«Խելագար Պակոն»․ կուտյուրիե Պակո Ռաբանի բարձր նորաձևությունը` լուսանկարներում
«Խելագար Պակոն»․ կուտյուրիե Պակո Ռաբանի բարձր նորաձևությունը` լուսանկարներում
Sputnik Արմենիա
Պակո Ռաբանը կարիերան սկսել է որպես 1960-ականների նորաձևության տիեզերական դարաշրջանի շարժման ստեղծողներից մեկը: Նա հայտնի է դարձել իր աշխատանքներում դարաշրջանի... 04.02.2023, Sputnik Արմենիա
Բասկյան ձագումով ֆրանսիացի դիզայներ Պակո Ռաբանի առաջին նորաձևության շոուն նրան փառք և հռչակ բերեց։ Այն ժամանակ՝ 1966 թվականին, նա հանդիսատեսին ցնցեց իր «12 զգեստ, որոնք չի կարելի կրել» հավաքածուով։ Հենց նորաձության մեջ իր ոչ ստանդարտ մոտեցման համար նա ստացավ Wacko Paco («Խելագար Պակո») մականունը։Ռաբանը շարունակեց փորձարկումները` ստեղծելով թղթե հանդերձանքների հավաքածու, որը նա համարում էր ապագայի հագուստ: Նրա զգեստները կրել են կինոյի բազմաթիվ աստղեր, այդ թվում Օդրի Հեփբերնը և Ջեյն Ֆոնդան։ Սակայն նորաձևության աշխարհում Ռաբանի նորամուծությունները ոչ ստանդարտ նյութերով ու ձևերով չէին սահմանափակվում: Նա առաջինն էր, որ սկսեց դեֆիլեների հրավիրել սևամորթ մոդելների, ինչպես նաև ցուցադրությունների ժամանակ երաժշտական նվագակցություն օգտագործել՝ զգեստների համարներն ու դրանց նկարագրությունները ընթերցող ավանդական ձայնի փոխարեն:Ռաբանը մահացել է փետրվարի 3-ին Ֆրանսիայի Պորտսալ քաղաքում, 88 տարեկան հասակում։
Պակո Ռաբանը կարիերան սկսել է որպես 1960-ականների նորաձևության տիեզերական դարաշրջանի շարժման ստեղծողներից մեկը: Նա հայտնի է դարձել իր աշխատանքներում դարաշրջանի տեխնոլոգիական նվաճումներն օգտագործելով: Նորաձևության ոլորտում Ռաբանի ներդրումը կմնա նրա ստեղծած կերպարներում։
Բասկյան ձագումով ֆրանսիացի դիզայներ Պակո Ռաբանի առաջին նորաձևության շոուն նրան փառք և հռչակ բերեց։ Այն ժամանակ՝ 1966 թվականին, նա հանդիսատեսին ցնցեց իր «12 զգեստ, որոնք չի կարելի կրել» հավաքածուով։ Հենց նորաձության մեջ իր ոչ ստանդարտ մոտեցման համար նա ստացավ Wacko Paco («Խելագար Պակո») մականունը։
Կուտյուրիեն, որը հայտնի է այընտրանքային նյութերից՝ պլաստիկից, թղթից և մետաղից պատրաստված հագուստով, նորաձևության մեջ օգտագործում էր նաև երկարաչփական պատկերները։ Նրա վաղ շրջանի նախագծերի թվում են կաշվից հյուսված ցանցից, փետուրներով պատված զգեստները։ Իսկ թեթև ալյումինի նկատմամբ նրա սիրո համար Կոկո Շանելը մոդելիերին «նորաձևության մետալուրգ» էր անվանում։
Ռաբանը շարունակեց փորձարկումները` ստեղծելով թղթե հանդերձանքների հավաքածու, որը նա համարում էր ապագայի հագուստ: Նրա զգեստները կրել են կինոյի բազմաթիվ աստղեր, այդ թվում Օդրի Հեփբերնը և Ջեյն Ֆոնդան։ Սակայն նորաձևության աշխարհում Ռաբանի նորամուծությունները ոչ ստանդարտ նյութերով ու ձևերով չէին սահմանափակվում: Նա առաջինն էր, որ սկսեց դեֆիլեների հրավիրել սևամորթ մոդելների, ինչպես նաև ցուցադրությունների ժամանակ երաժշտական նվագակցություն օգտագործել՝ զգեստների համարներն ու դրանց նկարագրությունները ընթերցող ավանդական ձայնի փոխարեն:
Մոդելները ներկայացնում են կարմիր, վարդագույն և կապույտ «հարեմային» զգեստները 1999 թվականին Փարիզում, «Paco Rabanne-ի գարուն-ամառ» բարձր նորաձևության ցուցադրության ժամանակ
Կուտյուրյե Պակո Ռաբանը իր 1998 թվականի գարուն-ամառ հավաքածուի ցուցադրության վերջում ներկայացնում է մաորի զույգի «Ամուսնության արարողությունը»՝ մերկ մարմնի վրա մետաղական դաջվածքներով
Մոդելները ներկայացնում են Պակո Ռաբանի վերջին բարձր նորաձևության ցուցադրության համար պատրաստված ստեղծագործությունները «Աշուն-ձմեռ 1999-2000» հավաքածուների ցուցադրության ժամանակ
Մոդելները ներկայացնում են Paco Rabanne-ի ստեղծագործությունները, որոնք բաղկացած են տիեզերական մոտիվներով շրջազգեստից և նույնպիսի մատիտ-զգեստից, պատրաստված աստղային փայլերով արծաթագույն մետաղից և ՊՎՔ-ից՝ բարձր նորաձևության 1996-1997 «Աշուն-ձմեռ» հավաքածուի համար
