https://arm.sputniknews.ru/20230201/2-amsum-shirakic-10-datavvor-e-teghapvokhvel-erevan-pastabannery-sa-datakan-kvolaps-en-hamarum-54655639.html
2 ամսում Շիրակից 10 դատավոր է տեղափոխվել Երևան. փաստաբանները սա դատական կոլապս են համարում
2 ամսում Շիրակից 10 դատավոր է տեղափոխվել Երևան. փաստաբանները սա դատական կոլապս են համարում
Sputnik Արմենիա
Փաստաբանները կարծում են, որ ԲԴԽ–ն չի պատկերացնում խնդրի լրջությունը: 01.02.2023, Sputnik Արմենիա
2023-02-01T16:46+0400
2023-02-01T16:46+0400
2023-02-01T16:46+0400
հայաստան
դատավոր
փաստաբան
բարձրագույն դատական խորհուրդ (բդխ)
https://cdn.am.sputniknews.ru/img/07e7/02/01/54655157_0:228:1600:1128_1920x0_80_0_0_fb9eeaa2fcb8041ededf9226aa08cc2b.jpg
ԵՐԵՎԱՆ, 1 փետրվարի – Sputnik. Միայն վերջին երկու ամսում Բարձրագույն դատական խորհրդի որոշմամբ Շիրակի մարզից 10 դատավոր է տեղափոխվել Երևան, ինչի հետևանքով պարալիզացվել է Շիրակի մարզի ընդհանուր իրավասության առաջին ատյանի դատարանի աշխատանքը: Շիրակցի փաստաբանները այս որոշումն անհասկանալի ու անլուրջ են համարում:Նրա խոսքով` այս տեղափոխության հետևանքով տուժում է և՛ քաղաքացին, և՛ փաստաբանը, և՛ դատավարության մասնակից այլ մասնագետներ, ծախսվում են նաև պետության ռեսուրսները:Նշանակվել են Վարչական ու Քաղաքացիական դատարանի նախագահներՓաստաբանները նշեցին` կան դատական գործեր, որոնք այս ընթացքում 3-4 դատավոր են փոխել:«Գործեր ունենք, որ հինգ տարի մուտք են գործել դատարան, և քննությունը չի սկսվել: Կան գործեր, որ հասել են վերջին, և նորից զրոյից սկսում են: Քաղաքացին կորցնում է դատարանի նկատմամբ վստահությունը, իսկ քրեականի մասով նույնիսկ անդառնալի հետևանքներ կարող են լինել»,- ասաց նա` շեշտելով, որ այս ամենը Բարձրագույն դատական խորհրդի անտրամաբանական որոշումների հետևանքն է:Դատավորները տեղափոխվում են հիմնականում երկու պատճառով՝ թափուր աշխատատեղեր և ընտանեկան վիճակ: Ըստ փաստաբանների` տեղափոխված դատավորների փոխարեն Շիրակի մարզ եկած նոր դատավորները տարիների ընթացքում կուտակված գործերի ծանրաբեռնվածության պատճառով չեն կարող արհեստավարժ գործել:Արամայիս Հայրապետյանն էլ ավելացրեց` Շիրակի մարզում գործ ունեն մերժված արդարադատության հետ։«Գործը ողջամիտ ժամկետում չի քննվում, չի ավարտվում, որոշում չի կայացվում։ Այդ արդարադատությունն արդեն մերժված է ու ինքն իր նպատակին չի ծառայում, առավել ևս քրեական մասով: Իմ վարույթում կա քրեական գործ, որը քննվում է 8-9 տարի»,-նշեց նա։Հայրապետյանը համոզմունք հայտնեց, որ փաստաբանները կուտակված գործերի ու ծանրաբեռնվածության պատճառով շուտով չեն հասցնի սպասարկել բնակչությանը:Նրանց կարծիքով`ԲԴԽ–ն չի պատկերացնում խնդրի լրջությունը և չի տիրապետում իրավիճակին:Շիրակի մարզի փաստաբանները խնդրի լուծման տարբերակ էլ ունեն` դատավորի համար նվազագույնը հինգ տարի պարտադիր աշխատանք նշանակված վայրում կամ դատավորների կազմի ավելացում:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e7/02/01/54655157_0:0:1600:1200_1920x0_80_0_0_5a86da74543d0239d47becc1c625b284.jpgSputnik Արմենիա
media@sputniknews.com
+74956456601
MIA „Rossiya Segodnya“
հայաստան, դատավոր, փաստաբան, բարձրագույն դատական խորհուրդ (բդխ)
հայաստան, դատավոր, փաստաբան, բարձրագույն դատական խորհուրդ (բդխ)
2 ամսում Շիրակից 10 դատավոր է տեղափոխվել Երևան. փաստաբանները սա դատական կոլապս են համարում
Փաստաբանները կարծում են, որ ԲԴԽ–ն չի պատկերացնում խնդրի լրջությունը:
ԵՐԵՎԱՆ, 1 փետրվարի – Sputnik. Միայն վերջին երկու ամսում Բարձրագույն դատական խորհրդի որոշմամբ Շիրակի մարզից 10 դատավոր է տեղափոխվել Երևան, ինչի հետևանքով պարալիզացվել է Շիրակի մարզի ընդհանուր իրավասության առաջին ատյանի դատարանի աշխատանքը: Շիրակցի փաստաբանները այս որոշումն անհասկանալի ու անլուրջ են համարում:
«Վերջին երկու ամիսների ընթացքում Երևան են տեղափոխվել 4 քրեական և 6 քաղաքացիական գործերով դատավորներ, ինչը կոլապսի է բերում Շիրակի մարզի դատարանը: Ի դեպ, տվյալ քրեական դատավորներից ամենաերկարը 1 տարի է աշխատել Շիրակում, ու եթե նրա վարույթում կար 100 գործ, այդ ընթացքում կարող էր ավարտել 5-ը»,- այսօր Գյումրիում կայացած ասուլիսի ժամանակ ասաց փաստաբան Հայկ Հարությունյանը։
Նրա խոսքով` այս տեղափոխության հետևանքով տուժում է և՛ քաղաքացին, և՛ փաստաբանը, և՛ դատավարության մասնակից այլ մասնագետներ, ծախսվում են նաև պետության ռեսուրսները:
Փաստաբանները նշեցին` կան դատական գործեր, որոնք այս ընթացքում 3-4 դատավոր են փոխել:
«Գործեր ունենք, որ հինգ տարի մուտք են գործել դատարան, և քննությունը չի սկսվել: Կան գործեր, որ հասել են վերջին, և նորից զրոյից սկսում են: Քաղաքացին կորցնում է դատարանի նկատմամբ վստահությունը, իսկ քրեականի մասով նույնիսկ անդառնալի հետևանքներ կարող են լինել»,- ասաց նա` շեշտելով, որ այս ամենը Բարձրագույն դատական խորհրդի անտրամաբանական որոշումների հետևանքն է:
Դատավորները տեղափոխվում են հիմնականում երկու պատճառով՝ թափուր աշխատատեղեր և ընտանեկան վիճակ: Ըստ փաստաբանների` տեղափոխված դատավորների փոխարեն Շիրակի մարզ եկած նոր դատավորները տարիների ընթացքում կուտակված գործերի ծանրաբեռնվածության պատճառով չեն կարող արհեստավարժ գործել:
«Յուրաքանչյուր դատավորի փոփոխություն նշանակում է, որ գործընթացը նորից պետք է սկսել, այս դեպքում քաղաքացուն պատասխան պետք է տա փաստաբանը: Դատավորները Շիրակի մարզից տեղափոխվում են Երևանի ընդհանուր իրավասության դատարանի թափուր պաշտոնները զբաղեցնելու համար։ Ստացվում է, որ Շիրակի մարզը տրամպլի՞ն է՝ գալ, փորձառություն ձեռք բերել ու գնալ Երևան: Ուրեմն մեզ մոտ ոչ արհեստավարժ դատավորնե՞ր պետք է միշտ աշխատեն»,- ասաց Գայանե Գևորգյանը:
Արամայիս Հայրապետյանն էլ ավելացրեց` Շիրակի մարզում գործ ունեն մերժված արդարադատության հետ։
«Գործը ողջամիտ ժամկետում չի քննվում, չի ավարտվում, որոշում չի կայացվում։ Այդ արդարադատությունն արդեն մերժված է ու ինքն իր նպատակին չի ծառայում, առավել ևս քրեական մասով: Իմ վարույթում կա քրեական գործ, որը քննվում է 8-9 տարի»,-նշեց նա։
Հայրապետյանը համոզմունք հայտնեց, որ փաստաբանները կուտակված գործերի ու ծանրաբեռնվածության պատճառով շուտով չեն հասցնի սպասարկել բնակչությանը:
Նրանց կարծիքով`ԲԴԽ–ն չի պատկերացնում խնդրի լրջությունը և չի տիրապետում իրավիճակին:
Շիրակի մարզի փաստաբանները խնդրի լուծման տարբերակ էլ ունեն` դատավորի համար նվազագույնը հինգ տարի պարտադիր աշխատանք նշանակված վայրում կամ դատավորների կազմի ավելացում: