https://arm.sputniknews.ru/20230207/banky-1-hvoghamasi-dimac-mvot-18-mln-dram-e-tvel-vardapetjany-zvoramasi-otarman-masin-54957397.html
Բանկը 1 հողամասի դիմաց մոտ 18 մլն դրամ է տվել. Վարդապետյանը` զորամասի օտարման մասին
Բանկը 1 հողամասի դիմաց մոտ 18 մլն դրամ է տվել. Վարդապետյանը` զորամասի օտարման մասին
Sputnik Արմենիա
Աննա Վարդապետյանը հայտնել է, որ Սեյրան Օհանյանը հատուկ նշանակության հողամասերը դարձրել է այլ անձինը` այդ կերպ վատնման եղանակով հափշտակելով դրանք։ 07.02.2023, Sputnik Արմենիա
2023-02-07T11:38+0400
2023-02-07T11:38+0400
2023-02-21T13:27+0400
աննա վարդապետյան
սեյրան օհանյան
մեղադրանք
հող
դատախազ
աժ (ազգային ժողով)
գրիգորի խաչատուրով
https://cdn.am.sputniknews.ru/img/07e7/02/07/54961945_0:0:1600:901_1920x0_80_0_0_cf6739e41e774c771cacf545c412e2aa.jpg
ԵՐԵՎԱՆ, 7 փետրվարի – Sputnik. Արմաշ համայնքի Երևանյան խճուղու 24/1 հասցեում գտնվող հողամասն ու շինությունները, որոնք 4 մլն դրամով վաճառվել են 3–րդ բանակային կորպուսի նախկին հրամանատար Գրիգորի Խաչատուրովին, վերջինս 18 մլն դրամով գրավ է դրել։ Այս մասին ՀՀ գլխավոր դատախազ Աննա Վարդապետյանն ասաց ԱԺ նիստի ժամանակ` ներկայացնելով ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանի մեղադրանքի էությունը։Նա վստահ է` պետական շահի տեսանկյունից բացատրություն չկա, թե ինչու է ՀՀ պաշտպանության նախկին նախարար Սեյրան Օհանյանը հատուկ նշանակության հողամասեր վաճառել այլոց և հափշտակել դրանք։Նշենք, որ Վարդապետյանն իր ելույթի ընթացքում հայտնեց, որ նախաքննության ընթացքում ապացույցներ են ձեռք բերվել, համաձայն որոնց Սեյրան Օհանյանը, 2008-2016թթ զբաղեցնելով պաշտպանության նախարարի պաշտոնը, պաշտոնեական դիրքն օգտագործել է ծառայության շահերին հակառակ։ Նա վերոհիշյալ հատուկ նշանակության հողամասերը դարձրել է այլ անձինը` այդ կերպ վատնման եղանակով հափշտակելով դրանք։Սեյրան Օհանյանի դեմ ցուցմունք է տվել նաև Գրիգորի Խաչատուրովը. դատախազը թվարկեց մյուսներինԱԺ նախագահ Ալեն Սիմոնյանը հետաքրքրվեց, թե ինչ բացատրություն կա այդ արարքներին, Վարդապետյանն էլ վստահեցրեց` հիմնական բացատրությունը, որը որպես իրավաբան իր համար հասկանալի է այս սխեմայում, կայանում է նրանում, որ 3–րդ անձի անունով գույքը գրանցելը նպատակ է ունեցել ի սկզբանե թաքցնել իրական գնորդին, որպեսզի ցույց չտան, թե ում է օտարվում տարածքը։Այսպիսով` Սեյրան Օհանյանին մեղսագրվում է 2 դրվագ 2003 թ. ապրիլի 18-ին ընդունված ՀՀ քրեական օրենսգրքի 179-րդ հոդվածի 3-րդ մասի 1-ին կետով (համապատասխանում է 2022-ի հուլիսի 1-ին ուժի մեջ մտած քրեական օրենսգրքի 256-րդ հոդվածի 3-րդ մասի 3-րդ կետին) և 2 դրվագ 308-րդ հոդվածի 2-րդ մասով (համապատասխանում է 2022-ի հուլիսի 1-ին ուժի մեջ մտած ՀՀ քրեական օրենսգրքի 441-րդ հոդվածի 2-րդ մասի 5-րդ կետին) հանցավոր արարքների կատարում: Այն է՝ oգտագործելով պաշտոնեական դիրքը՝ առանձնապես խոշոր չափերով վատնում կատարելը (2 դրվագ), ինչպես նաև անձնական այլ շահագրգռվածությունից և խմբային շահերից ելնելով իր պաշտոնեական դիրքը ծառայության շահերին հակառակ օգտագործելը, որն անզգուշությամբ առաջացրել է ծանր հետևանքներ (2 դրվագ)։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
աննա վարդապետյան, սեյրան օհանյան, մեղադրանք, հող, դատախազ, աժ (ազգային ժողով), գրիգորի խաչատուրով
աննա վարդապետյան, սեյրան օհանյան, մեղադրանք, հող, դատախազ, աժ (ազգային ժողով), գրիգորի խաչատուրով
Բանկը 1 հողամասի դիմաց մոտ 18 մլն դրամ է տվել. Վարդապետյանը` զորամասի օտարման մասին
11:38 07.02.2023 (Թարմացված է: 13:27 21.02.2023) Աննա Վարդապետյանը հայտնել է, որ Սեյրան Օհանյանը հատուկ նշանակության հողամասերը դարձրել է այլ անձինը` այդ կերպ վատնման եղանակով հափշտակելով դրանք։
ԵՐԵՎԱՆ, 7 փետրվարի – Sputnik. Արմաշ համայնքի Երևանյան խճուղու 24/1 հասցեում գտնվող հողամասն ու շինությունները, որոնք 4 մլն դրամով վաճառվել են 3–րդ բանակային կորպուսի նախկին հրամանատար Գրիգորի Խաչատուրովին, վերջինս 18 մլն դրամով գրավ է դրել։ Այս մասին ՀՀ գլխավոր դատախազ Աննա Վարդապետյանն ասաց ԱԺ նիստի ժամանակ` ներկայացնելով ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանի մեղադրանքի էությունը։
«Բանկում գրավադրված գումարը երկու անգամ փոփոխվել է։ Առաջին անգամ անձն այլ գումար է ձեռք բերել, հետագայում նորից է դիմել` խնդրելով վերագնահատել` հիմք ընդունելով այն, որ շուկայական գինն է ավելացել։ Մոտավորապես 18 մլն դրամի մասին է խոսքը` բանկից 1 հողամասի դիմաց ստացված գումարն է։ Շուկայական վերջնական արժեքները մեր փորձաքննությունը կտա։ Այստեղ կա մի բայց. անգամ գումարային տարբերություն չլինելու դեպքում ի սկզբանե գույքն անօտարելի էր»,– նշեց Վարդապետյանը։
Նա վստահ է` պետական շահի տեսանկյունից բացատրություն չկա, թե ինչու է ՀՀ պաշտպանության նախկին նախարար Սեյրան Օհանյանը հատուկ նշանակության հողամասեր վաճառել այլոց և հափշտակել դրանք։
Նշենք, որ Վարդապետյանն իր ելույթի ընթացքում հայտնեց, որ նախաքննության ընթացքում ապացույցներ են ձեռք բերվել, համաձայն որոնց Սեյրան Օհանյանը, 2008-2016թթ զբաղեցնելով պաշտպանության նախարարի պաշտոնը, պաշտոնեական դիրքն օգտագործել է ծառայության շահերին հակառակ։ Նա վերոհիշյալ հատուկ նշանակության հողամասերը դարձրել է այլ անձինը` այդ կերպ վատնման եղանակով հափշտակելով դրանք։
ԱԺ նախագահ Ալեն Սիմոնյանը հետաքրքրվեց, թե ինչ բացատրություն կա այդ արարքներին, Վարդապետյանն էլ վստահեցրեց` հիմնական բացատրությունը, որը որպես իրավաբան իր համար հասկանալի է այս սխեմայում, կայանում է նրանում, որ 3–րդ անձի անունով գույքը գրանցելը նպատակ է ունեցել ի սկզբանե թաքցնել իրական գնորդին, որպեսզի ցույց չտան, թե ում է օտարվում տարածքը։
«Հետագայում բանկում գրավադրումը և շահառուին վերհանելը, ով ստացել է բանկից գումար, մեզ հնարավորություն է տվել բացահայտել իրական սեփականատիրոջը։ Պետական շահի տեսանկյունից բացատրությունները խիստ անորոշ են և հողային օրենսգրքի ուղիղ պահանջ կա տվյալ տարածքները չօտարելու վերաբերյալ»,– ասաց Վարդապետյանը։
Այսպիսով`
Սեյրան Օհանյանին մեղսագրվում է 2 դրվագ 2003 թ. ապրիլի 18-ին ընդունված ՀՀ քրեական օրենսգրքի 179-րդ հոդվածի 3-րդ մասի 1-ին կետով (համապատասխանում է 2022-ի հուլիսի 1-ին ուժի մեջ մտած քրեական օրենսգրքի 256-րդ հոդվածի 3-րդ մասի 3-րդ կետին) և 2 դրվագ 308-րդ հոդվածի 2-րդ մասով (համապատասխանում է 2022-ի հուլիսի 1-ին ուժի մեջ մտած ՀՀ քրեական օրենսգրքի 441-րդ հոդվածի 2-րդ մասի 5-րդ կետին) հանցավոր արարքների կատարում: Այն է՝ oգտագործելով պաշտոնեական դիրքը՝ առանձնապես խոշոր չափերով վատնում կատարելը (2 դրվագ), ինչպես նաև անձնական այլ շահագրգռվածությունից և խմբային շահերից ելնելով իր պաշտոնեական դիրքը ծառայության շահերին հակառակ օգտագործելը, որն անզգուշությամբ առաջացրել է ծանր հետևանքներ (2 դրվագ)։
