https://arm.sputniknews.ru/20230202/mishustiny-haj-gvortsararnerin-arajarkum-e-aveli-aktiv-ashkhatel-rusakan-shukajum-54718794.html
Միշուստինը հայ գործարարներին առաջարկել է ավելի ակտիվ աշխատել ռուսական շուկայում
Միշուստինը հայ գործարարներին առաջարկել է ավելի ակտիվ աշխատել ռուսական շուկայում
Sputnik Արմենիա
Հայաստանի վարչապետ Նիկոլ Փաշինյանը Ալմաթիում հանդիպել է ՌԴ կառավարության ղեկավար Միխայիլ Միշուստինի հետ։ 02.02.2023, Sputnik Արմենիա
2023-02-02T19:31+0400
2023-02-02T19:31+0400
2023-02-03T09:37+0400
միխայիլ միշուստին
նիկոլ փաշինյան
ռուսաստան
հայաստան
ալմաթի
https://cdn.am.sputniknews.ru/img/07e7/02/02/54706378_0:0:1670:940_1920x0_80_0_0_7b6e60f0a91c6f8e1fca788b463e89a7.jpg
ԵՐԵՎԱՆ, 2 փետրվարի - Sputnik. Ռուսաստանի վարչապետ Միխայիլ Միշուստինը հայտարարել է Հայաստանի հետ առևտրում ռեկորդային ցուցանիշի մասին` առաջարկելով նոր նախագծեր սկսել և հայ գործարարներին հրավիրելով ավելի ակտիվ աշխատել ռուսական շուկայում:«Կառավարությունների մակարդակով ակտիվ աշխատանք է տարվում առևտրատնտեսական փոխգործակցության ամրապնդման ուղղությամբ և, չնայած բարդ արտաքին կոնյունկտուրային, մեր համագործակցությունը հաջողությամբ զարգանում է»,-ասել է ՌԴ կառավարության ղեկավարը Ալմաթիում Հայաստանի վարչապետ Նիկոլ Փաշինյանի հետ հանդիպման ժամանակ։Նա նշել է, որ «Ռուսաստանը Հայաստանի առաջատար արտաքին առևտրային գործընկերն է և նրա տնտեսության մեջ գլխավոր ներդրողը»: «2022 թվականի հունվար-նոյեմբերին ապրանքաշրջանառությունն աճել է 77%-ով` նախորդ տարվա նույն ժամանակահատվածի համեմատ, այն գերազանցել է 4 մլրդ 100 մլն դոլարը, ինչն այսօրվա դրությամբ ռեկորդ է մեր փոխադարձ առևտրում»,-արձանագրել է Միշուստինը:Նրա տվյալներով` «կուտակված ռուսական ներդրումների ծավալը կազմում է մոտ 2 մլրդ դոլար, ռուսական ավելի քան 40 առաջատար ընկերություններ աշխատում են հայկական շուկայում, Հայաստանի խոշորագույն հարկատուների թվում են»։«Հայ գործարարներն այժմ հիանալի հնարավորություններ ունեն մեր շուկայում աշխատելու համար` ոչ բարեկամական պետությունների հեռանալով պայմանավորված»,-կարծում է ՌԴ վարչապետը։ Նա հստակեցրել է, որ նկատի ունի ոչ միայն խոշոր բիզնեսը, այլև փոքր և միջին ձեռնարկությունները։«Մենք նոր դինամիկա ունենք առևտրատնտեսական հարաբերությունների և փոխադարձ առևտրի ոլորտում, շատ լավ, մեծ աճ ունենք»,-համաձայնել է ՀՀ վարչապետը: «Տնտեսության ոլորտում մեզ մոտ ամեն ինչ լավ է»,-կարծում է Փաշինյանը։ Նա ռուսական կողմին շնորհակալություն է հայտնել ծագող հարցերի օպերատիվ լուծման համար։ ՌԴ–ն կողմ է Անդրկովկասում տրանսպորտային և տնտեսական կապերի ապաշրջափակմանը. Միշուստին«Մենք անկեղծորեն գնահատում ենք Հայաստանի հետ դաշնակցային և գործընկերային հարաբերությունները, մեր երկրները կապված են եղբայրական բարի հարաբերություններով, որոնք հիմնված են ռուս և հայ ժողովուրդների պատմական բարեկամության վրա»,-վստահեցրել է Միշուստինը: Նա հավելել է, որ «ավանդաբար հատուկ նշանակություն է տրվում կրթության ոլորտին, ռուսական բուհերում սովորում է մոտ 5 հազար հայ ուսանող, առաջիկա ուսումնական տարվա համար 250 կրթաթոշակի քվոտա է հատկացվել ՌԴ կառավարության գծով»:Ռուսաստանի վարչապետը Փաշինյանին է փոխանցել ՌԴ նախագահ Վլադիմիր Պուտինի լավագույն բարեմաղթանքները:
ալմաթի
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միխայիլ միշուստին, նիկոլ փաշինյան, видео, ռուսաստան, հայաստան, ալմաթի
միխայիլ միշուստին, նիկոլ փաշինյան, видео, ռուսաստան, հայաստան, ալմաթի
Միշուստինը հայ գործարարներին առաջարկել է ավելի ակտիվ աշխատել ռուսական շուկայում
19:31 02.02.2023 (Թարմացված է: 09:37 03.02.2023) Հայաստանի վարչապետ Նիկոլ Փաշինյանը Ալմաթիում հանդիպել է ՌԴ կառավարության ղեկավար Միխայիլ Միշուստինի հետ։
ԵՐԵՎԱՆ, 2 փետրվարի - Sputnik. Ռուսաստանի վարչապետ Միխայիլ Միշուստինը հայտարարել է Հայաստանի հետ առևտրում ռեկորդային ցուցանիշի մասին` առաջարկելով նոր նախագծեր սկսել և հայ գործարարներին հրավիրելով ավելի ակտիվ աշխատել ռուսական շուկայում:
«Կառավարությունների մակարդակով ակտիվ աշխատանք է տարվում առևտրատնտեսական փոխգործակցության ամրապնդման ուղղությամբ և, չնայած բարդ արտաքին կոնյունկտուրային, մեր համագործակցությունը հաջողությամբ զարգանում է»,-ասել է ՌԴ կառավարության ղեկավարը Ալմաթիում Հայաստանի վարչապետ Նիկոլ Փաշինյանի հետ հանդիպման ժամանակ։
Նա նշել է, որ «Ռուսաստանը Հայաստանի առաջատար արտաքին առևտրային գործընկերն է և նրա տնտեսության մեջ գլխավոր ներդրողը»: «2022 թվականի հունվար-նոյեմբերին ապրանքաշրջանառությունն աճել է 77%-ով` նախորդ տարվա նույն ժամանակահատվածի համեմատ, այն գերազանցել է 4 մլրդ 100 մլն դոլարը, ինչն այսօրվա դրությամբ ռեկորդ է մեր փոխադարձ առևտրում»,-արձանագրել է Միշուստինը:
Նրա տվյալներով` «կուտակված ռուսական ներդրումների ծավալը կազմում է մոտ 2 մլրդ դոլար, ռուսական ավելի քան 40 առաջատար ընկերություններ աշխատում են հայկական շուկայում, Հայաստանի խոշորագույն հարկատուների թվում են»։
«Առաջարկում ենք առավել ակտիվորեն նոր համատեղ նախագծեր գործարկել»,- Փաշինյանին է դիմել Միշուստինը։ Նրա կարծիքով` նախագծերը կարող են վերաբերել արդյունաբերական ինտեգրմանը, խաղաղ ատոմին, էներգետիկային, տրանսպորտին, լոգիստիկային, թվային տեխնոլոգիաներին։
«Հայ գործարարներն այժմ հիանալի հնարավորություններ ունեն մեր շուկայում աշխատելու համար` ոչ բարեկամական պետությունների հեռանալով պայմանավորված»,-կարծում է ՌԴ վարչապետը։ Նա հստակեցրել է, որ նկատի ունի ոչ միայն խոշոր բիզնեսը, այլև փոքր և միջին ձեռնարկությունները։
«Մենք նոր դինամիկա ունենք առևտրատնտեսական հարաբերությունների և փոխադարձ առևտրի ոլորտում, շատ լավ, մեծ աճ ունենք»,-համաձայնել է ՀՀ վարչապետը: «Տնտեսության ոլորտում մեզ մոտ ամեն ինչ լավ է»,-կարծում է Փաշինյանը։ Նա ռուսական կողմին շնորհակալություն է հայտնել ծագող հարցերի օպերատիվ լուծման համար։
«Մենք անկեղծորեն գնահատում ենք Հայաստանի հետ դաշնակցային և գործընկերային հարաբերությունները, մեր երկրները կապված են եղբայրական բարի հարաբերություններով, որոնք հիմնված են ռուս և հայ ժողովուրդների պատմական բարեկամության վրա»,-վստահեցրել է Միշուստինը: Նա հավելել է, որ «ավանդաբար հատուկ նշանակություն է տրվում կրթության ոլորտին, ռուսական բուհերում սովորում է մոտ 5 հազար հայ ուսանող, առաջիկա ուսումնական տարվա համար 250 կրթաթոշակի քվոտա է հատկացվել ՌԴ կառավարության գծով»:
Ռուսաստանի վարչապետը Փաշինյանին է փոխանցել ՌԴ նախագահ Վլադիմիր Պուտինի լավագույն բարեմաղթանքները:
