Հայաստանի հակառակորդները Ֆրանսիայի հակառակորդներն են. ՆԳՆ ղեկավար Դարմանեն
© AP Photo / Ludovic MarinԺերալդ Դարմանեն
![Ժերալդ Դարմանեն Ժերալդ Դարմանեն - Sputnik Արմենիա, 1920, 26.01.2023](https://cdn.am.sputniknews.ru/img/07e7/01/1a/54367687_0:0:1601:901_1920x0_80_0_0_6d0351ff4edc868ba02a6ffdf2080a37.jpg)
© AP Photo / Ludovic Marin
Բաժանորդագրվել
Ֆրանսիայի նախկին դեսպանը պատմել է` ինչ հանգամանքներում է արվել այդ հայտարարությունը։
ԵՐԵՎԱՆ, 26 հունվարի – Sputnik. Ֆրանսիայի ներքին գործերի նախարար Ժերալդ Դարմանենը Ֆրանսիայի հայկական կազմակերպությունների համակարգող խորհրդի (CCAF) ընթրիքի ժամանակ հայտարարել է, որ Հայաստանի հակառակորդները Ֆրանսիայի հակառակորդներն են։ Այս մասին Twitter–ի իր էջում գրել է Հայաստանում Ֆրանսիայի նախկին դեսպան Ժոնաթան Լաքոտը։
« Les adversaires de l’Arménie 🇦🇲 sont les adversaires de la France 🇫🇷 », Gérald Darmanin, Ministre de l’Intérieur, représentant le Président de la République et le Gouvernement au dîner annuel de @ccaf_france. pic.twitter.com/0x34Pyi7aw
— Jonathan Lacôte (@JonathanLacote) January 25, 2023
«Հայաստանի հակառակորդը Ֆրանսիայի հակառակորդն է»։ Ժերալդ Դարմանեն, ներքին գործերի նախարար, որը նախագահին և կառավարությանը ներկայացնում է CCAF–ի ամենամյա ընթրիքին», – Դարմանենին կարճ ներկայացրել է Լաքոտը։
Ավելի վաղ խորհրդի ներկայացուցիչներ Մուրադ Փափազյանն ու Արա Թոռանեանը հանդիպում են ունեցել Ֆրանսիայի նախագահ Էմանուել Մակրոնի հետ և մանրամասն քննարկել ՀՀ–ի և ԼՂ–ի անվտանգության հարցերը։ Մասնավորապես, նրանք Ֆրանսիայի առաջնորդի ուշադրությունը հրավիրել են ԼՂ–ում առկա հումանիտար ճգնաժամի վրա, որը կարող է իսկական աղետի վերածվել։
🇦🇲🇫🇷 @EmmanuelMacron a reçu hier @FranckPapazian et @AraToranian qui ont attiré son attention sur la catastrophe humanitaire à laquelle est confronté le Haut-Karabakh et ont souhaité une initiative de la France pour venir en aide aux 120 000 Arméniens d’Artsakh en proie au pire. pic.twitter.com/pjMh4FS2P2
— CCAF France (@ccaf_france) January 24, 2023
Համայնքի ակտիվիստները շնորհակալություն են հայտնել նախագահին իրենց ցուցաբերված ուշադրության համար, հայտարարել Ֆրանսիայի կողմից օգնության անհրաժեշտության մասին և հույս հայտնել, որ Փարիզն ավելի ու ավելի ակտիվորեն կներգրավվի ԼՂ–ի բնակչության անվտանգությունն ապահովելու գործին։
Հիշեցնենք, որ ՀՀ իշխանություններն արգելել են Մուրադ Փափազյանի մուտքը Հայաստան։ Փափազյանն իր հերթին դատի է տվել ՀՀ Ազգային անվտանգության ծառայությանը և պահանջել, որ դատարանն ԱԱԾ–ին պարտավորեցնի հեռացնել իր անունը անցանկալի անձանց ցանկից։