https://arm.sputniknews.ru/20230129/egiptvosic-gazi-ev-energiaji-artahanman-masin-enq-khvosel-abdel-fattah-el-sisi-54503386.html
Կահիրեն պատրաստ է միջնորդ դառնալ հայ-ադրբեջանական հակամարտության հարցում. Եգիպտոսի նախագահ
Կահիրեն պատրաստ է միջնորդ դառնալ հայ-ադրբեջանական հակամարտության հարցում. Եգիպտոսի նախագահ
Sputnik Արմենիա
Հայաստանի ու Եգիպտոսի նախագահները գազի և էներգիայի արտահանման վերաբերյալ քննարկում են ունեցել։ 29.01.2023, Sputnik Արմենիա
2023-01-29T13:44+0400
2023-01-29T13:44+0400
2023-01-29T17:39+0400
եգիպտոս
հայաստան
վահագն խաչատուրյան
https://cdn.am.sputniknews.ru/img/07e7/01/1d/54510619_46:298:1882:1331_1920x0_80_0_0_3c3d9ac671a17f55ae15dbd23a970d1f.jpg
ԵՐԵՎԱՆ, 29 հունվարի - Sputnik. Պաշտոնական Կահիրեն հայ-ադրբեջանական հակամարտության հարցում ունի չեզոք դիրքորոշում և կողմերի համաձայնության դեպքում պատրաստ է միջնորդի դեր ստանձնել։ Այս մասին ՀՀ նախագահ Վահագն Խաչատուրյանի հետ համատեղ հայտարարության ժամանակ ասել է Եգիպտոսի նախագահ Աբդել Ֆաթթահ Ալ-Սիսին։ Նախագահները, ի թիվ այլ հարցերի, քնննարկել են էներգետիկայի ոլորտին առնչվող հնարավորությունները։ Նա ընդգծեց, որ իր այցը, որը պատմական է (Եգիպտոսի նախագահն առաջին անգամ է ժամանում ՀՀ– խմբ.), արտացոլում է Եգիպտոսի հետաքրքրության և Հայաստանի հետ ունեցած իր հարաբերությունների գնահատանքի չափը։«Եգիպտոսը շահագրգռված է տարբեր ոլորտներում այդ հարաբերությունները զարգացնելու համար։ Սա պայմանավորված է նաև նրանով, որ Եգիպտոսում հարյուր հազարավոր հայեր են ապրում։ Նրանք մեծ ներդրում են ունեցել ամենատարբեր ոլորտներում` քաղաքական, տնտեսական, մշակութային և գեղարվեստական։ Հայերը դրական ազդեցություն են ունեցել եգիպտական հասարակության կյանքի հարստացման գործում»,-ասաց Եգիպտոսի նախագահը։Անդրադառնալով տնտեսական ոլորտին, Ալ–Սիսին շեշտեց, որ ընդգծվել է երկու երկրների միջև առևտրաշրջանառության, արաբական շուկաներում ՀՀ ապրանքների ներկայացվածության կարևորությունը։Կողմերը խոսել են նաև ենթակառուցվածքների և տրանսպորտի ոլորտներում ունեցած եգիպտական առաջընթացի ու փորձառության մասին։ Ալ–Սիսին հայտնց, որ իրենց երկրում գործող ընկերությունները միջազգային չափանիշներին համապատասխանող նախագծեր են ներկայացնում, ապա ռեկորդային ժամանակում դրանք իրականացնում։ Նրա խոսքով` Վահագն Խաչատուրյանը պատրաստակամություն է հայտնել փորձառությունը փոխանակելու առումով։Եգիպտոսի նախագահը հայտնեց, որ ՀՀ գործընկերոջ հետ քննարկումների ընթացքում անդրադարձ է կատարվել նաև ընդհանուր հետաքրքրություն ներկայացնող մի շարք միջազգային տարածաշրջանային, այդ թվում Մերձավոր Արևելքին ու Հարավային Կովկասին վերաբերող հարցերի։«Ընդգծվել է երկխոսության, բանակցությունների և քրտնաջան աշխատանքի կարևորությունը համապարփակ և արդար խաղաղության հասնելու համար։ Սա կարևոր է հատկապես ներկա փուլում, քանի որ ժողովուրդները տառապում են տնտեսական ճգնաժամերի պատճառով»,– ասաց Եգիպտոսի նախագահը։Նա արձանագրել է, որ պաշտոնական Կահիրեն հայ-ադրբեջանական հակամարտության հարցում ունի չեզոք դիրքորոշում և կողմերի համաձայնության դեպքում պատրաստ է միջնորդի դեր ստանձնել։ Այնուհետև երկու երկրների նախագահների մասնակցությամբ ստորագրվել են «Հայաստանի Հանրապետության կառավարության և Եգիպտոսի Արաբական Հանրապետության կառավարության միջև գիտական և տեխնոլոգիական համագործակցության մասին», «Ներդրումների աջակցման կենտրոն» հիմնադրամի և «Եգիպտոսի Արաբական Հանրապետության ներդրումների և ազատ առևտրի գոտիների տնօրինության», «Հայաստանի Հանրապետության կրթության, գիտության, մշակույթի և սպորտի նախարարության և Եգիպտոսի Արաբական Հանրապետության երիտասարդության և սպորտի նախարարության միջև ֆիզիկական կուլտուրայի և սպորտի ոլորտում համագործակցության մասին» փոխըմբռնման հուշագրեր:Հիշեցնենք, որ նա երկօրյա այցով Երևան է ժամանել հունվարի 28-ին։ Այցի շրջանակում Եգիպտոսի նախագահը հանդիպում կունենան նաև վարչապետ Նիկոլ Փաշինյանի հետ։
եգիպտոս
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եգիպտոս, հայաստան, վահագն խաչատուրյան
եգիպտոս, հայաստան, վահագն խաչատուրյան
Կահիրեն պատրաստ է միջնորդ դառնալ հայ-ադրբեջանական հակամարտության հարցում. Եգիպտոսի նախագահ
13:44 29.01.2023 (Թարմացված է: 17:39 29.01.2023) Հայաստանի ու Եգիպտոսի նախագահները գազի և էներգիայի արտահանման վերաբերյալ քննարկում են ունեցել։
ԵՐԵՎԱՆ, 29 հունվարի - Sputnik. Պաշտոնական Կահիրեն հայ-ադրբեջանական հակամարտության հարցում ունի չեզոք դիրքորոշում և կողմերի համաձայնության դեպքում պատրաստ է միջնորդի դեր ստանձնել։ Այս մասին ՀՀ նախագահ Վահագն Խաչատուրյանի հետ համատեղ հայտարարության ժամանակ ասել է Եգիպտոսի նախագահ Աբդել Ֆաթթահ Ալ-Սիսին։ Նախագահները, ի թիվ այլ հարցերի, քնննարկել են էներգետիկայի ոլորտին առնչվող հնարավորությունները։
«Այսօր մեր բանակցությունների ընթացքում անդրադարձ է եղել այն առաջխաղացմանը, որին հասել է Եգիպտոսը էներգիայի արդյունահանման ոլորտում, ոչ միայն գազի ոլորտում, այլև կապված կանաչ ջրածնի ազգային ռազմավարության գործարկման հետ։ Սա դարձել է խոստումնալից ներդրումային ուղղություն` հաշվի առնելով արդյունաբերության համար անհրաժեշտ էներգետիկ ռեսուրսների և դրա հետ կապված էներգիայի առկայությունը»,– նշեց Ալ–Սիսին։
Նա ընդգծեց, որ իր այցը, որը պատմական է (Եգիպտոսի նախագահն առաջին անգամ է ժամանում ՀՀ– խմբ.), արտացոլում է Եգիպտոսի հետաքրքրության և Հայաստանի հետ ունեցած իր հարաբերությունների գնահատանքի չափը։
«Եգիպտոսը շահագրգռված է տարբեր ոլորտներում այդ հարաբերությունները զարգացնելու համար։ Սա պայմանավորված է նաև նրանով, որ Եգիպտոսում հարյուր հազարավոր հայեր են ապրում։ Նրանք մեծ ներդրում են ունեցել ամենատարբեր ոլորտներում` քաղաքական, տնտեսական, մշակութային և գեղարվեստական։ Հայերը դրական ազդեցություն են ունեցել եգիպտական հասարակության կյանքի հարստացման գործում»,-ասաց Եգիպտոսի նախագահը։
Անդրադառնալով տնտեսական ոլորտին, Ալ–Սիսին շեշտեց, որ ընդգծվել է երկու երկրների միջև առևտրաշրջանառության, արաբական շուկաներում ՀՀ ապրանքների ներկայացվածության կարևորությունը։
Կողմերը խոսել են նաև ենթակառուցվածքների և տրանսպորտի ոլորտներում ունեցած եգիպտական առաջընթացի ու փորձառության մասին։ Ալ–Սիսին հայտնց, որ իրենց երկրում գործող ընկերությունները միջազգային չափանիշներին համապատասխանող նախագծեր են ներկայացնում, ապա ռեկորդային ժամանակում դրանք իրականացնում։ Նրա խոսքով` Վահագն Խաչատուրյանը պատրաստակամություն է հայտնել փորձառությունը փոխանակելու առումով։
Եգիպտոսի նախագահը հայտնեց, որ ՀՀ գործընկերոջ հետ քննարկումների ընթացքում անդրադարձ է կատարվել նաև ընդհանուր հետաքրքրություն ներկայացնող մի շարք միջազգային տարածաշրջանային, այդ թվում Մերձավոր Արևելքին ու Հարավային Կովկասին վերաբերող հարցերի։
«Ընդգծվել է երկխոսության, բանակցությունների և քրտնաջան աշխատանքի կարևորությունը համապարփակ և արդար խաղաղության հասնելու համար։ Սա կարևոր է հատկապես ներկա փուլում, քանի որ ժողովուրդները տառապում են տնտեսական ճգնաժամերի պատճառով»,– ասաց Եգիպտոսի նախագահը։
Նա արձանագրել է, որ պաշտոնական Կահիրեն հայ-ադրբեջանական հակամարտության հարցում ունի չեզոք դիրքորոշում և կողմերի համաձայնության դեպքում պատրաստ է միջնորդի դեր ստանձնել։
Այնուհետև երկու երկրների նախագահների մասնակցությամբ ստորագրվել են «Հայաստանի Հանրապետության կառավարության և Եգիպտոսի Արաբական Հանրապետության կառավարության միջև գիտական և տեխնոլոգիական համագործակցության մասին», «Ներդրումների աջակցման կենտրոն» հիմնադրամի և «Եգիպտոսի Արաբական Հանրապետության ներդրումների և ազատ առևտրի գոտիների տնօրինության», «Հայաստանի Հանրապետության կրթության, գիտության, մշակույթի և սպորտի նախարարության և Եգիպտոսի Արաբական Հանրապետության երիտասարդության և սպորտի նախարարության միջև ֆիզիկական կուլտուրայի և սպորտի ոլորտում համագործակցության մասին» փոխըմբռնման հուշագրեր:
Հիշեցնենք, որ նա երկօրյա այցով Երևան է ժամանել հունվարի 28-ին։ Այցի շրջանակում Եգիպտոսի նախագահը հանդիպում կունենան նաև վարչապետ Նիկոլ Փաշինյանի հետ։
