https://arm.sputniknews.ru/20230202/hajastany-zargacnum-e-teqstil-artadrutjuny-mijazgajin-shukajic-durs-chmnalu-hamar-54686801.html
Հայաստանը զարգացնում է տեքստիլ արտադրությունը միջազգային շուկայից դուրս չմնալու համար
Հայաստանը զարգացնում է տեքստիլ արտադրությունը միջազգային շուկայից դուրս չմնալու համար
Sputnik Արմենիա
ՀՀ էկոնոմիկայի նախարարությունը մշակել ու կառավարությանն է ներկայացրել 2023-2026 թվականների գործողությունների ծրագիրը։ 02.02.2023, Sputnik Արմենիա
2023-02-02T12:07+0400
2023-02-02T12:07+0400
2023-02-02T12:09+0400
հայաստան
էկոնոմիկայի նախարարություն
տեքստիլ
հհ կառավարություն
հագուստ
https://cdn.am.sputniknews.ru/img/07e5/01/19/26214324_0:83:1600:983_1920x0_80_0_0_375efb48b794a5a1d42ed6e166cd3aaa.jpg
ԵՐԵՎԱՆ, 2 փետրվարի – Sputnik. 2011-2020 թվականներին Հայաստանից տեքստիլ արտադրանքի արտահանումն աճել է տարեկան ավելի քան 40%–ով։ ՀՀ կառավարության նիստում այս ցուցանիշը ներկայացրեց ՀՀ էկոնոմիկայի փոխնախարար Ռաֆայել Գևորգյանը։Այնուամենայնիվ, տեքստիլ արդյունաբերության ոլորտն այսօր բավական լուրջ ռիսկերի ու մարտահրավերների է բախվում միջազգային շուկայում։ Հայաստանը կարող է դուրս մնալ ԵՄ արտոնությունների ընդհանրացված համակարգից։ Բացի այդ, ոլորտում միջին աշխատավարձերի և գործառնական այլ ծախսերի աճ է նկատվում, որոնք բացասաբար են ազդում ապրանքի վերջնական գնի վրա։ Սա էլ հանգեցնում է զարգացած տեքստիլ արդյունաբերություն ունեցող երկրների, օրինակ` Ուզբեկստանի նման պետությունների համեմատ արտահանման հիմնական շուկաներում մրցակցային առավելությունների կորստի։Հայաստանի տեքստիլ արդյունաբերության հետագա զարգացման ու ձեռք բերած դիրքերը պահելու համար ՀՀ էկոնոմիկայի նախարարությունը նշակել ու կառավարությանն է ներկայացրել 2023-2026 թվականների գործողությունների ծրագիրը։Դրանով առաջարկվում է աջակցության տարբեր ծրագրեր մատուցել ոլորտի ընկերություններին` թե՛ խոշոր արտադրողներին, թե՛ իրենց արտադրությունը ընդլայնել ցանկացողներին, թե՛ հատկապես սահմանամերձ բնակավայրերում գործող տեքստիլ ընկերություններին։Նշենք, որ հագուստի արդյունաբերությունը ՀՀ արտահանմանն ուղղված 11 ռազմավարական ոլորտներից մեկն է, որը երկրում զբաղվածության ապահովման կարևոր աղբյուր է՝ կանանց ավելի քան 90% ներգրավվածությամբ։Սննդամթերքի, ալկոհոլի և տեքստիլի արտահանումը Հայաստանից Ռուսաստան աճել է․ ՔերոբյանՊաշտոնական տվյալներով` 2020 թվականին ոլորտում աշխատել է 7400 մարդ, արտադրական ներուժը կազմել է 6 մլրդ դրամ։2020 թվականին ոլորտում գործել է 153 ընկերություն, որոնց մեծ մասը փոքր և միջին ձեռնարկություններ։ Վերջին 10-20 տարիների ընթացքում Հայաստանի տեքստիլ ոլորտում ձևավորվել են խոշոր արտադրողներ և հայտնի ապրանքանիշեր։Հայաստանի պետական եկամուտների կոմիտեի տվյալներով՝ 2021 թվականի խոշոր հարկատուների ցանկում ընդգրկվել է 11 տեքստիլ ընկերություն` 2017 թվականի 8 ընկերությունների փոխարեն։Հայկական տեքստիլ արտադրողները մեծ պատվերներ են կատարում գերմանական ընկերությունների համար
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, էկոնոմիկայի նախարարություն, տեքստիլ, հհ կառավարություն, հագուստ
հայաստան, էկոնոմիկայի նախարարություն, տեքստիլ, հհ կառավարություն, հագուստ
Հայաստանը զարգացնում է տեքստիլ արտադրությունը միջազգային շուկայից դուրս չմնալու համար
12:07 02.02.2023 (Թարմացված է: 12:09 02.02.2023) ՀՀ էկոնոմիկայի նախարարությունը մշակել ու կառավարությանն է ներկայացրել 2023-2026 թվականների գործողությունների ծրագիրը։
ԵՐԵՎԱՆ, 2 փետրվարի – Sputnik. 2011-2020 թվականներին Հայաստանից տեքստիլ արտադրանքի արտահանումն աճել է տարեկան ավելի քան 40%–ով։ ՀՀ կառավարության նիստում այս ցուցանիշը ներկայացրեց ՀՀ էկոնոմիկայի փոխնախարար Ռաֆայել Գևորգյանը։
«2022թ–ին մենք նկատեցինք, որ արտահանման ծավալները հատել են 200 մլն ԱՄՆ դոլարի սահմանը, և 2021թ–ի նկատմամբ ունեցել ենք 15.7 տոկոս աճ»,– հայտնեց նա։
Այնուամենայնիվ, տեքստիլ արդյունաբերության ոլորտն այսօր բավական լուրջ ռիսկերի ու մարտահրավերների է բախվում միջազգային շուկայում։ Հայաստանը կարող է դուրս մնալ ԵՄ արտոնությունների ընդհանրացված համակարգից։ Բացի այդ, ոլորտում միջին աշխատավարձերի և գործառնական այլ ծախսերի աճ է նկատվում, որոնք բացասաբար են ազդում ապրանքի վերջնական գնի վրա։ Սա էլ հանգեցնում է զարգացած տեքստիլ արդյունաբերություն ունեցող երկրների, օրինակ` Ուզբեկստանի նման պետությունների համեմատ արտահանման հիմնական շուկաներում մրցակցային առավելությունների կորստի։
Հայաստանի տեքստիլ արդյունաբերության հետագա զարգացման ու ձեռք բերած դիրքերը պահելու համար ՀՀ էկոնոմիկայի նախարարությունը նշակել ու կառավարությանն է ներկայացրել 2023-2026 թվականների գործողությունների ծրագիրը։
Դրանով առաջարկվում է աջակցության տարբեր ծրագրեր մատուցել ոլորտի ընկերություններին` թե՛ խոշոր արտադրողներին, թե՛ իրենց արտադրությունը ընդլայնել ցանկացողներին, թե՛ հատկապես սահմանամերձ բնակավայրերում գործող տեքստիլ ընկերություններին։
«Ծրագրով նախատեսված ծախսերը 14 մլրդ դրամ են։ Դրանից 5 մլրդի չափով տարիների ընթացքում կգեներացվեն հարկային մուտքեր, այսինքն` հարկաբյուջետային ազդեցությունը ծրագրի իրականացման ընթացքում կլինի դրական»,– ծրագիրը ներկայացնելիս ասաց փոխնախարար Գևորգյանը։
Նշենք, որ հագուստի արդյունաբերությունը ՀՀ արտահանմանն ուղղված 11 ռազմավարական ոլորտներից մեկն է, որը երկրում զբաղվածության ապահովման կարևոր աղբյուր է՝ կանանց ավելի քան 90% ներգրավվածությամբ։
Պաշտոնական տվյալներով` 2020 թվականին ոլորտում աշխատել է 7400 մարդ, արտադրական ներուժը կազմել է 6 մլրդ դրամ։
2020 թվականին ոլորտում գործել է 153 ընկերություն, որոնց մեծ մասը փոքր և միջին ձեռնարկություններ։ Վերջին 10-20 տարիների ընթացքում Հայաստանի տեքստիլ ոլորտում ձևավորվել են խոշոր արտադրողներ և հայտնի ապրանքանիշեր։
Հայաստանի պետական եկամուտների կոմիտեի տվյալներով՝ 2021 թվականի խոշոր հարկատուների ցանկում ընդգրկվել է 11 տեքստիլ ընկերություն` 2017 թվականի 8 ընկերությունների փոխարեն։
