https://arm.sputniknews.ru/20230116/pashtvonjanery-aatsin-karajarken-irenc-masin-teghekutjuny-petakan-gaghtniq-hamarel-minasjan-53879594.html
Պաշտոնյաները ԱԱԾ–ին կառաջարկեն իրենց մասին տեղեկությունը պետական գաղտնիք համարել. Մինասյան
Պաշտոնյաները ԱԱԾ–ին կառաջարկեն իրենց մասին տեղեկությունը պետական գաղտնիք համարել. Մինասյան
Sputnik Արմենիա
«Հայաստան» խմբակցության քարտուղարը վստահեցնում է, որ օրինագծում չկա հստակ հիմնավորում, թե անձի կամ որոշակի իրադարձությունների վերաբերյալ տեղեկություններից ինչը... 16.01.2023, Sputnik Արմենիա
2023-01-16T14:47+0400
2023-01-16T14:47+0400
2023-01-16T14:49+0400
հայաստան
արծվիկ մինասյան
պետական գաղտնիք
օրենք
աժ (ազգային ժողով)
հհ ազգային անվտանգության ծառայություն. աած
https://cdn.am.sputniknews.ru/img/07e7/01/10/53864749_0:0:1600:901_1920x0_80_0_0_d7d53347a7c9652a187aa0439650fde2.jpg
ԵՐԵՎԱՆ, 16 հունվարի – Sputnik. «Պետական գաղտնիքի մասին» օրինագիծը չի բավարարում սահմանադրական այն պահանջին, որ ցանկացած իրավունքի սահմանափակում պետք է հիմնավորված լինի ու նկարագրված, օրենքով էլ երաշխավորված անվտանգության տեսակետից։ ՀՀ ազգային ժողովում «Պետական գաղտնիքի մասին» օրենքի և հարակից օրենքների նախագծերի փաթեթի քննարկման ժամանակ այս տեսակետը հայտնեց «Հայաստան» խմբակցության քարտուղար Արծվիկ Մինասյանը։Նա ընդգծեց, որ պետական գաղտնիքի հետ կապված իրավակարգավորումները չափազանց կարևոր են, բայց միևնույն ժամանակ շեշտեց` տվյալ նախագիծն անվտանգային տեսանկյունից բավարար ուղղվածություն չունի, որպեսզի ապահովի այդ ամենը։Նա նշեց, որ «Պետական գաղտնիքի մասին» օրենքի նախագծի համաձայն` յուրաքանչյուր պաշտոնյա կարող է առաջարկել իր կամ շրջապատի մասին ցանկացած տեղեկություն պետական գաղտնիք համարել։Մինասյանը նաև անդրադարձ կատարեց այն հարցին, որ պատգամավորներն օրենքի ուժով իրավունք ունեն տիրապետելու պետական գաղտնիքի։ Խմբակցության քարտուղարն ասաց, որ դիմել է ԱԱԾ, որտեղից հայտնել են, որ իրենցից ոչ մեկի պետական գաղտնիքի թույլտվությունը դադարեցված չէ, սակայն մշտապես մերժում են ստանում կառույցից այս կամ այն տեղեկությունը ստանալու համար։ՊՆ մայորը 19.700 դոլարի դիմաց պետական գաղտնիքներ է հայտնել. դավաճանության հերթական դեպքը«Պետական գաղտնիքի մասին» օրենքի և հարակից օրենքների նախագծերի փաթեթը ներկայացնող ԱԱԾ տնօրենի տեղակալ Տիգրան Հարությունյանը նշեց, որ նախագծով առաջարկվում է նաև «Պետական և ծառայողական գաղտնիքի մասին» օրենքը վերանվանել «Պետական գաղտնիքի մասին», քանի որ միջազգային փորձի ուսումնասիրությունը ցույց է տվել, որ այդպես են անվանվում բնագավառը կարգավորող օրենքները: Այս կապակցությամբ նախագծում այլևս չի կիրառվում «ծառայողական գաղտնիք» հասկացությունը, և «գաղտնի» դրոշմագիր ունեցող տեղեկությունները ևս կդասվեն պետական գաղտնիքի շարքին: Ստացվում է, որ նախագծով ծառայողական գաղտնիքը կհամարվի պետական գաղտնիք։Նա անդրադարձավ նաև պետական գաղտնիք պարունակող տեղեկությունների պահպանության բնագավառում պետական և տեղական ինքնակառավարման մարմինների ու պաշտոնատար անձանց գործառույթներին վերաբերող հարցին։ Հարությունյանը նշեց, որ պետական գաղտնիք պարունակող՝ «հատուկ կարևորության» և «հույժ գաղտնի» դրոշմագրեր ունեցող տեղեկություններին առնչվելու թույլտվություն ունեցող անձինք օտարերկրյա պետություններ մասնավոր այցելությունների դեպքում պարտավոր են լինելու սահմանված կարգով տեղեկացնել այդ մասին ԱԱԾ–ին։Արտաքին հետախուզական ծառայությունը ռազմական հետախուզությամբ չի զբաղվի. ԳրիգորյանԶեկուցողը շեշտեց նաև, որ նախագծերի փաթեթով առաջարկվում է խստացնել պետական գաղտնիք հրապարակելու համար նախատեսված քրեական պատասխանատվությունը։ Միաժամանակ վարչական պատասխանատվություն է նախատեսվում «գաղտնի» դրոշմագիր ունեցող տեղեկությունները հրապարակելու, ինչպես նաև պետական գաղտնիք պարունակող տեղեկություններին առնչվելու թույլտվություն ունեցող անձի կողմից իր նկատմամբ կիրառված սահմանափակումները խախտելու համար։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արծվիկ մինասյան, պետական գաղտնիք, օրենք, աժ (ազգային ժողով), հհ ազգային անվտանգության ծառայություն. աած
հայաստան, արծվիկ մինասյան, պետական գաղտնիք, օրենք, աժ (ազգային ժողով), հհ ազգային անվտանգության ծառայություն. աած
Պաշտոնյաները ԱԱԾ–ին կառաջարկեն իրենց մասին տեղեկությունը պետական գաղտնիք համարել. Մինասյան
14:47 16.01.2023 (Թարմացված է: 14:49 16.01.2023) «Հայաստան» խմբակցության քարտուղարը վստահեցնում է, որ օրինագծում չկա հստակ հիմնավորում, թե անձի կամ որոշակի իրադարձությունների վերաբերյալ տեղեկություններից ինչը կարող է համարվել պետական գաղտնիք։
ԵՐԵՎԱՆ, 16 հունվարի – Sputnik. «Պետական գաղտնիքի մասին» օրինագիծը չի բավարարում սահմանադրական այն պահանջին, որ ցանկացած իրավունքի սահմանափակում պետք է հիմնավորված լինի ու նկարագրված, օրենքով էլ երաշխավորված անվտանգության տեսակետից։ ՀՀ ազգային ժողովում «Պետական գաղտնիքի մասին» օրենքի և հարակից օրենքների նախագծերի փաթեթի քննարկման ժամանակ այս տեսակետը հայտնեց «Հայաստան» խմբակցության քարտուղար Արծվիկ Մինասյանը։
Նա ընդգծեց, որ պետական գաղտնիքի հետ կապված իրավակարգավորումները չափազանց կարևոր են, բայց միևնույն ժամանակ շեշտեց` տվյալ նախագիծն անվտանգային տեսանկյունից բավարար ուղղվածություն չունի, որպեսզի ապահովի այդ ամենը։
«Չկա գրված` ի վերջո, անձի կամ որոշակի իրադարձությունների վերաբերյալ տեղեկությունը տրամադրելն ինչ հիմնավորումներով է ճանաչվում պետական գաղտնիք։ Արդյունքում կարող է լինել այնպիսի իրավիճակ, որ պետական պաշտպանության ենթակա անձի կոշիկի չափսը կարող է որակվել որպես պետական գաղտնիք»,– ասաց Մինասյանը։
Նա նշեց, որ «Պետական գաղտնիքի մասին» օրենքի նախագծի համաձայն` յուրաքանչյուր պաշտոնյա կարող է առաջարկել իր կամ շրջապատի մասին ցանկացած տեղեկություն պետական գաղտնիք համարել։
Մինասյանը նաև անդրադարձ կատարեց այն հարցին, որ պատգամավորներն օրենքի ուժով իրավունք ունեն տիրապետելու պետական գաղտնիքի։ Խմբակցության քարտուղարն ասաց, որ դիմել է ԱԱԾ, որտեղից հայտնել են, որ իրենցից ոչ մեկի պետական գաղտնիքի թույլտվությունը դադարեցված չէ, սակայն մշտապես մերժում են ստանում կառույցից այս կամ այն տեղեկությունը ստանալու համար։
«Պետական գաղտնիքի մասին» օրենքի և հարակից օրենքների նախագծերի փաթեթը ներկայացնող ԱԱԾ տնօրենի տեղակալ Տիգրան Հարությունյանը նշեց, որ նախագծով առաջարկվում է նաև «Պետական և ծառայողական գաղտնիքի մասին» օրենքը վերանվանել «Պետական գաղտնիքի մասին», քանի որ միջազգային փորձի ուսումնասիրությունը ցույց է տվել, որ այդպես են անվանվում բնագավառը կարգավորող օրենքները: Այս կապակցությամբ նախագծում այլևս չի կիրառվում «ծառայողական գաղտնիք» հասկացությունը, և «գաղտնի» դրոշմագիր ունեցող տեղեկությունները ևս կդասվեն պետական գաղտնիքի շարքին: Ստացվում է, որ նախագծով ծառայողական գաղտնիքը կհամարվի պետական գաղտնիք։
«Պետական գաղտնիք հանդիսացող տեղեկությունները կունենան «հատուկ կարևորության», «հույժ գաղտնի» և «գաղտնի» դրոշմագրեր։ Նախագծով կանոնակարգվում են նաև սահմանափակ տարածման ծառայողական տեղեկություններին վերաբերող հարաբերությունները` սահմանելով, որ այդպիսի տեղեկությունները պարունակում են պետական գաղտնիքի մաս կազմով տարրեր։ Ինքնին դրանք չեն բացահայտում պետական գաղտնիքը։ Նախագծի համաձայն` այդ բնույթի տեղեկություն պարունակող տեղեկակիրների վրա կատարվելու է «ծառայողական օգտագործման համար» նշումը և պահպանվելու է առավելագույնը 5 տարի ժամկետով»,– ասաց Հարությունյանը։
Նա անդրադարձավ նաև պետական գաղտնիք պարունակող տեղեկությունների պահպանության բնագավառում պետական և տեղական ինքնակառավարման մարմինների ու պաշտոնատար անձանց գործառույթներին վերաբերող հարցին։ Հարությունյանը նշեց, որ պետական գաղտնիք պարունակող՝ «հատուկ կարևորության» և «հույժ գաղտնի» դրոշմագրեր ունեցող տեղեկություններին առնչվելու թույլտվություն ունեցող անձինք օտարերկրյա պետություններ մասնավոր այցելությունների դեպքում պարտավոր են լինելու սահմանված կարգով տեղեկացնել այդ մասին ԱԱԾ–ին։
Զեկուցողը շեշտեց նաև, որ նախագծերի փաթեթով առաջարկվում է խստացնել պետական գաղտնիք հրապարակելու համար նախատեսված քրեական պատասխանատվությունը։ Միաժամանակ վարչական պատասխանատվություն է նախատեսվում «գաղտնի» դրոշմագիր ունեցող տեղեկությունները հրապարակելու, ինչպես նաև պետական գաղտնիք պարունակող տեղեկություններին առնչվելու թույլտվություն ունեցող անձի կողմից իր նկատմամբ կիրառված սահմանափակումները խախտելու համար։
