https://arm.sputniknews.ru/20230123/azh-nakhagahy-stacel-e-armen-charchjani-nkatmamb-qreakan-hetapndum-harucelu-mijnvordagiry-54185159.html

ԱԺ նախագահը ստացել է Արմեն Չարչյանի նկատմամբ քրեական հետապնդում հարուցելու միջնորդագիրը

ԱԺ նախագահը ստացել է Արմեն Չարչյանի նկատմամբ քրեական հետապնդում հարուցելու միջնորդագիրը

Sputnik Արմենիա

Արմեն Չարչյանի դեմ քրեական հետապնդում սկսելու միջնորդագիրը կքննարկվի ԱԺ առաջիկա նիստում։ 23.01.2023, Sputnik Արմենիա

2023-01-23T13:57+0400

2023-01-23T13:57+0400

2023-01-23T15:45+0400

արմեն չարչյան

հհ դատախազություն

հհ գլխավոր դատախազություն

քրեական գործ

միջնորդություն

աժ (ազգային ժողով)

https://cdn.am.sputniknews.ru/img/07e6/0c/11/52776832_0:0:1600:901_1920x0_80_0_0_6175f2f4be0feb9f006274891fa5a1c3.jpg

ԵՐԵՎԱՆ, 23 հունվարի – Sputnik. ԱԺ նախագահ Ալեն Սիմոնյանը ստացել է հանրապետության գլխավոր դատախազ Աննա Վարդապետյանի՝ ԱԺ «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելուն համաձայնություն տալու մասին ներկայացրած միջնորդագիրը։ Տեղեկությունը Sputnik Արմենիային հայտնեց ԱԺ նախագահի մամուլի խոսնակ Ծովինար Խաչատրյանը։Ավելի վաղ տեղեկացրել էինք, որ Աննա Վարդապետյանն Արմեն Չարչյանի նկատմամբ քրեական հետապնդում հարուցելուն համաձայնություն տալու մասին միջնորդագիր է ներկայացրել ԱԺ նախագահ Ալեն Սիմոնյանին։Նա հավելեց, որ միջնորդագիրը կքննարկվի ԱԺ առաջիկա նիստում։Հիշեցնենք` ըստ դատախազության` Չարչյանը, ՀՔԾ վարույթում քննված քրգործով որպես փորձագետ ընդգրկված լինելով Ա.Ս.-ին ծանր և առանձնապես ծանր հանցագործությունների համար առաջադրված մեղադրանքների առնչությամբ նշանակված կրկնակի հանձնաժողովային դատաբժշկական փորձաքննության հանձնաժողովի կազմում, 2017-ի փետրվարի 8-ին ստորագրել է կրկնակի դատաբժշկական հանձնաժողովային փորձաքննության ակնհայտ կեղծ եզրակացությունը։Հավելենք, որ Չարչյանն անցնում է նաև մեկ այլ քրգործով. նա մեղադրվում է ընտրողներին ուղղորդելու մեջ: Նրա դեմ հարուցված քրգործով նիստերը շարունակվում են։Հունիսի 18-ին համացանցում հայտնվեց մի ձայնագրություն, որում լսվում էր, թե ինչպես է Չարչյանը աշխատակիցներին հորդորում ԱԺ ընտրությանը մասնակցել` ակնարկելով չքվեարկել գործող իշխանությունների օգտին։ Նույն օրը Չարչյանը ձերբակալվեց։Հունիսի 21-ին Կենտրոնական ընտրական հանձնաժողովը թույլ տվեց քրեական հետապնդում սկսել Չարչյանի նկատմամբ։ Չարչյանը կալանավորվեց, ապա 15 մլն գրավի դիմաց ազատ արձակվեց։Օգոստոսի 23-ին Չարչյանը կրկին կալանավորվեց։Դեկտեմբերի 10-ին Երևանի ընդհանուր իրավասության դատարանը հրատապ նիստի ժամանակ որոշեց ազատ արձակել Չարչյանին։ Դատավոր Վահե Միսակյանի որոշմամբ` խափանման միջոց ընտրվեց ստորագրությունը չհեռանալու մասին։

2023

Լուրեր

am_HY

արմեն չարչյան, հհ դատախազություն, հհ գլխավոր դատախազություն, քրեական գործ, միջնորդություն, աժ (ազգային ժողով)