Դժվար տարի էր. նախագահական նստավայրում ընդունելություն է կազմակերպվել պաշտոնյաների համար
22:35 29.12.2022 (Թարմացված է: 22:55 29.12.2022)
Բաժանորդագրվել
Ընդունելությանը ներկա են եղել ՀՀ վարչապետ Նիկոլ Փաշինյանը, ՀՀ ազգային ժողովի նախագահ Ալեն Սիմոնյանն ու բարձրաստիճան մյուս պաշտոնյաները։
Հայաստանի Հանրապետության նախագահ Վահագն Խաչատուրյանը ելույթ է ունեցել նախագահական նստավայրում Ամանորի և Սուրբ ծննդի առթիվ պետական կառավարման համակարգի ներկայացուցիչների համար կազմակերպված ընդունելության ժամանակ: Տեղեկությունը հայտնում է ՀՀ նախագահի մամուլի ծառայությունը։
«Իրականում շատ դժվար տարի էր մեզ համար, և, ցավոք սրտի, այդ դժվարությունները չեն ավարտվում, բայց կարծում եմ, որ անկախ պետություն ունենալու ցանկությունը, ձգտումը մեր մեջ չի պակասել, ինչքան էլ դժվարություններ լինեն, ինչքան էլ բարդություններ լինեն, մենք չենք հանձնվելու: Եվ այն պատգամը, որ մեր մեջ ունենք, և այն պատգամը, որ առաջին հերթին ամեն ինչ անելու ենք՝ ամրապնդելու մեր երկիրը, ամեն ինչ անել, որ մեր անկախ երկիրը հզորանա, մենք պատրաստակամ ենք և շարունակելու ենք»,– ասել է նա:
Ընդունելությանը ներկա են եղել ՀՀ վարչապետ Նիկոլ Փաշինյանը, ՀՀ ազգային ժողովի նախագահ Ալեն Սիմոնյանն ու բարձրաստիճան մյուս պաշտոնյաները։ Խաչատուրյանի ելույթից առաջ հնչել է ՀՀ օրհներգը։
