Վստահ ենք` անվտանգության գլխավոր երաշխիքը հայոց բանակն է. Էջմիածնում պատարագ է մատուցվել
16:36 29.01.2023 (Թարմացված է: 17:09 29.01.2023)
© Photo : Մայր Աթոռ Սուրբ Էջմիածին/ Mother See of Holy EtchmiadzinՄայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։
![Մայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։ Մայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։ - Sputnik Արմենիա, 1920, 29.01.2023](https://cdn.am.sputniknews.ru/img/07e7/01/1d/54507468_0:0:1920:1080_1920x0_80_0_0_fa35b5258c06f8aa5e441a8e28d0bb49.jpg)
Մայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։
Բաժանորդագրվել
Էդվարդ Ասրյանը հավաստիացրել է՝ ՀՀ ԶՈւ սպայական կազմը պատրաստակամ է շարունակելու իր առաքելությունը Հայաստանի տարածքային ամբողջականության պահպանության և անվտանգության խնդիրների լուծման գործում:
ԵՐԵՎԱՆ, 29 հունվարի - Sputnik. Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Երկրորդ ծայրագույն պատրիարք և Ամենայն հայոց կաթողիկոսի հանդիսապետությամբ բանակի օրվա կապակցությամբ Սուրբ պատարագ և ընդունելություն է անցկացվել։ Տեղեկությունը հայտնում է Մայր աթոռի տեղեկատվական համակարգը։
Պատարագը մատուցվել է Էջմիածնի Սուրբ Գայանե վանքում, պատարագիչը եղել է ՀՀ ԶՈւ հոգևոր առաջնորդ Հոգեշնորհ Տ. Մովսես վարդապետ Սարգսյանը:
© Photo : Մայր Աթոռ Սուրբ Էջմիածին/ Mother See of Holy EtchmiadzinՄայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։
![Католикос Гарегин II отслужил Святую литургию по случаю Дня Армии в монастыре св. Гаяне (29 января 2023). Эчмиaдзин Католикос Гарегин II отслужил Святую литургию по случаю Дня Армии в монастыре св. Гаяне (29 января 2023). Эчмиaдзин - Sputnik Արմենիա, 1920, 29.01.2023](https://cdn.am.sputniknews.ru/img/07e7/01/1d/54507424_0:0:1920:1080_1920x0_80_0_0_d29a9d61fe97f505f8debfae9998a545.jpg)
Մայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։
Սրբազան արարողությանը ներկա են եղել ՀՀ ԶՈւ գլխավոր շտաբի պետ, գեներալ-մայոր Էդվարդ Ասրյանը, ՀՀ ԶՈւ բարձրագույն սպայական կազմի ներկայացուցիչներ, ՀՀ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, Մայր Աթոռի միաբաններ և ՀՀ ԶՈւ Հոգևոր առաջնորդության գնդերեցներ:
«Բոլորս վստահ գիտակցում ենք, որ մեր պետականության, անկախության, անվտանգության գլխավոր երաշխիքն ու հենարանը հայոց բանակն է»,– ասել է պատարագիչը` անդրադառնալով օրվա խորհրդին` հայոց բանակի կազմավորման 31-ամյակին։
Սուրբ պատարագից հետո, Ամենայն հայոց կաթողիկոսի նախագահությամբ, կատարվել է հոգեհանգստյան կարգ` հայրենիքի պաշտպանության մարտերում զոհված զինծառայողների հոգիների խաղաղության ու հանգստության համար:
© Photo : Մայր Աթոռ Սուրբ Էջմիածին/ Mother See of Holy EtchmiadzinՄայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։
![Католикос Гарегин II отслужил Святую литургию по случаю Дня Армии в монастыре св. Гаяне (29 января 2023). Эчмиaдзин Католикос Гарегин II отслужил Святую литургию по случаю Дня Армии в монастыре св. Гаяне (29 января 2023). Эчмиaдзин - Sputnik Արմենիա, 1920, 29.01.2023](https://cdn.am.sputniknews.ru/img/07e7/01/1d/54507445_0:0:1920:1080_1920x0_80_0_0_57f945dd00017a33bac51f21ed0164fa.jpg)
Մայր Աթոռում բանակի օրվա կապակցությամբ Սուրբ պատարագ և ընդունելություն է անցկացվել։
«Էօրնեկեան» հանրակրթական դպրոցի սրահում տեղի է ունեցել պաշտոնական ընդունելություն, որի ընթացքում Գարեգին Երկրորդը օրհնել է ՀՀ ԶՈւ բարձրագույն սպայակազմին, զինվորներին և գնդերեցներին։ Ամենայն Հայոց Կաթողիկոսը նաև իր օրհնությունը, գնահատանքն ու սերն է փոխանցել բանակի հրամանատարներին և զինվորներին՝ հանուն հայրենիքի և հայ ազգի բարօրության։
Զինվորականության անունից ՀՀ ԶՈւ գլխավոր շտաբի պետ, գեներալ-մայոր Էդվարդ Ասրյանը շնորհակալություն է հայտնել Գարեգին Երկրորդին` ՀՀ ԶՈւ նկատմամբ դրսևորվող մշտական հոգածության և ուշադրության համար։ Նա հավաստիացրել է, որ ՀՀ ԶՈւ սպայական կազմը պատրաստակամ է շարունակելու իր առաքելությունը Հայաստանի տարածքային ամբողջականության պահպանության և անվտանգության խնդիրների լուծման գործում:
© Photo : Մայր Աթոռ Սուրբ Էջմիածին/ Mother See of Holy EtchmiadzinԳարեգին Երկրորդն ու Էդվարդ Ասրյանը
![Католикос Гарегин II и начальник Генерального штаба ВС генерал-майор Эдуард Асрян Католикос Гарегин II и начальник Генерального штаба ВС генерал-майор Эдуард Асрян - Sputnik Արմենիա, 1920, 29.01.2023](https://cdn.am.sputniknews.ru/img/07e7/01/1d/54509740_0:0:2048:1536_1920x0_80_0_0_3c2b50c09b7d7d6674a454c8e3613fe5.jpg)
Գարեգին Երկրորդն ու Էդվարդ Ասրյանը