապրել արհեստագործական ուսումնարանի ուսուցչուհի Կամանդարա Հասանովան։ՀՀ դատախազությունն իր հերթին հաղորդագրություններում քանիցս հայտնել է, որ հրդեհված կացարանը գտնվել է Գեղարքունիքի մարզի Ազատ գյուղի 1-ին փողոցի 20-րդ տուն հասցեում.Sputnik Արմենիան գրավոր հարցմամբ դիմել է Կադաստրի պետական կոմիտե` տեղեկանալու, թե ում անունով է վերոհիշյալ հասցեի տունը գրանցված, արդյոք տարիների ընթացքում սեփականատերերը փոխվել են, ինչպես նաև տեղեկություններ խնդրել առաջին սեփականատիրոջ մասին։Կառույցից ի զարմանս մեզ հայտնեցին, որ այդ հասցեում անշարժ գույք գրանցված չէ։Այսինքն` ժամանակավոր կացարանը, որտեղ հրդեհ է բռնկվել (ըստ դատախազության ներկայացրած հասցեի), «օդում կախված է», որևէ տեղ գրանցված չէ։Հասցեն է սխալ նշվել, թե կառույցն իրոք գրանցված չէ համապատասխան կառույցում, հարց է մնում։Հավելենք, որ Sputnik Արմենիան գրավոր հարցում է ուղարկել նաև ՀՀ պաշտպանության նախարարություն` ճշտելու` նշված ժամանակավոր կացարանը երբվանից է վարձակալվել և ինչքան ժամանակով։ Նախարարությունից, սակայն, մեր հարցմանն այդպես էլ չպատասխանեցին։Գրավոր հարցմամբ դիմել ենք նաև դատախազություն և վերոհիշյալ պատկան մարմիններից պատասխաններ ստանալուն պես կհրապարակենք դրանք։Ի դեպ, կացարանի` ՊՆ–ին տրամադրելու ժամկետների հետ կապված էլ հակասություններ կան. ՊՆ մամուլի խոսնակ Արամ Թորոսյանը Sputnik Արմենիայի հետ զրույցում հայտնել էր` շինությունը նախատեսվել է որպես ժամանակավոր կացարան 2020 թվականից։ Նրա խոսքով` կացարանն ավելի մեծ հաճախականությամբ զբաղեցվել է 2021 թվականից, նախատեսված է եղել օգտագործել մինչև մշտական տեղակայման վայրի կառուցման աշխատանքների ավարտը (2023թ. վերջ)։ Իսկ ահա հատուկ հանձնարարություններով դեսպան Էդմոն Մարուքյանը հարցազրույցներից մեկում հայտարարել էր, թե զինվորներին տեղավորել են կացարանում, քանի որ զորամասը վնասվել էր 2022 թվականի սեպտեմբերին Ադրբեջանի ագրեսիայի ժամանակ։ Նրա խոսքով էլ ստացվում է, որ տունը որպես զորանոց ծառայել է միայն վերջին մի քանի ամիսների ընթացքում։Հիշեցնենք` հունվարի 19-ին՝ ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել էին 15, վնասվածքներ ստացել` 7 զինծառայող։Դեպքից անմիջապես հետո պաշտոններից ազատվել էին 2-րդ բանակային կորպուսի հրամանատարն ու այլ բարձրաստիճան զինվորականներ։Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։Այս գործով կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։Քրգործ է հարուցվել նաև հրդեհից տուժած սպայի` Ե.Հ.–ի և զորամասի ինժեներասակրավորային վաշտի հրամանատար Գ.Մ.-ի նկատմամբ։Վաշտի կացարանի հրդեհի գործով հարցազրույց տված դասակի հրամանատարն ազատվել է ծառայությունից
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
զորամաս, հրդեհ, հհ պաշտպանության նախարարություն (պն), զոհ, զինվոր, հհ դատախազություն
զորամաս, հրդեհ, հհ պաշտպանության նախարարություն (պն), զոհ, զինվոր, հհ դատախազություն
Հրդեհված կացարանն օդի՞ց է կախված. դատախազության նշած հասցեում անշարժ գույք գրանցված չէ
21:45 10.02.2023 (Թարմացված է: 09:33 11.02.2023) Հունվարի 19–ին Գեղարքունիքի մարզի Ազատ գյուղի վաշտի կացարանում բռնկված հրդեհը 15 զինվորի կյանք խլելուց բացի նաև բազմաթիվ հարցեր է առաջացրել։ Sputnik Արմենիան այդ շարքից փորձել է պարզել` ում անունով է գրանցված նշված կացարանը։
ԵՐԵՎԱՆ, 10 փետրվարի – Sputnik. Գեղարքունիքի մարզի Ազատ գյուղում գտնվող ինժեներասակրավորային վաշտի ժամանակավոր կացարանը, որտեղ հունվարի 19-ին բռնկված հրդեհի հետևանքով 15 զինվոր էր մահացել, Կադաստրի պետական կոմիտեում գրանցված չէ կամ էլ դատախազությունում առկա հասցեն է ոչ ճշգրիտ։
Նշենք, որ
ադրբեջանական ԶԼՄ-ները հրդեհի դեպքից հետո գրեցին, իբր հրդեհված կացարանը 35 տարի առաջ ադրբեջանցու տուն է եղել։ Նշվում է` իբր այդ շենքում է ապրել արհեստագործական ուսումնարանի ուսուցչուհի Կամանդարա Հասանովան։
ՀՀ դատախազությունն իր հերթին հաղորդագրություններում քանիցս հայտնել է, որ հրդեհված կացարանը գտնվել է Գեղարքունիքի մարզի Ազատ գյուղի 1-ին փողոցի 20-րդ տուն հասցեում.
Sputnik Արմենիան գրավոր հարցմամբ դիմել է Կադաստրի պետական կոմիտե` տեղեկանալու, թե ում անունով է վերոհիշյալ հասցեի տունը գրանցված, արդյոք տարիների ընթացքում սեփականատերերը փոխվել են, ինչպես նաև տեղեկություններ խնդրել առաջին սեփականատիրոջ մասին։
Կառույցից ի զարմանս մեզ հայտնեցին, որ այդ հասցեում անշարժ գույք գրանցված չէ։
«Ըստ կադաստրի կոմիտեի էլեկտրոնային արխիվի տվյալների` Գեղարքունիքի մարզ, Ազատ գյուղ, 1-ին փողոց, N 20 բնակելի տուն հասցեով անշարժ գույքի միավոր գրանցված չէ»,–ասվում է Կադաստրի պետական կոմիտեից ստացված պատասխանում։
Այսինքն` ժամանակավոր կացարանը, որտեղ հրդեհ է բռնկվել (ըստ դատախազության ներկայացրած հասցեի), «օդում կախված է», որևէ տեղ գրանցված չէ։
Հասցեն է սխալ նշվել, թե կառույցն իրոք գրանցված չէ համապատասխան կառույցում, հարց է մնում։
Հավելենք, որ
Sputnik Արմենիան գրավոր հարցում է ուղարկել նաև ՀՀ պաշտպանության նախարարություն` ճշտելու` նշված ժամանակավոր կացարանը երբվանից է վարձակալվել և ինչքան ժամանակով։ Նախարարությունից, սակայն, մեր հարցմանն այդպես էլ չպատասխանեցին։
Գրավոր հարցմամբ դիմել ենք նաև դատախազություն և վերոհիշյալ պատկան մարմիններից պատասխաններ ստանալուն պես կհրապարակենք դրանք։
Ի դեպ, կացարանի` ՊՆ–ին տրամադրելու ժամկետների հետ կապված էլ հակասություններ կան. ՊՆ մամուլի խոսնակ
Արամ Թորոսյանը Sputnik Արմենիայի հետ զրույցում հայտնել էր` շինությունը նախատեսվել է որպես ժամանակավոր կացարան 2020 թվականից։ Նրա խոսքով` կացարանն ավելի մեծ հաճախականությամբ զբաղեցվել է 2021 թվականից, նախատեսված է եղել օգտագործել մինչև մշտական տեղակայման վայրի կառուցման աշխատանքների ավարտը (2023թ. վերջ)։
Իսկ ահա հատուկ հանձնարարություններով դեսպան
Էդմոն Մարուքյանը հարցազրույցներից մեկում հայտարարել էր, թե զինվորներին տեղավորել են կացարանում, քանի որ զորամասը վնասվել էր 2022 թվականի սեպտեմբերին Ադրբեջանի ագրեսիայի ժամանակ։ Նրա խոսքով էլ ստացվում է, որ տունը որպես զորանոց ծառայել է միայն վերջին մի քանի ամիսների ընթացքում։
Հիշեցնենք` հունվարի 19-ին՝ ժամը 01:30-ի սահմաններում,
հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել էին 15, վնասվածքներ ստացել` 7 զինծառայող։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը
, որն անզգուշությամբ առաջացրել է երկու կամ ավելի անձանց մահ)։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Այս գործով
կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։
Քրգործ է հարուցվել նաև հրդեհից տուժած սպայի` Ե.Հ.–ի և զորամասի ինժեներասակրավորային վաշտի հրամանատար
Գ.Մ.-ի նկատմամբ։
