Պատրաստակամորեն կհամագործակցենք առաքելության հետ. Միրզոյանը` ԵՄ որոշման մասին
17:08 23.01.2023 (Թարմացված է: 17:17 23.01.2023)
© Photo : official site of MFA of RA Արարատ Միրզոյան
![Արարատ Միրզոյան Արարատ Միրզոյան - Sputnik Արմենիա, 1920, 23.01.2023](https://cdn.am.sputniknews.ru/img/07e7/01/11/53941875_0:0:2501:1407_1920x0_80_0_0_ffa3a5c6aecae90de3d2e4e3f6184d2c.jpg)
Արարատ Միրզոյան
© Photo : official site of MFA of RA
Բաժանորդագրվել
ՀՀ արտգործնախարարն անդրադարձել է ԵՄ–ի այն որոշմանը, ըստ որի` Հայաստան քաղաքացիական առաքելություն կուղարկվի։
ԵՐԵՎԱՆ, 23 հունվարի – Sputnik. ՀՀ ԱԳ նախարար Արարատ Միրզոյանը հայտնել է, որ պատրաստակամորեն կհամագործակցեն ԵՄ–ի կողմից Հայաստան ուղարկվելիք քաղաքացիական առաքելության հետ։ Միրզոյանը թվիթերյան իր էջում է նման գրառում արել` անդրադառնալով ԵՄ որոշմանը։
We very much welcome the #EU's🇪🇺 decision to send a fully-fledged civilian mission to #Armenia🇦🇲. We will readily cooperate with the mission and support its activities.
— Ararat Mirzoyan (@AraratMirzoyan) January 23, 2023
This mission will contribute to the peace, stability and security of the region. pic.twitter.com/SEyf2WHL4Q
«Ողջունում ենք Հայաստան ամբողջական քաղաքացիական առաքելություն ուղարկելու ԵՄ որոշումը։ Մենք պատրաստակամորեն կհամագործակցենք առաքելության հետ և կաջակցենք դրա գործունեությանը»,–գրել է նա։
Նախարարի խոսքով` առաքելությունը կնպաստի տարածաշրջանում խաղաղության, կայունության ու անվտանգության ամրապնդմանը։
Ավելի վաղ հայտնի դարձավ, որ Եվրամիության խորհուրդը որոշել է Հայաստանում Եվրոպական միության քաղաքացիական առաքելություն հիմնել` անվտանգության և պաշտպանության ընդհանուր քաղաքականության (CSDP) շրջանակներում:
Հիշեցնենք, որ ԵՄ առաջին դիտորդական առաքելությունը Հայաստան է ժամանել 2022-ի հոկտեմբերի 19-ին և մնացել մինչև դեկտեմբերի 19-ը։ Այժմ Հայաստանում է գտնվում ԵՄ տեխնիկական գնահատման խումբը։ Նրանք Հայաստան են գործուղվել ԵՄ նոր քաղաքացիական առաքելության տեղակայման հնարավորությունը դիտարկելու համար: