https://arm.sputniknews.ru/20230125/dzhvar-e-marzel-dstery-inchpes-e-vazgen-azrvojany-haj-geghasahvordnerin-nakhapatrastum-eain-54230629.html

Դժվար է մարզել դստերը. ինչպես է Վազգեն Ազրոյանը հայ գեղասահորդներին նախապատրաստում ԵԱ–ին

Դժվար է մարզել դստերը. ինչպես է Վազգեն Ազրոյանը հայ գեղասահորդներին նախապատրաստում ԵԱ–ին

Sputnik Արմենիա

Գեղասահքի Եվրոպայի առաջնությունում Հայաստանը ներկայացնող գեղասահորդները սահադաշտ դուրս կգան հունվարի 27-ին։ 25.01.2023, Sputnik Արմենիա

2023-01-25T08:55+0400

2023-01-25T08:55+0400

2023-01-25T08:55+0400

հայաստան

գեղասահք

վիկտորյա ազրոյան

վազգեն ազրոյան

հայ

https://cdn.am.sputniknews.ru/img/07e7/01/17/54202416_0:79:1600:980_1920x0_80_0_0_55298f1831dbc7e4be243d4d1c96b83a.jpg

ԵՐԵՎԱՆ, 25 հունվարի – Sputnik. Երևանի գեղասահքի և հոկեյի մարզադպրոցում հնչում է ֆրանսիական հիթի «քավր» տարբերակը, և սահադաշտ են դուրս գալիս Վիկտորյա Ազրոյանն ու Արթուր Գրուդևը, որոնք մշակում են պահումներն ու այլ էլեմենտներ։ Հենց այս զույգն է Հայաստանը ներկայացնելու գեղասահքի Եվրոպայի առաջնությանը, որն անցկացվելու է Էսպոոյում (Ֆինլանդիա) հունվարի 25-29-ը։Մարզիչը` Վազգեն Ազրոյանը, որը նաև Վիկտորյայի հայրն է, վերջին շտկումներն է անում պարային համարում, հղկում սաների շարժումները, բայց դա անում է շատ նրբանկատորեն, առանց ավելորդ հույզերի։ Նա խոստովանում է, որ հարազատ դստերը մարզելն այնքան էլ հեշտ չէ. Ազրոյան հայրը հաճախ է հակասություններ ունենում Ազրոյան մարզչի հետ։«Մենք հարմարվում էինք իրար որպես մարզիչ և սան ու կարողացանք հաղթահարել դժվարությունները։ Չի կարելի ասել, որ իմ մեթոդը կոշտ է, ես` որպես հայր, ընդհանրապես մեղմ եմ։ Մարզչի աշխատանքում ավելի շատ փորձում եմ բացատրել, կարծում եմ` գոռալով ոչնչի չես հասնի», – Sputnik Արմենիայի թղթակցի հետ զրույցում ասաց նա։Ի դեպ, Վիկտորյան ինքն է ցանկացել զբաղվել գեղասահքով ու սահադաշտ է դուրս եկել որպես մենասահորդ։ Բայց քանի որ բավական ուշ է սկսել սահել, հոր մյուս սաները նրանից առաջ են անցել։ Աղջկան դա նյարդայնացրել է, և հայրն առաջարկել է հանդես գալ զույգով։ Ավելի ուշ հայր ու դուստր հասկացել են, որ դա շատ ճիշտ որոշում էր, և նրա համար զուգընկեր են գտել` Ալեքսանդր Սիրոշտանին։ Հետո նրա զույգը դարձել է Արթուր Գրուզդևը, որի հետ Վիկտորյան սահում է արդեն երեք տարի։Մարզիչն Արթուրին բարձրակարգ գեղասահորդ է համարում և ուրախ է, որ դուստրը ցանկացել է ելույթ ունենալ հենց նրա հետ։ Իսկ այսօր Ազրոյանը կրկնակի ուրախ է, որովհետև Վիկտորյան և Արթուրը հանդես են գալու հայկական դրոշի ներքո, ինչպես Վազգեն Ազրոյանը` ոչ հեռավոր անցյալում (նա Հայաստանը ներկայացնում էր Անաստասիա Գրեբյոնկինայի հետ. խմբ.)։«Եթե նրանք լավ հանդես գան Եվրոպայի առաջնությանը, դա արժանի արդյունք կլինի։ Հասկանում եմ, որ Հայաստանը մրցավարների շարքում ներկայացուցիչ չունի, բայց եվրոպացի և ամերիկացի մասնագետները դրական են խոսում նրանց մասին», – ասաց գեղասահորդը։Նա նշեց, որ այս անգամ զույգին չի ուղեկցելու, հեռարձակումը ևս չի դիտելու սնահավատության պատճառով։ Եվրոպայի առաջնության ժամանակ Վազգեն Ազրոյանը մտադիր է իր գործերով զբաղվել Հայաստանում։ Նա վստահ է, որ հայերն ու գեղասահքը անհամատեղելի չեն և որևէ խոչընդոտ չկա Հայաստանում այդ մարզաձևը հանրահռչակելու համար։ Հենց դրանով է նա զբաղվելու։ Ազրոյանը համոզված է` պրոֆեսիոնալ և գրագետ մոտեցման դեպքում գեղասահքը Հայաստանում կդադարի էկզոտիկա լինել։ Եվ դրան կարելի է հասնել Երևանի գեղասահքի և հոկեյի մարզադպրոցի հենքի վրա։ Ինչ վերաբերում է իր մասնակցությանը, Ազրոյանի խոսքով` որոշումը վաղուց էր հասունանում, բայց իր տեղափոխումը ձգձգվում էր մի շարք պատճառներով։«Շատ հաճելի է, որ ինձ օրինակ են բերում որպես հայ հաջողակ գեղասահորդ։ Հույս ունեմ, որ աղջիկս և Արթուրը ինձնից հաջողակ կլինեն, նրանք իսկապես ավելի մեծ հեռանկարներ ունեն, քան ես և Անաստասիան ունեինք», – նշեց գեղասահորդը։Վազգեն Ազրոյանը մինչ օրս ընկերական հարաբերություններ է պահպանում Անաստասիա Գրեբյոնկինայի հետ։ Ու թեև նրանք հաճախ չեն հանդիպում, սակայն ժամանակ առ ժամանակ զանգահարում են միմյանց, շնորհավորում տոները։ Նրանք մտածում են նաև սահադաշտ վերադառնալու մասին։ Չի բացառվում, որ Վազգենն ու Անաստասիան կրկին հագնեն չմուշկները, ընդ որում` Հայաստանում։Ռեկորդային հաղթանակներ, բացառիկ ու աննախադեպ թվով մեդալներ. 2022-ի մարզական ամփոփումը

2023

Լուրեր

am_HY

հայաստան, գեղասահք, վիկտորյա ազրոյան, վազգեն ազրոյան, հայ