00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
5 ր
Ուղիղ եթեր
09:24
5 ր
Ուղիղ եթեր
12:00
4 ր
Ուղիղ եթեր
13:00
6 ր
Исторический ликбез
Как снести памятник герою СС атаману Краснову?
15:04
23 ր
Исторический ликбез
Как белый атаман Краснов Гитлеру служил
15:33
24 ր
Ուղիղ եթեր
17:00
7 ր
Ուղիղ եթեր
18:00
6 ր
Ուղիղ եթեր
19:00
6 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

«Ջանքեր ենք գործադրում, որ ՀՀ–ում դիտորդների առաքելությունը մշտական լինի». Ֆրանսիայի ԱԳՆ

© AFP 2024 / KHALIL MAZRAAWIՖրանսիայի արտգործնախարար
Ֆրանսիայի արտգործնախարար - Sputnik Արմենիա, 1920, 24.12.2022
Ֆրանսիայի արտգործնախարար
Բաժանորդագրվել
ԵՄ քաղաքացիական դիտորդների առաքելությանն արագ կտեղակայվի, երբ Եվրամիության 27 անդամ պետությունները հաստատեն դրա մանդատը։
ԵՐԵՎԱՆ, 24 դեկտեմբերի – Sputnik. Ֆրանսիան ջանքեր է գործադրում, որպեսզի ՀՀ–ում ԵՄ դիտորդների առաքելությունը մշտական կարգավիճակ ստանա ։ Այս մասին ասել է Ֆրանսիայի արտաքին գործերի նախարար Քեթրին Կոլոնան` պատասխանելով Ֆրանսիա-Հայաստան բարեկամության խմբի նախագահ Անն-Լորանս Պետելի նամակին։
Ֆրանսիա-Հայաստան բարեկամության խմբի նախագահը արտգործնախարարին նամակ էր հղել դեկտեմբերի 15–ին` նշելով, որ դեկտեմբերի 12–ից ադրբեջանցիները փակել են Լաչինի միջանցքը, որը Լեռնային Ղարաբաղը Հայաստանին և աշխարհին կապող միակ ճանապարհն է, և դադարեցրել են գազամատակարարումը։ Նա ընդգծել էր, որ 120000 հայեր մեկուսացված են և վտանգի տակ։ Այժմ Պետելը Twitter–ում հրապարակել է իր նամակի պատասխանը։
Ֆրանսիայի ԱԳ նախարարը պատասխան նամակում գրել է, որ ՄԱԿ-ի անվտանգության խորհրդում անցկացված հանդիպումն արդյունավետ է եղել, քանի որ գազամատակարարումը վերականգնվել է, իսկ Կարմիր խաչի միջազգային կոմիտեն հասանելիություն ունի Լեռնային Ղարաբաղում:
Նշենք, որ դեկտեմբերի 21-ին ՄԱԿ-ի Անվտանգության խորհրդի նիստում ՄԱԿ–ում Ռուսաստանի մշտական ներկայացուցչի տեղակալ Աննա Եվստիգնեևան ասել էր, որ Ռուսաստանը ձեռնարկել է բոլոր անհրաժեշտ միջոցները Լաչինի միջանցքի շուրջ ստեղծված իրավիճակի շուտափույթ հանգուցալուծման համար։ Այդ ջանքերի շնորհիվ վերականգնվել է Ղարաբաղի գազամատակարարումը։

«Ես լիովին կիսում եմ ձեր մտահոգությունը. դեկտեմբերի 12-ից Հայաստանը Լեռնային Ղարաբաղին կապող այդ միջանցքի արգելափակումն անընդունելի է և հղի է ծանր հումանիտար հետևանքներով Լեռնային Ղարաբաղի բնակչության համար»,– ասել է Կոլոնան:

Նախարարը նշել է, որ Ֆրանսիան անմիջապես հանդես է եկել տեղաշարժի սահմանափակումների անհապաղ և անվերապահորեն վերացման կոչով և հիշեցրել 2020 թվականի նոյեմբերի 9-ի եռակողմ հայտարարության համաձայն Ադրբեջանի ստանձնած պարտավորությունները՝ երաշխավորել մարդկանց, տրանսպորտային միջոցների և ապրանքների տեղաշարժի անվտանգությունը երկու ուղղություններով։
«Ինչպես գիտեք, Լաչինի միջանցքը փաստացի գտնվում է Ռուսաստանի Դաշնության խաղաղապահ ուժերի վերահսկողության տակ ՝ նույն եռակողմ հայտարարության համաձայն։ Ո՛չ Ֆրանսիան, ո՛չ Եվրամիությունը, ո՛չ էլ ՄԱԿ-ը ներկա չեն այնտեղ։ Պետք է արձանագրել, որ Ռուսաստանն այսօր դեռ ի վիճակի չէ կամ չի ցանկանում ապահովել իրեն վստահված անվտանգության երաշխիքները»,– գրել է Ֆրանսիայի արտգործնախարարը։
Նա ընդգծել է, որ հաշվի առնելով իրավիճակի լրջությունը ՝ Ֆրանսիան հանդես է եկել նախաձեռնությամբ ՝ Հայաստանի իշխանությունների խնդրանքով հարցը ներառել ՄԱԿ-ի անվտանգության խորհրդի դեկտեմբերի 16-ի նիստի օրակարգում։
«Այս հանդիպմանը հաջորդել է, կրկին Ֆրանսիայի նախաձեռնությամբ, անվտանգության խորհրդի նոր արտահերթ նիստը բաց ձևաչափով, որը թույլ տվել է նրա բոլոր անդամներին հայտարարել միջանցքով շարժման շուտափույթ վերականգնման և մարդասիրական կազմակերպությունների Լեռնային Ղարաբաղ մուտքի հասանելիության մասին»,- նամակում նշել է Քեթրին Կոլոնան:
Նա շեշտել է, որ այժմ Ֆրանսիան ջանքեր է գործադրում, որպեսզի ԵՄ քաղաքացիական դիտորդների առաքելությունը Հայաստանում ստանա մշտական կարգավիճակ:
«Այդ կապակցությամբ դեկտեմբերի 20-ից ՀՀ տարածքում գործարկվել է գնահատման և պլանավորման ժամանակավոր առաքելություն։ Դա թույլ կտա նախապատրաստվել ԵՄ քաղաքացիական դիտորդների առաքելության արագ տեղակայմանը, որը կսկսվի, հենց որ Եվրամիության 27 անդամ պետություններ հաստատեն դրա մանդատը»,- ասել է Կոլոնան:
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
Դեկտեմբերի 13-ից ադրբեջանական կողմն անջատել էր նաև Արցախի գազամատակարարումը։ Դեկտեմբերի 16–ի առավոտյան Արցախի պետնախարար Ռուբեն Վարդանյանը հայտնեց, որ Արցախում գազամատակարարումը վերականգնվել է, և դա արվել է առանց որևէ նախապայմանի։
Լաչինի միջանցքը, սակայն, շարունակում է փակ մնալ։
Լրահոս
0