https://arm.sputniknews.ru/20230105/navasard-ktshvojanin-hravirel-en-aporini-gujqi-brnagandzman-gvortservov-varchutjun-53513991.html

Նավասարդ Կճոյանին հրավիրել են ապօրինի գույքի բռնագանձման գործերով վարչություն

Նավասարդ Կճոյանին հրավիրել են ապօրինի գույքի բռնագանձման գործերով վարչություն

Sputnik Արմենիա

Դատախազությունն ուսումնասիրում է Կճոյանին պատկանող գույքը, և ամփոփագիր է կազմվել։ 05.01.2023, Sputnik Արմենիա

2023-01-05T18:02+0400

2023-01-05T18:02+0400

2023-01-05T18:05+0400

հայաստան

հհ գլխավոր դատախազություն

նավասարդ կճոյան

գույք

https://cdn.am.sputniknews.ru/img/637/52/6375231_0:0:1600:901_1920x0_80_0_0_73f47d400276a97394bf568c43a9be1c.jpg

ԵՐԵՎԱՆ, 5 հունվարի – Sputnik. Արարատյան Հայրապետական թեմի առաջնորդ, արքեպիսկոպոս Նավասարդ (Սամվել) Կճոյանը հրավիրվել է ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն: Այս մասին տեղեկանում ենք պաշտոնական հայտարարությունների հրապարակման azdarar.am հարթակից։Կճոյանը պետք է վարչություն ներկայանա 2023 թվականի հունվարի 11 ին՝ ժամը 11:30-ին։Նշվում է, որ նրան պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր:Հիշեցնենք` 2013թ–ին մամուլը գրեց, որ Կճոյանի անունը կապված է օֆշորային գործարքի հետ։ Սրբազանը հերքեց մամուլում տարածված լուրերը` նշելով, որ ձեռներեցությամբ զբաղվելու պարագայում երբեք չէր շարունակի ծառայել Հայ առաքելական եկեղեցուն․ գաղտնի և ընդհատակյա գործունեությունը հարիր չէ իր սկզբունքներին:2020 թվականի ապրիլի 15-ին ԱԱԾ–ն հայտարարություն տարածեց, որ քրեական գործերից մեկի շրջանակում մեղադրանք է առաջադրվել Հայ առաքելական եկեղեցու թեմերից մեկի առաջնորդական փոխանորդին:Կճոյանի փաստաբան Հովիկ Արսենյանը Sputnik Արմենիային ասաց, որ իր պաշտպանյալը հարցաքննվել է տվյալ քրեական գործով որպես մեղադրյալ, մինչդեռ գործն ի սկզբանե հարուցվել է առանց նրան որպես վկա հարցաքննելու:2022 թվականի հունվարին հայտնի դարձավ, որ երկու տարի տևած նախաքննությունից հետո քրգործը կարճվել է։

2023

Լուրեր

am_HY

հայաստան, հհ գլխավոր դատախազություն, նավասարդ կճոյան, գույք