https://arm.sputniknews.ru/20221223/stugumneri-ezrakacutjunnery-himnavvor-chen-brjusvovi-hamalsarany-pataskhanel-e-pvtsin-53052107.html
Ստուգումների եզրակացությունները հիմնավոր չեն. Բրյուսովի համալսարանը պատասխանել է ՊՎԾ–ին
Ստուգումների եզրակացությունները հիմնավոր չեն. Բրյուսովի համալսարանը պատասխանել է ՊՎԾ–ին
Sputnik Արմենիա
Պետական վերահսկողության ծառայությանը հաղորդագրություն է տարածել առանց հաշվի առնելու ԲՊՀ–ի առարկությունները։ 23.12.2022, Sputnik Արմենիա
2022-12-23T13:48+0400
2022-12-23T13:48+0400
2022-12-23T14:01+0400
հայաստան
վալերի բրյուսովի անվան պետական համալսարան
պետական վերահսկողական ծառայություն (պվծ)
https://cdn.am.sputniknews.ru/img/846/93/8469343_0:0:1600:901_1920x0_80_0_0_427a4ada53b9d7128e61a2f97d77eab6.jpg
ԵՐԵՎԱՆ, 23 դեկտեմբերի – Sputnik. Պետական վերահսկողության ծառայության ստուգումների եզրակացությունները հիմնավոր չեն: Այս մասին հայտարարություն է տարածել Վ. Բրյուսովի անվան պետական համալսարանը և առարկություններ ներկայացրել։Երեկ հայտնել էինք, որ Պետական վերահսկողության ծառայությունը Վալերի Բրյուսովի անվան պետական համալսարանում մի շարք խախտումներ է հայտնաբերել և տեղեկանքներ ներկայացրել ՀՀ գլխավոր դատախազություն հետագա ընթացքն ապահովելու համար։Ինչպես նշվում է բուհի հայտարարության մեջ, իրենք ստացել են ՊՎԾ–ի ստուգումների արդյունքների մասին պաշտոնական տեղեկանքը և իրենց կարծիքը ներկայացրել է ՊՎԾ, սակայն ծառայությունը հաղորդագրություն է տարածել` առանց հաշվի առնելու ԲՊՀ–ի առարկությունները։ԲՊՀ–ն կետերով ներկայացրել է դրանք։Ըստ համալսարանի` Պետական վերահսկողական ծառայության եզրակացությունը, որ «Հեռանկարային ուսումնասիրությունների և նախաձեռնությունների կենտրոն» ծրագրի շրջանակում ԲՊՀ–ի հիմնադրամի ղեկավարությունը ԿԳՄՍՆ–ին 2013-2019 թթ. ներկայացրել է իրականությանը չհամապատասխանող հայտեր, որի արդյունքում պետբյուջեից հավելյալ 70 մլն դրամ գումար են ստացել, իրավական առումով հիմնազուրկ է։Ինչ վերաբերում է ԱԺ նախկին նախագահ Տիգրան Թորոսյանին ծրագրի կյանքի կոչմանն ուղղված 498 մլն դրամից 174,3 միլիոնը որպես աշխատավարձ տրամադրելուն, ԲՊՀ–ից նշում են, որ հանրությանը մոլորեցնելու նպատակով է շեշտվում «ԱԺ նախկին նախագահ», այլ ոչ թե որպես համալսարանի ՅՈւՆԵՍԿՕ-ի մարդու իրավունքների, ժողովրդավարության և քաղաքագիտության ամբիոնի վարիչ, և չի հիմնավորվում, թե ինչու է ծրագրի գիտական ղեկավարին աշխատավարձ վճարելը համարվում խախտում:ԲՊՀ-ի շենքի 370 քմ մակերեսով տարածքը 25 տարի ժամկետով «Գաուդեամուս» ՍՊԸ-ին վարձակալությամբ հանձնելու վերաբերյալ նշվում է, որ վարձակալության դիմաց վճարված գումարներից ԲՊՀ-ն որևէ եկամուտ չի ստացել, քանի որ ստացված գումարներն ամբողջությամբ փոխանցվում են պետական բյուջե:Ինչ վերաբերում է 2018-2022 թթ. ընթացքում ռեկտորին տրված պարգևավճարներին, ապա համալսարանը շեշտում է, որ այստեղ ընդհանրապես բացակայում է օրենսդրական խախտում կամ պաշտոնեական դիրքի չարաշահում: Ռեկտորին պարգևավճար հատկացվել է աշխատակազմին տրված պարգևավճարների հետ միասին՝ նույն համամասնությամբ, ինչպես բոլոր աշխատակիցներին:ԲՊՀ-ին պատկանող hանգստյան տունը, որը գտնվում է Ծաղկաձորում, շուկայականից զգալի ցածր վարձավճարով վարձակալության հանձնելու վերաբերյալ նշվում է, որ համալսարանը, տարիներ շարունակ կատարելով զգալի ծախսեր և չստանալով որևէ եկամուտ, կրել է մեծ վնասներ: Այնուհետև շենքը վարձակալության հանձնելու անհաջող փորձեր են եղել։ Տարիների ընթացքում առաջացել է նաև բնական մաշվածություն, որի հետևանքով շենքը եղել է ոչ բարվոք վիճակում։ Երբ խնդիրը չի լուծվել գործադիր իշխանությունների միջոցով, համալսարանը կրկին որոշել է շենքը հանձնել վարձակալության։Համալսարանից պնդում են, որ ՊՎԾ-ն սխալ գնահատական է տվել նաև ԲՊՀ-ի գնումների 3 գործընթացներին։ Դրանցով գնման ընթացակարգին մասնակցելու որևէ կազմակերպության իրավունք չի խախտվել, գնման առարկայի բնութագրերում որևէ խտրական տեխնիկական հատկանիշ չի նշվել: Իսկ ապրանքերի հնարավոր ձեռքբերումը ենթադրյալ ավելի ցածր արժեքով կանխավարկած է և որևէ կերպ հիմնավորված չէ:Բրյուսովի անվան համալսարանի ռեկտորը վերընտրվել է
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, վալերի բրյուսովի անվան պետական համալսարան, պետական վերահսկողական ծառայություն (պվծ)
հայաստան, վալերի բրյուսովի անվան պետական համալսարան, պետական վերահսկողական ծառայություն (պվծ)
Ստուգումների եզրակացությունները հիմնավոր չեն. Բրյուսովի համալսարանը պատասխանել է ՊՎԾ–ին
13:48 23.12.2022 (Թարմացված է: 14:01 23.12.2022) Պետական վերահսկողության ծառայությանը հաղորդագրություն է տարածել առանց հաշվի առնելու ԲՊՀ–ի առարկությունները։
ԵՐԵՎԱՆ, 23 դեկտեմբերի – Sputnik. Պետական վերահսկողության ծառայության ստուգումների եզրակացությունները հիմնավոր չեն: Այս մասին հայտարարություն է տարածել
Վ. Բրյուսովի անվան պետական համալսարանը և առարկություններ ներկայացրել։
Երեկ
հայտնել էինք, որ Պետական վերահսկողության ծառայությունը Վալերի Բրյուսովի անվան պետական համալսարանում մի շարք խախտումներ է հայտնաբերել և տեղեկանքներ ներկայացրել ՀՀ գլխավոր դատախազություն հետագա ընթացքն ապահովելու համար։
Ինչպես նշվում է բուհի հայտարարության մեջ, իրենք ստացել են ՊՎԾ–ի ստուգումների արդյունքների մասին պաշտոնական տեղեկանքը և իրենց կարծիքը ներկայացրել է ՊՎԾ, սակայն ծառայությունը հաղորդագրություն է տարածել` առանց հաշվի առնելու ԲՊՀ–ի առարկությունները։
ԲՊՀ–ն կետերով ներկայացրել է դրանք։
Ըստ համալսարանի` Պետական վերահսկողական ծառայության եզրակացությունը, որ «Հեռանկարային ուսումնասիրությունների և նախաձեռնությունների կենտրոն» ծրագրի շրջանակում ԲՊՀ–ի հիմնադրամի ղեկավարությունը ԿԳՄՍՆ–ին 2013-2019 թթ. ներկայացրել է իրականությանը չհամապատասխանող հայտեր, որի արդյունքում պետբյուջեից հավելյալ 70 մլն դրամ գումար են ստացել, իրավական առումով հիմնազուրկ է։
«ԲՊՀ-ին գումարները հատկացվել են ամսական հայտերի հիման վրա մինչև հաշվետու ամսվան հաջորդող ամսի 10-ը` բացառությամբ դեկտեմբերի, որի համար հայտերը սահմանված կարգով ներկայացվել են ոչ թե հաջորդ ամսին, այլ դեկտեմբերի սկզբին, քանի որ այն տարվա վերջին ամսին է: Դեկտեմբերի հայտերով ներկայացված գումարի չափը որոշվել է՝ ելնելով պայմանագրային գումարի չափից և որևէ կերպ չի գերազանցել այն»,– նշված է հաղորդագրության մեջ:
Ինչ վերաբերում է ԱԺ նախկին նախագահ Տիգրան Թորոսյանին ծրագրի կյանքի կոչմանն ուղղված 498 մլն դրամից 174,3 միլիոնը որպես աշխատավարձ տրամադրելուն, ԲՊՀ–ից նշում են, որ հանրությանը մոլորեցնելու նպատակով է շեշտվում «ԱԺ նախկին նախագահ», այլ ոչ թե որպես համալսարանի ՅՈւՆԵՍԿՕ-ի մարդու իրավունքների, ժողովրդավարության և քաղաքագիտության ամբիոնի վարիչ, և չի հիմնավորվում, թե ինչու է ծրագրի գիտական ղեկավարին աշխատավարձ վճարելը համարվում խախտում:
ԲՊՀ-ի շենքի 370 քմ մակերեսով տարածքը 25 տարի ժամկետով «Գաուդեամուս» ՍՊԸ-ին վարձակալությամբ հանձնելու վերաբերյալ նշվում է, որ վարձակալության դիմաց վճարված գումարներից ԲՊՀ-ն որևէ եկամուտ չի ստացել, քանի որ ստացված գումարներն ամբողջությամբ փոխանցվում են պետական բյուջե:
Ինչ վերաբերում է 2018-2022 թթ. ընթացքում ռեկտորին տրված պարգևավճարներին, ապա համալսարանը շեշտում է, որ այստեղ ընդհանրապես բացակայում է օրենսդրական խախտում կամ պաշտոնեական դիրքի չարաշահում: Ռեկտորին պարգևավճար հատկացվել է աշխատակազմին տրված պարգևավճարների հետ միասին՝ նույն համամասնությամբ, ինչպես բոլոր աշխատակիցներին:
ԲՊՀ-ին պատկանող hանգստյան տունը, որը գտնվում է Ծաղկաձորում, շուկայականից զգալի ցածր վարձավճարով վարձակալության հանձնելու վերաբերյալ նշվում է, որ համալսարանը, տարիներ շարունակ կատարելով զգալի ծախսեր և չստանալով որևէ եկամուտ, կրել է մեծ վնասներ: Այնուհետև շենքը վարձակալության հանձնելու անհաջող փորձեր են եղել։ Տարիների ընթացքում առաջացել է նաև բնական մաշվածություն, որի հետևանքով շենքը եղել է ոչ բարվոք վիճակում։ Երբ խնդիրը չի լուծվել գործադիր իշխանությունների միջոցով, համալսարանը կրկին որոշել է շենքը հանձնել վարձակալության։
«Վարձակալության պայմանագիրը հաջողված գործարք է, քանի որ ԲՊՀ-ն այլևս իր միջոցներից ոչ միայն չի կատարում ծախսեր հանգստյան տունը պահպանելու համար, այլև ստանում է եկամուտ: Բացի այդ, հանգստյան տան վրա կատարվել են անբաժանելի բարելավումներ, որոնք ԲՊՀ սեփականությունն են: Նշվածի արդյունքում հանգստյան տունն օգտագործվում է իր նպատակային նշանակությամբ»,–ասվում է հայտարարությունում։
Համալսարանից պնդում են, որ ՊՎԾ-ն սխալ գնահատական է տվել նաև ԲՊՀ-ի գնումների 3 գործընթացներին։ Դրանցով գնման ընթացակարգին մասնակցելու որևէ կազմակերպության իրավունք չի խախտվել, գնման առարկայի բնութագրերում որևէ խտրական տեխնիկական հատկանիշ չի նշվել: Իսկ ապրանքերի հնարավոր ձեռքբերումը ենթադրյալ ավելի ցածր արժեքով կանխավարկած է և որևէ կերպ հիմնավորված չէ:
