Ֆրանսիայի Ազգային ժողովի նախագահը կայցելի Հայաստան
Ֆրանսիայի Ազգային ժողովի նախագահ Յաել Բրաուն-Պիվեն. Արխիվային լուսանկար
© AFP 2024 / GEOFFROY VAN DER HASSELT
Բաժանորդագրվել
Ֆրանսիայի ԱԺ նախագահը Հայաստան կժամանի մի խումբ պատգամավորների հետ՝ հաստատելու Ֆրանսիայի խորհրդարանի աջակցությունը։
ԵՐԵՎԱՆ, 8 հունվարի – Sputnik. Ֆրանսիայի Ազգային ժողովի նախագահ Յաել Բրաուն-Պիվեն հաջորդ շաբաթ կայցելի Հայաստան։ Այս մասին Ֆրանսիայի ԱԺ նախագահը գրել է Twitter-ում։
En cette période de fêtes de Noël, mes pensées vont vers tous les Arméniens auxquels j’adresse mes vœux d’espoir et de paix. Je me rendrai la semaine prochaine en #Arménie avec @Valerie_Rabault, @JLBourlanges, @AGenetet et @al_petel pour leur redire le soutien de l’@AssembleeNat.
— Yaël Braun-Pivet (@YaelBRAUNPIVET) January 7, 2023
«Սուրբ ծննդյան տոների ժամանակ ես չեմ դադարում մտածել հայերի մասին, որոնց ուղարկում եմ իմ հույսերն ու խաղաղության մաղթանքները»,- գրել է խորհրդարանի նախագահը։
Նա Հայաստան կժամանի մի խումբ պատգամավորների՝ Վալերի Ռաբոյի, Ժան Լուի Բուրլանժի, Անն Ժենետեի, Անն-Լորանս Պետելի հետ՝ վերահաստատելու Ֆրանսիայի Ազգային ժողովի աջակցությունը։
Հիշեցնենք` նոյեմբերի 30–ին Ֆրանսիայի խորհրդարանի Ստորին պալատը մի բանաձև ընդունեց, որը խստորեն դատապարտում է սեպտեմբերի 13-14-ը Ադրբեջանի ռազմական ագրեսիան Հայաստանի նկատմամբ և պահանջում է անհապաղ դուրս գալ Ադրբեջանի կողմից բռնազավթված տարածքներից։ Նոյեմբերի 15-ին նման բանաձև էր ընդունել նաև Ֆրանսիայի Սենատը (խորհրդարանի Վերին պալատը)։
