https://arm.sputniknews.ru/20230119/tsragir-ka-vazgen-azrvojany-mtadir-e-lrjvoren-zbaghvel-hajastani-geghasahqvov-54045890.html
Ծրագիր կա․ Վազգեն Ազրոյանը մտադիր է լրջորեն զբաղվել Հայաստանի գեղասահքով
Ծրագիր կա․ Վազգեն Ազրոյանը մտադիր է լրջորեն զբաղվել Հայաստանի գեղասահքով
Sputnik Արմենիա
Վազգեն Ազրոյանը վստահ է, որ լեգեոներները սպորտը չեն փրկի, մասնագետներին պետք է տեղում մեծացնել։ 19.01.2023, Sputnik Արմենիա
2023-01-19T15:14+0400
2023-01-19T15:14+0400
2023-01-19T15:22+0400
գեղասահք
հայաստան
սպորտ
վազգեն ազրոյան
մարզիչ
մարզիկ
https://cdn.am.sputniknews.ru/img/07e7/01/13/54032702_0:84:1600:984_1920x0_80_0_0_99b25ad8c2a153e52d1388f24de66890.jpg
ԵՐԵՎԱՆ, 19 հունվարի–Sputnik. Հայաստանն ունի բոլոր հնարավորությունները համաշխարհային մասշտաբի գեղասահորդներ դաստիարակելու համար։ Մեծ մոլորություն է կարծել, թե Հայաստանն ու գեղասահքն այնքան էլ համատեղելի չեն։ Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ նման կարծիք հայտնեց Հայաստանի եռակի չեմպիոն, NHK Trophy Գրան պրիի մեդալակիր, գեղասահքի միջազգային կարգի սպորտի վարպետ Վազգեն Ազրոյանը։Չմշկավազորդների միջազգային միությունը բարձրացրել է գեղասահքի տարիքային շեմըՀայտնի գեղասահորդը նշեց, որ Հայաստան է եկել կոնկրետ նպատակով՝ օգնել այս մարզաձևի զարգացմանը։ Նա արդեն հասցրել է հանդիպել կրթության, գիտության, մշակույթի և սպորտի փոխնախարար Կարեն Մելոյանին և գեղասահքի ֆեդերացիայի նախագահ Մելանյա Ստեփանյանին, և մեծ հույսեր է կապում նրանց աջակցության հետ։Մարզիկը խոստովանեց` երազում է, որ հայկական գեղասահքը զարգացում ստանա, հայ մարզիկները կարողանան ամենաբարձր մակարդակով ելույթ ունենալ, իսկ այդ մարզաձևը մեծ ժողովրդականություն ձեռք բերի երեխաների, նրանց ծնողների շրջանում, տարածվի երկրում:«Հայ ժողովուրդը երաժշտական է, արտիստիկ, պարասեր, ֆիզիոլոգիապես շատ եռանդուն։ Սրանք այն չափանիշներն են, որոնք բավարար են ամենաբարձր մակարդակով մարզիկներ դաստիարակելու համար։ Ուրեմն խնդիրն այլ է՝ չկա համակարգ, չկա կարգապահություն»,-ասաց Ազրոյանը։Հայտնի են գեղասահքի ազատ ոճի պարի հաղթողները Պեկինի օլիմպիադայումՆրա խոսքով՝ նպատակին հասնելու համար անհրաժեշտ է բազա, ռոտացիա, մտածված զարգացման գիծ, ինչպես նաև մարզիկներ, որոնք անընդհատ զարգանում ու աճում են։ Նույնը վերաբերում է նաև մարզչական կազմին. նրանք նույնպես պետք է մշտապես ապացուցեն իրենց մասնագիտական պիտանիությունը և ատեստավորում անցնեն։Գեղասահորդը համոզված է, որ հայկական գեղասահքը սերունդների շարունակականության կարիք ունի։ Հայաստանը տարբեր հարթակներում պարբերաբար ներկայացնող լեգեոներները չեն օգնում հենց երկրում զարգացնել սպորտը։ Այդ պատճառով Ազրոյանը մտադիր է մարզիկների հետ աշխատել անմիջապես տեղում՝ կադրեր պատրաստելով ապագա առաջնությունների համար։Ինչ վերաբերում է Ազրոյանին, ապա նա Թուրինի օլիմպիադայում գեղասահքի Հայաստանի հավաքականի դրոշակակիրն է։ Սառցե պարերով նա ելույթ է ունեցել Ռուսաստանի, իսկ ավելի ուշ՝ Հայաստանի անունից։ Ռուսաստանի պատանեկան առաջնության արծաթե մեդալակիր է, Հայաստանի եռակի չեմպիոն՝ Անաստասիա Գրեբենկինայի հետ զույգում։ Ռուսաստանի միջազգային կարգի սպորտի վարպետ է:Ազրոյանն ասաց, որ մարզչական առաջին քայլերն արել է մարզիչ Էթերի Թութբերիձեի հետ։Մոսկվա վերադառնալուց հետո նա շարունակել է խորհրդատվություններ տրամադրել աշխարհի տարբեր երկրների բազմաթիվ մարզիկների: Հոր հետքերով է գնացել նաև նրա դուստրը՝ Վիկտորյա Ազրոյանը։ Նա գեղասահորդ Արթուր Գրուզդևի հետ կմասնակցի հունվարի 23-29-ը ֆիննական Էսպո քաղաքում կայանալիք գեղասահքի Եվրոպայի առաջնությանը, որտեղ ելույթ կունենա Հայաստանի հավաքականի կազմում:Թինան և Սիմոնը անթերի էին. Հայաստանի գեղասահքի ֆեդերացիայի նախագահը` հաղթանակի մասին
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գեղասահք, հայաստան, սպորտ , վազգեն ազրոյան, մարզիչ, մարզիկ
գեղասահք, հայաստան, սպորտ , վազգեն ազրոյան, մարզիչ, մարզիկ
Ծրագիր կա․ Վազգեն Ազրոյանը մտադիր է լրջորեն զբաղվել Հայաստանի գեղասահքով
15:14 19.01.2023 (Թարմացված է: 15:22 19.01.2023) Վազգեն Ազրոյանը վստահ է, որ լեգեոներները սպորտը չեն փրկի, մասնագետներին պետք է տեղում մեծացնել։
ԵՐԵՎԱՆ, 19 հունվարի–Sputnik. Հայաստանն ունի բոլոր հնարավորությունները համաշխարհային մասշտաբի գեղասահորդներ դաստիարակելու համար։ Մեծ մոլորություն է կարծել, թե Հայաստանն ու գեղասահքն այնքան էլ համատեղելի չեն։
Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ նման կարծիք հայտնեց Հայաստանի եռակի չեմպիոն, NHK Trophy Գրան պրիի մեդալակիր, գեղասահքի միջազգային կարգի սպորտի վարպետ Վազգեն Ազրոյանը։
Հայտնի գեղասահորդը նշեց, որ Հայաստան է եկել կոնկրետ նպատակով՝ օգնել այս մարզաձևի զարգացմանը։ Նա արդեն հասցրել է հանդիպել կրթության, գիտության, մշակույթի և սպորտի փոխնախարար Կարեն Մելոյանին և գեղասահքի ֆեդերացիայի նախագահ Մելանյա Ստեփանյանին, և մեծ հույսեր է կապում նրանց աջակցության հետ։
«Իմ հնչեցրած որոշ գաղափարներ առակցություն ստացան։ Առաջիկայում գեղասահքի զարգացման կոնկրետ ծրագիր կներկայացնեմ», - ասաց Ազրոյանը։
Մարզիկը խոստովանեց` երազում է, որ հայկական գեղասահքը զարգացում ստանա, հայ մարզիկները կարողանան ամենաբարձր մակարդակով ելույթ ունենալ, իսկ այդ մարզաձևը մեծ ժողովրդականություն ձեռք բերի երեխաների, նրանց ծնողների շրջանում, տարածվի երկրում:
«Հայ ժողովուրդը երաժշտական է, արտիստիկ, պարասեր, ֆիզիոլոգիապես շատ եռանդուն։ Սրանք այն չափանիշներն են, որոնք բավարար են ամենաբարձր մակարդակով մարզիկներ դաստիարակելու համար։ Ուրեմն խնդիրն այլ է՝ չկա համակարգ, չկա կարգապահություն»,-ասաց Ազրոյանը։
Նրա խոսքով՝ նպատակին հասնելու համար անհրաժեշտ է բազա, ռոտացիա, մտածված զարգացման գիծ, ինչպես նաև մարզիկներ, որոնք անընդհատ զարգանում ու աճում են։ Նույնը վերաբերում է նաև մարզչական կազմին. նրանք նույնպես պետք է մշտապես ապացուցեն իրենց մասնագիտական պիտանիությունը և ատեստավորում անցնեն։
Գեղասահորդը համոզված է, որ հայկական գեղասահքը սերունդների շարունակականության կարիք ունի։ Հայաստանը տարբեր հարթակներում պարբերաբար ներկայացնող լեգեոներները չեն օգնում հենց երկրում զարգացնել սպորտը։ Այդ պատճառով Ազրոյանը մտադիր է մարզիկների հետ աշխատել անմիջապես տեղում՝ կադրեր պատրաստելով ապագա առաջնությունների համար։
«Պարզապես պետք է դա անել աստիճանաբար` քայլ առ քայլ, բայց ճիշտ, պրոֆեսիոնալ»,-ասաց նա:
Ինչ վերաբերում է Ազրոյանին, ապա նա Թուրինի օլիմպիադայում գեղասահքի Հայաստանի հավաքականի դրոշակակիրն է։ Սառցե պարերով նա ելույթ է ունեցել Ռուսաստանի, իսկ ավելի ուշ՝ Հայաստանի անունից։ Ռուսաստանի պատանեկան առաջնության արծաթե մեդալակիր է, Հայաստանի եռակի չեմպիոն՝ Անաստասիա Գրեբենկինայի հետ զույգում։ Ռուսաստանի միջազգային կարգի սպորտի վարպետ է:
Ազրոյանն ասաց, որ մարզչական առաջին քայլերն արել է մարզիչ Էթերի Թութբերիձեի հետ։
«Մենք աշխատել ենք մեկ տարի, դա Սոչիից առաջ նախաօլիմպիական տարին էր։ Օգնում էի Էթերի Գեորգիևնային աշխատել գեղասահորդներ Յուլիա Լիպնիցկայայի, Եվգենյա Մեդվեդևայի հետ, հետո առաջարկ ստացա Թաթարստանի Հանրապետության նախարարությունից, ու գնացի այնտեղ աշխատելու գլխավոր մարզչի պաշտոնում», - ասաց նա:
Մոսկվա վերադառնալուց հետո նա շարունակել է խորհրդատվություններ տրամադրել աշխարհի տարբեր երկրների բազմաթիվ մարզիկների: Հոր հետքերով է գնացել նաև նրա դուստրը՝ Վիկտորյա Ազրոյանը։ Նա գեղասահորդ Արթուր Գրուզդևի հետ կմասնակցի հունվարի 23-29-ը ֆիննական Էսպո քաղաքում կայանալիք գեղասահքի Եվրոպայի առաջնությանը, որտեղ ելույթ կունենա Հայաստանի հավաքականի կազմում:
