https://arm.sputniknews.ru/20230208/hac-bervoghi-gvortsvov-partavvor-ein-hamalir-pvordzaqnnutjun-nshanakel-artsvik-minasjan-55058531.html
«Հաց բերողի» գործով պարտավոր էին համալիր փորձաքննություն նշանակել. Արծվիկ Մինասյան
«Հաց բերողի» գործով պարտավոր էին համալիր փորձաքննություն նշանակել. Արծվիկ Մինասյան
Sputnik Արմենիա
«Հայաստան» խմբակցության քարտուղար Արծվիկ Մինասյանի խոսքով` դատախազության, քննչական մարմինների հանցավոր անգործությունը բարդում են պրոֆեսորների, բժիշկների վրա։ 08.02.2023, Sputnik Արմենիա
2023-02-08T16:55+0400
2023-02-08T16:55+0400
2023-02-08T17:01+0400
հայաստան
արմեն չարչյան
արծվիկ մինասյան
«հաց բերող» արթուրը
https://cdn.am.sputniknews.ru/img/07e7/02/03/54773211_0:46:1601:946_1920x0_80_0_0_78e5da2f75b062d10f48b9f60daddff6.jpg
ԵՐԵՎԱՆ, 8 փետրվարի – Sputnik. Եթե «Հաց բերողի» գործով կար երկու իրարամերժ եզրակացություն, քրեական վարույթ իրականացնող մարմինը պարտավոր էր համալիր փորձաքննություն նշանակել, որպեսզի վեր հաներ այս հակասությունը։ Լրագրողների հետ զրույցում այս հայտարարությունն արեց «Հայաստան» խմբակցության քարտուղար Արծվիկ Մինասյանը։ՀՀ գլխավոր դատախազ Աննա Վարդապետյանն այսօր ԱԺ–ում ներկայացրեց «Հայաստան» խմբակցության պատգամավոր, «Իզմիրլյան» ԲԿ նախկին տնօրեն Արմեն Չարչյանի նկատմամբ հանրային քրեական հետապնդում հարուցելու և վերջինիս անձեռնմխելիությունից զրկելու մասին միջնորդագիրը։ Ներկայացված տվյալների համաձայն՝ Չարչյանն ակնհայտ կեղծ եզրակացություն է տվել քրեական գործի վերաբերյալ, որն առանձնապես ծանր հետևանքներ է ունեցել գործով մեղադրյալի համար` առաջացնելով Արթուր Սարգսյանի (ավելի հայտնի է որպես «Հաց բերող») մահը։ Վարդապետյանի խոսքով` պատգամավորը` որպես կրկնակի բժշկական հանձնաժողովի փորձագետ, Սարգսյանի առողջական վիճակի պատճառով դրական եզրակացություն է տվել կալանավորմանը, սակայն կասկածյալի հիվանդությունը եղել է կալանավորման հետ անհամատեղելի հիվանդությունների ցանկում։Նրա խոսքով` եթե կար երկու իրարամերժ եզրակացություն, քրեական վարույթ իրականացնող մարմինը պարտավոր էր համալիր փորձաքննություն նշանակել, որպեսզի այս հակասությունը վեր հաներ։«Ինչո՞ւ չի արվել դա։ Ինչո՞ւ դատախազության, քննչական մարմինների անգործությունը կամ հանցավոր անգործությունը չեն ուզում իրենք առաջ տանել, այլ դա բերում են ու բարդում պրոֆեսորների, բժիշկների վրա»,–ասաց նա։Ըստ Մինասյանի` կատարվածն այն անձի վարքագծի մեջ է, որն այսօր ներկայացնում է դատախազությունը։Հիշեցնենք, որ 2016 թվականի հուլիսի 17-ի առավոտյան՝ ժամը 05.28-ին «Ֆեյսբուքում» հայտնվեց «Սասնա ծռեր» խմբավորման «Մենք սկսել ենք զինված ապստամբություն, միացե՛ք» հայտարարությունը: Ավելի ուշ պարզ դարձավ, որ իսկապես զինված հարձակում է տեղի ունեցել ՀՀ ոստիկանության ՊՊԾ գնդի վրա: Խմբավորման անդամները ցանկանում էին փոխել այդ ժամանակ տիրող քաղաքական և սոցիալ–տնտեսական վիճակը։Միայն հուլիսի 31-ին զինված խմբի անդամները վայր դրեցին զենքերն ու հանձնվեցին իրավապահներին:Արթուր Սարգսյանը («Հաց բերողը») կալանավորվել էր «Սասնա ծռեր» զինված խմբի գործով. նա սննդով բեռնված իր մեքենայով ճեղքել էր իրավապահների պատնեշն ու կրակահերթի տակ մուտք գործել «Սասնա ծռեր» զինված խմբի կողմից գրավված ՊՊԾ գնդի տարածք: Նա մեղադրվում էր «Սասնա ծռերին» օժանդակելու մեջ։ Դեկտեմբերի վերջին դատարանը փոխել էր կալանքի որոշումն ու նրան ազատ արձակել։ Մի քանի ամիս անց՝ 2017-ի փետրվարի 9-ին դատարանը կրկին փոխել էր խափանման միջոցն ու երկու ամսով կալանավորել նրան։Մեկ ամիս անց՝ մարտի 16-ին, Արթուր Սարգսյանը մահացավ կալանավայրում։ Նա 49 տարեկան էր, մասնագիտությամբ` քանդակագործ, փայտի փորագրող։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արմեն չարչյան, արծվիկ մինասյան, «հաց բերող» արթուրը
հայաստան, արմեն չարչյան, արծվիկ մինասյան, «հաց բերող» արթուրը
«Հաց բերողի» գործով պարտավոր էին համալիր փորձաքննություն նշանակել. Արծվիկ Մինասյան
16:55 08.02.2023 (Թարմացված է: 17:01 08.02.2023) «Հայաստան» խմբակցության քարտուղար Արծվիկ Մինասյանի խոսքով` դատախազության, քննչական մարմինների հանցավոր անգործությունը բարդում են պրոֆեսորների, բժիշկների վրա։
ԵՐԵՎԱՆ, 8 փետրվարի – Sputnik. Եթե «Հաց բերողի» գործով կար երկու իրարամերժ եզրակացություն, քրեական վարույթ իրականացնող մարմինը պարտավոր էր համալիր փորձաքննություն նշանակել, որպեսզի վեր հաներ այս հակասությունը։ Լրագրողների հետ զրույցում այս հայտարարությունն արեց «Հայաստան» խմբակցության քարտուղար Արծվիկ Մինասյանը։
ՀՀ գլխավոր դատախազ Աննա Վարդապետյանն այսօր ԱԺ–ում
ներկայացրեց «Հայաստան» խմբակցության պատգամավոր, «Իզմիրլյան» ԲԿ նախկին տնօրեն Արմեն Չարչյանի նկատմամբ հանրային քրեական հետապնդում հարուցելու և վերջինիս անձեռնմխելիությունից զրկելու մասին միջնորդագիրը։ Ներկայացված տվյալների համաձայն՝ Չարչյանն ակնհայտ կեղծ եզրակացություն է տվել քրեական գործի վերաբերյալ, որն առանձնապես ծանր հետևանքներ է ունեցել գործով մեղադրյալի համար` առաջացնելով Արթուր Սարգսյանի (ավելի հայտնի է որպես
«Հաց բերող») մահը։ Վարդապետյանի խոսքով` պատգամավորը` որպես կրկնակի բժշկական հանձնաժողովի փորձագետ, Սարգսյանի առողջական վիճակի պատճառով դրական եզրակացություն է տվել կալանավորմանը, սակայն կասկածյալի հիվանդությունը եղել է կալանավորման հետ անհամատեղելի հիվանդությունների ցանկում։
«Չարչյանը որևէ կերպ չի առնչվում «Հաց բերողի» կալանավորման հետ, քանի որ Արթուր Սարգսյանի կալանավորման հիմքում չի եղել այդ եզրակացությունը։ Չարչյանն ընդհանրապես առնչություն չունի նրա մահվան հետ։ Իսկ սրանք փորձում են գունագեղ ձևով ներկայացնել, թե Չարչյանն ու մի խումբ փորձագետներ տվել են ակնհայտ կեղծ եզրակացություն»,–ասաց Մինասյանը։
Նրա խոսքով` եթե կար երկու իրարամերժ եզրակացություն, քրեական վարույթ իրականացնող մարմինը պարտավոր էր համալիր փորձաքննություն նշանակել, որպեսզի այս հակասությունը վեր հաներ։
«Ինչո՞ւ չի արվել դա։ Ինչո՞ւ դատախազության, քննչական մարմինների անգործությունը կամ հանցավոր անգործությունը չեն ուզում իրենք առաջ տանել, այլ դա բերում են ու բարդում պրոֆեսորների, բժիշկների վրա»,–ասաց նա։
Ըստ Մինասյանի` կատարվածն այն անձի վարքագծի մեջ է, որն այսօր ներկայացնում է դատախազությունը։
«Աննա Վարդապետյանը Փաշինյանի ցուցումով իրավական քողի տակ քաղաքական հետապնդման կարևոր գործիք է դարձել այսօր: Նա բերել է այս գործերը` նպատակ ունենալով հանրությանը ցույց տալ հանցավոր կերպարների մի ամբողջություն։ Ես վստահաբար ասում եմ` այս մեղադրանքները բացարձակ իրականության հետ կապ չունեն»,-ասաց նա:
Հիշեցնենք, որ 2016 թվականի հուլիսի 17-ի առավոտյան՝ ժամը 05.28-ին «Ֆեյսբուքում» հայտնվեց «Սասնա ծռեր» խմբավորման «Մենք սկսել ենք զինված ապստամբություն, միացե՛ք» հայտարարությունը: Ավելի ուշ պարզ դարձավ, որ իսկապես զինված հարձակում է տեղի ունեցել ՀՀ ոստիկանության ՊՊԾ գնդի վրա: Խմբավորման անդամները ցանկանում էին փոխել այդ ժամանակ տիրող քաղաքական և սոցիալ–տնտեսական վիճակը։
Միայն հուլիսի 31-ին զինված խմբի անդամները վայր դրեցին զենքերն ու հանձնվեցին իրավապահներին:
Արթուր Սարգսյանը («Հաց բերողը») կալանավորվել էր «Սասնա ծռեր» զինված խմբի գործով. նա սննդով բեռնված իր մեքենայով ճեղքել էր իրավապահների պատնեշն ու կրակահերթի տակ մուտք գործել «Սասնա ծռեր» զինված խմբի կողմից գրավված ՊՊԾ գնդի տարածք: Նա մեղադրվում էր «Սասնա ծռերին» օժանդակելու մեջ։ Դեկտեմբերի վերջին դատարանը փոխել էր կալանքի որոշումն ու նրան ազատ արձակել։ Մի քանի ամիս անց՝ 2017-ի փետրվարի 9-ին դատարանը կրկին փոխել էր խափանման միջոցն ու երկու ամսով կալանավորել նրան։
Մեկ ամիս անց՝ մարտի 16-ին, Արթուր Սարգսյանը մահացավ կալանավայրում։ Նա 49 տարեկան էր, մասնագիտությամբ` քանդակագործ, փայտի փորագրող։
