https://arm.sputniknews.ru/20221229/isk-makn-uzum-e-khaghaghapah-ugharkel-gharabagh-qaghaqagety-pashinjani-hajtararutjan-masin-53320297.html
Իսկ ՄԱԿ–ն ուզու՞մ է խաղաղապահ ուղարկել Ղարաբաղ. քաղաքագետը՝ Փաշինյանի հայտարարության մասին
Իսկ ՄԱԿ–ն ուզու՞մ է խաղաղապահ ուղարկել Ղարաբաղ. քաղաքագետը՝ Փաշինյանի հայտարարության մասին
Sputnik Արմենիա
Քաղաքագետ, ԵՊՀ Միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ Գարիկ Քեռյանը Sputnik Արմենիայի եթերում... 29.12.2022, Sputnik Արմենիա
2022-12-29T20:04+0400
2022-12-29T20:04+0400
2022-12-29T20:04+0400
ռադիո
գարիկ քեռյան
խաղաղապահներն արցախում
խաղաղապահ
հայաստան
միավորված ազգերի կազմակերպություն (մակ)
ադրբեջան
ռուսաստան
պոդկաստ
https://cdn.am.sputniknews.ru/img/07e6/0c/1d/53318606_0:0:1600:901_1920x0_80_0_0_e9ebbc60533fbac3218e6616b4ad292f.jpg
Իսկ ՄԱԿ–ն ուզու՞մ է խաղաղապահ կոնտինգենտ ուղարկել Ղարաբաղ. քաղաքագետը Փաշինյանի հայտարարության մասին
Sputnik Արմենիա
Իսկ ՄԱԿ–ն ուզու՞մ է խաղաղապահ կոնտինգենտ ուղարկել Ղարաբաղ. քաղաքագետը Փաշինյանի հայտարարության մասին
Լեռնային Ղարաբաղ միջազգային խաղաղապահներ ուղարկելու վերաբերյալ Հայաստանի ղեկավարության հայտարարությունները հարցեր են առաջացնում պաշտոնական Երևանի նպատակների ու խնդիրների վերաբերյալ։ Այս մասին Sputnik Արմենիայի հետ զրույցում ասաց քաղաքագետ Գարիկ Քեռյանը։ՀՀ վարչապետ Նիկոլ Փաշինյանը կառավարության նիստում հայտարարել էր, որ եթե Ռուսաստանը օբյեկտիվ կամ սուբյեկտիվ պատճառներով չի կարող ապահովել անվտանգությունը Լեռնային Ղարաբաղում, ապա պետք է քննարկում նախաձեռնի ՄԱԿ-ի Անվտանգության խորհրդում, որպեսզի Ղարաբաղում տեղակայված Ռուսաստանի Դաշնության կոնտինգենտը ՄԱԿ-ի մանդատ ստանա, կամ պետք է Լեռնային Ղարաբաղ ուղարկել հավելյալ բազմազգ խաղաղապահ զորախումբ։Քեռյանը հիշեցրեց, որ օրերս ՄԱԿ-ի Անվտանգության խորհուրդն արդեն քննարկել է Լաչինի միջանցքի շուրջ ստեղծված իրավիճակը, սակայն մինչ այժմ մշտական անդամներից ոչ մեկը չի խոսել հակամարտության գոտի խաղաղապահներ ուղարկելու ցանկության մասին։Քաղաքագետն ընդգծեց, որ նման ցանկություն չի տեսնում միջազգային այլ կառույցներում՝ ՆԱՏՕ-ում կամ ԵԱՀԿ-ում, որոնք ունեն համապատասխան հնարավորություններ, լծակներ ու իրավասություններ։«Եթե ՄԱԿ-ի Անվտանգության խորհուրդն արդեն քննարկել է այդ հարցը, և ՄԱԿ-ի առաքելություն ուղարկելու ակնարկ անգամ չի եղել, ապա դժվար է հասկանալ վարչապետի մոտիվացիան։ Ասել, որ դա ուղղակի բարի ցանկություն է, սխալ կլինի, քանի որ ամեն դեպքում Փաշինյանը պետության ղեկավարն է, որը տիրապետում է բանակցային գործընթացի մանրամասներին և տեղեկատվությանը»,- ասում է Քեռյանը։Ըստ նրա` Հայաստանի իշխանությունները գուցե ոչ հրապարակային պայմանավորվածություններ ունեն Ֆրանսիայի, ԱՄՆ-ի կամ ԵՄ-ի հետ նրանց խաղաղապահների հնարավոր տեղակայման վերաբերյալ։ Քեռյանը դա բավականին «աշխատող» վարկած է համարում։ Պուտինը և Փաշինյանը քննարկել են Լաչինի միջանցքի հարցը. Մոսկվան կշարունակի միջնորդելՄիաժամանակ չի կարելի բացառել, որ վարչապետն իր հայտարարությամբ ցանկանում է Ռուսաստանին մղել ավելի վճռական գործողությունների։ Սակայն պետք է հասկանալ, որ ուկրաինական իրադարձությունների պատճառով Ռուսաստանը հիմա ծայրահեղ ծանր վիճակում է։ Այն ծախսում է հսկայական ռեսուրսներ և, ավելին, հայտնվել է Արևմուտքի ծանր պատժամիջոցների տակ։ Նրա համար չափազանց անցանկալի սցենար կլիներ Ադրբեջանի և Թուրքիայի հետ հարաբերությունների սրումը։Հիշեցնենք՝ դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։Լաչինի միջանցքը, սակայն, շարունակում է փակ մնալ։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գարիկ քեռյան, խաղաղապահներն արցախում, խաղաղապահ, հայաստան, միավորված ազգերի կազմակերպություն (մակ), ադրբեջան, ռուսաստան, պոդկաստ, аудио
գարիկ քեռյան, խաղաղապահներն արցախում, խաղաղապահ, հայաստան, միավորված ազգերի կազմակերպություն (մակ), ադրբեջան, ռուսաստան, պոդկաստ, аудио
Իսկ ՄԱԿ–ն ուզու՞մ է խաղաղապահ ուղարկել Ղարաբաղ. քաղաքագետը՝ Փաշինյանի հայտարարության մասին
Քաղաքագետ, ԵՊՀ Միջազգային հարաբերությունների ֆակուլտետի քաղաքական ինստիտուտների և գործընթացների ամբիոնի վարիչ Գարիկ Քեռյանը Sputnik Արմենիայի եթերում անդրադարձել է ՀՀ ղեկավարության այն դիրքորոշմանը, որ միջազգային խաղաղապահներ է պետք ուղարկել Լեռնային Ղարաբաղ։
Լեռնային Ղարաբաղ միջազգային խաղաղապահներ ուղարկելու վերաբերյալ Հայաստանի ղեկավարության հայտարարությունները հարցեր են առաջացնում պաշտոնական Երևանի նպատակների ու խնդիրների վերաբերյալ։ Այս մասին
Sputnik Արմենիայի հետ զրույցում ասաց քաղաքագետ Գարիկ Քեռյանը։
ՀՀ վարչապետ Նիկոլ Փաշինյանը կառավարության նիստում հայտարարել էր, որ եթե Ռուսաստանը օբյեկտիվ կամ սուբյեկտիվ պատճառներով չի կարող ապահովել անվտանգությունը Լեռնային Ղարաբաղում, ապա պետք է քննարկում նախաձեռնի ՄԱԿ-ի Անվտանգության խորհրդում, որպեսզի Ղարաբաղում տեղակայված Ռուսաստանի Դաշնության կոնտինգենտը ՄԱԿ-ի մանդատ ստանա, կամ պետք է Լեռնային Ղարաբաղ ուղարկել հավելյալ բազմազգ խաղաղապահ զորախումբ։
Քեռյանը հիշեցրեց, որ օրերս ՄԱԿ-ի Անվտանգության խորհուրդն արդեն քննարկել է Լաչինի միջանցքի շուրջ ստեղծված իրավիճակը, սակայն մինչ այժմ մշտական անդամներից ոչ մեկը չի խոսել հակամարտության գոտի խաղաղապահներ ուղարկելու ցանկության մասին։
«Եթե ՄԱԿ-ի Անվտանգության խորհուրդը պատրաստ լիներ փոխարինել Ռուսաստանին, կամ միջազգային խաղաղապահ ուժեր ուղարկել Լեռնային Ղարաբաղ՝ որպես օգնություն, կամ ռուս խաղաղապահներին միջազգային մանդատ տալ, ապա այդ թեման անպայման կքննարկվեր նիստում։ Բայց մենք դա չտեսանք։ Անվտանգության խորհրդի անդամ մյուս առանձին երկրները չեն հայտարարել իրենց խաղաղապահներին հակամարտության գոտի ուղարկելու պատրաստակամության մասին»,- նշեց մեր զրուցակիցը։
Քաղաքագետն ընդգծեց, որ նման ցանկություն չի տեսնում միջազգային այլ կառույցներում՝ ՆԱՏՕ-ում կամ ԵԱՀԿ-ում, որոնք ունեն համապատասխան հնարավորություններ, լծակներ ու իրավասություններ։
«Եթե ՄԱԿ-ի Անվտանգության խորհուրդն արդեն քննարկել է այդ հարցը, և ՄԱԿ-ի առաքելություն ուղարկելու ակնարկ անգամ չի եղել, ապա դժվար է հասկանալ վարչապետի մոտիվացիան։ Ասել, որ դա ուղղակի բարի ցանկություն է, սխալ կլինի, քանի որ ամեն դեպքում Փաշինյանը պետության ղեկավարն է, որը տիրապետում է բանակցային գործընթացի մանրամասներին և տեղեկատվությանը»,- ասում է Քեռյանը։
Ըստ նրա` Հայաստանի իշխանությունները գուցե ոչ հրապարակային պայմանավորվածություններ ունեն Ֆրանսիայի, ԱՄՆ-ի կամ ԵՄ-ի հետ նրանց խաղաղապահների հնարավոր տեղակայման վերաբերյալ։ Քեռյանը դա բավականին «աշխատող» վարկած է համարում։
Միաժամանակ չի կարելի բացառել, որ վարչապետն իր հայտարարությամբ ցանկանում է Ռուսաստանին մղել ավելի վճռական գործողությունների։ Սակայն պետք է հասկանալ, որ ուկրաինական իրադարձությունների պատճառով Ռուսաստանը հիմա ծայրահեղ ծանր վիճակում է։ Այն ծախսում է հսկայական ռեսուրսներ և, ավելին, հայտնվել է Արևմուտքի ծանր պատժամիջոցների տակ։ Նրա համար չափազանց անցանկալի սցենար կլիներ Ադրբեջանի և Թուրքիայի հետ հարաբերությունների սրումը։
Հիշեցնենք՝ դեկտեմբերի 12-ի առավոտյան Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն
անջատել էր նաև Արցախի գազամատակարարումը։ Դեկտեմբերի 16–ի
առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
