https://arm.sputniknews.ru/20230104/vor-pulum-en-pb-nakhkin-2-hramanatari-nkatmamb-harucvats-gvortsery-parzabanum-e-qjaramjany-53487820.html

Որ փուլում են ՊԲ նախկին 2 հրամանատարի նկատմամբ հարուցված գործերը. պարզաբանում է Քյարամյանը

Որ փուլում են ՊԲ նախկին 2 հրամանատարի նկատմամբ հարուցված գործերը. պարզաբանում է Քյարամյանը

Sputnik Արմենիա

Բարձրաստիճան սպաների նկատմամբ քրեական հետապնդում է իրականացվում երկուական դրվագով. մի մասով գործն ավարտական փուլում է։ 04.01.2023, Sputnik Արմենիա

2023-01-04T22:12+0400

2023-01-04T22:12+0400

2023-01-04T22:58+0400

հայաստան

ջալալ հարությունյան

միքայել արզումանյան

արգիշտի քյարամյան

https://cdn.am.sputniknews.ru/img/07e5/04/0f/27193301_0:0:1024:577_1920x0_80_0_0_63da0ceeebbedecd26b52c4686c29cf9.jpg

ԵՐԵՎԱՆ, 4 հունվարի – Sputnik. ՀՀ քննչական կոմիտեի նախագահ Արգիշտի Քյարամյանը` որպես նախաքննական մարմնի ղեկավար, հիմնավորված է համարում Արցախի պաշտպանության բանակի նախկին երկու հրամանատարներին` Ջալալ Հարությունյանին և Միքայել Արզումանյանին ներկայացված մեղադրանքները։ Հայաստանի հանրային հեռուստաընկերության եթերում նա նշեց, որ ՊԲ նախկին հրամանատարների նկատմամբ 2-ական դրվագով քրեական հետապնդումներ են հարուցվել։ Դրվագների մի մասով քննությունն արդեն լրիվ ավարտական փուլում է, իսկ մյուս մասով քննությունը դեռ շարունակվում է։Հարցին, թե արդյոք այս փուլում կարելի է ապացույցների մասին խոսել, Քյարամյանը նշեց` ընթացիկ քրեական վարույթում ապացույցներ բացելը նպատակահարմար չի համարում։Հիշեցնենք` 2022թ–ի սեպտեմբերի 1-ին դատախազությունը հայտարարեց, որ Արցախի ՊԲ նախկին հրամանատար, Արցախի նախագահի խորհրդական Միքայել Արզումանյանին մեղադրանք է ներկայացվել 2020 թվականի Արցախյան պատերազմի ընթացքում ռազմավարական կարևոր նշանակություն ունեցող «Արեգա» բարձունքը և հարակից մարտական դիրքերն ազատագրած անձնակազմին «նահանջ» հրաման տալու համար։Արզումանյանը կալանավորվել էր սեպտեմբերի 1-ին և մինչ օրս գտնվում է կալանքի տակ:Ջալալ Հարությունյանին մեղադրանք է առաջադրվել ծառայողական պարտականությունների նկատմամբ անփույթ վերաբերմունք դրսևորելու համար։Առաջադրված մեղադրանքը բաղկացած է երկու դրվագից, որոնցից առաջինը վերաբերում է 2020թ հոկտեմբերի 7-ին կատարված հակահարձակման օպերացիային, երկրորդը՝ 2020թ հոկտեմբերի 12-ին դիվիզիոններից մեկում հակառակորդի հարձակման հետևանքով կորուստներին։Նրա նկատմամբ որպես խափանման միջոց է ընտրվել բացակայելու արգելքը և պաշտոնավարման կասեցումը (2021-ի փետրվարի 4-ին Ջալալ Հարությունյանը նշանակվել էր ՀՀ պաշտպանության նախարարության ռազմական վերահսկողական ծառայության պետ):

2023

Լուրեր

am_HY

հայաստան, ջալալ հարությունյան, միքայել արզումանյան, արգիշտի քյարամյան