https://arm.sputniknews.ru/20221223/miqajel-minasjani-hvor-ara-minasjani-nkatmamb-harucvel-e-nvor-qreakan-hetapndum-53063419.html
Միքայել Մինասյանի հոր` Արա Մինասյանի նկատմամբ հարուցվել է նոր քրեական հետապնդում
Միքայել Մինասյանի հոր` Արա Մինասյանի նկատմամբ հարուցվել է նոր քրեական հետապնդում
Sputnik Արմենիա
«Սուրբ Գրիգոր Լուսավորիչ բժշկական կենտրոնի» նախկին տնօրեն Արա Մինասյանը հափշտակել է իրեն վստահված առանձնապես խոշոր չափերով մոտ 416 մլն դրամը: 23.12.2022, Sputnik Արմենիա
2022-12-23T17:14+0400
2022-12-23T17:14+0400
2022-12-23T17:14+0400
արա մինասյան
«սուրբ գրիգոր լուսավորիչ» բկ
քրեական գործ
հհ քննչական կոմիտե
https://cdn.am.sputniknews.ru/img/894/42/8944201_0:0:1600:901_1920x0_80_0_0_3839a5c31f3c695053c0db93669f9769.jpg
ԵՐԵՎԱՆ, 23 դեկտեմբերի – Sputnik. Վատիկանում Հայաստանի նախկին դեսպան Միքայել Մինասյանի հոր` Արա Մինասյանի նկատմամբ հարուցվել է նոր քրեական հետապնդում։ Տեղեկությունը հայտնում է ՀՀ քննչական կոմիտեն։Նոր ապացույցներ են ձեռք բերվել առ այն, որ «Սուրբ Գրիգոր Լուսավորիչ բժշկական կենտրոնի» նախկին տնօրեն Արա Մինասյանը, տնօրինելով ընկերության ֆինանսական միջոցները, նույն բժշկական կենտրոնի գլխավոր հաշվապահի, գնումները համակարգողի, հեմոդիալեզի պարագաներ մատակարարող ընկերության տնօրենի և ներկայացուցչի օժանդակությամբ, ընկերության օգտին գնման գործընթացներում հնարավոր մրցակիցների նկատմամբ խտրական պայմաններ կիրառելով, 2014-2018թթ.–ի ընթացքում մեկ միասնական դիտավորությամբ, ծառայողական դիրքն օգտագործելով, հափշտակել է իրեն վստահված առանձնապես խոշոր չափերով մոտ 416 մլն դրամը:Քրեական հետապնդում է հարուցվել նաև կատարված հանցագործության արդյունքում գումարները ստացած` հեմոդիալեզի պարագաները բարձր գներով մատակարարած ընկերության տնօրենի և օժանդակություն ցուցաբերած այլ անձանց նկատմամբ։«Հեմոդիալեզի պարագաներ մատակարարած ընկերության տնօրենը ընդունել է իր մեղավորությունը։ Քննության այս փուլում պետությանը պատճառված մոտ 420 մլն դրամից վերականգնել է 50 մլն դրամը` պատրաստակամություն հայտնելով մինչև 2023թ. հունիս ամիս ամբողջությամբ հատուցել իրենց հանցավոր գործողության արդյունքում պետությանը պատճառված վնասը»,– ասված է հաղորդագրոթւյունում: Ինտերպոլը դադարեցրել է Միքայել Մինասյանի միջազգային հետախուզումըՀնարավոր այլ չարաշահումները պարզելու, մեղավորներին ի հայտ բերելու և պետությանը պատճառված վնասները վերականգնելու ուղղությամբ` վարույթն իրականացնող մարմնի կողմից այժմ քննվում են Արա Մինասյանի պաշտոնավարման ժամանակահատվածում կատարված ԲԿ-ի կարիքների համար գնումների ողջ գործընթացը։Հիշեցնենք, որ Արա Մինասյանը դեռևս 2018 թվականից երեք դրվագով ներգրավված է մեղադրյալ` հիշյալ ԲԿ-ի կողմից «Սոցիալական փաթեթի» ծառայությունների մատուցման ընթացքում կեղծ տվյալներ ներկայացնելու միջոցով չարաշահումներ կատարելու և գնումների ընթացքում առանձնապես խոշոր չափերի վատնումներ կատարելու համար:Նրա նկատմամբ որպես խափանման միջոց է ընտրված կալանավորումը և հայտարարված է հետախուզում:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արա մինասյան, «սուրբ գրիգոր լուսավորիչ» բկ, քրեական գործ, հհ քննչական կոմիտե
արա մինասյան, «սուրբ գրիգոր լուսավորիչ» բկ, քրեական գործ, հհ քննչական կոմիտե
Միքայել Մինասյանի հոր` Արա Մինասյանի նկատմամբ հարուցվել է նոր քրեական հետապնդում
«Սուրբ Գրիգոր Լուսավորիչ բժշկական կենտրոնի» նախկին տնօրեն Արա Մինասյանը հափշտակել է իրեն վստահված առանձնապես խոշոր չափերով մոտ 416 մլն դրամը:
ԵՐԵՎԱՆ, 23 դեկտեմբերի – Sputnik. Վատիկանում Հայաստանի նախկին դեսպան Միքայել Մինասյանի հոր` Արա Մինասյանի նկատմամբ հարուցվել է նոր քրեական հետապնդում։ Տեղեկությունը հայտնում է
ՀՀ քննչական կոմիտեն։
Նոր ապացույցներ են ձեռք բերվել առ այն, որ «Սուրբ Գրիգոր Լուսավորիչ բժշկական կենտրոնի» նախկին տնօրեն Արա Մինասյանը, տնօրինելով ընկերության ֆինանսական միջոցները, նույն բժշկական կենտրոնի գլխավոր հաշվապահի, գնումները համակարգողի, հեմոդիալեզի պարագաներ մատակարարող ընկերության տնօրենի և ներկայացուցչի օժանդակությամբ, ընկերության օգտին գնման գործընթացներում հնարավոր մրցակիցների նկատմամբ խտրական պայմաններ կիրառելով, 2014-2018թթ.–ի ընթացքում մեկ միասնական դիտավորությամբ, ծառայողական դիրքն օգտագործելով, հափշտակել է իրեն վստահված առանձնապես խոշոր չափերով մոտ 416 մլն դրամը:
Նրա նկատմամբ քրեական հետապնդում է հարուցվել հանցանքները կատարելու պահին գործող ՀՀ քրեական օրենսգրքի 179-րդ հոդվածի 3-րդ մասի 1-ին կետով , այն է՝ առանձնապես խոշոր չափի գումար յուրացնելու կամ վատնելու, 325-րդ հոդվածի 2-րդ մասով` իրավունք վերապահող կամ պատասխանատվությունից ազատող վկայական կամ պաշտոնական այլ փաստաթուղթ կեղծելու, 214-րդ հոդվածի 2-րդ մասով` առևտրային կամ այլ կազմակերպությունների ծառայողների կողմից լիազորությունները չարաշահելու մեղադրանքով։
Քրեական հետապնդում է հարուցվել նաև կատարված հանցագործության արդյունքում գումարները ստացած` հեմոդիալեզի պարագաները բարձր գներով մատակարարած ընկերության տնօրենի և օժանդակություն ցուցաբերած այլ անձանց նկատմամբ։
«Հեմոդիալեզի պարագաներ մատակարարած ընկերության տնօրենը ընդունել է իր մեղավորությունը։ Քննության այս փուլում պետությանը պատճառված մոտ 420 մլն դրամից վերականգնել է 50 մլն դրամը` պատրաստակամություն հայտնելով մինչև 2023թ. հունիս ամիս ամբողջությամբ հատուցել իրենց հանցավոր գործողության արդյունքում պետությանը պատճառված վնասը»,– ասված է հաղորդագրոթւյունում:
Հնարավոր այլ չարաշահումները պարզելու, մեղավորներին ի հայտ բերելու և պետությանը պատճառված վնասները վերականգնելու ուղղությամբ` վարույթն իրականացնող մարմնի կողմից այժմ քննվում են Արա Մինասյանի պաշտոնավարման ժամանակահատվածում կատարված ԲԿ-ի կարիքների համար գնումների ողջ գործընթացը։
Հիշեցնենք, որ Արա Մինասյանը դեռևս 2018 թվականից երեք դրվագով ներգրավված է մեղադրյալ` հիշյալ ԲԿ-ի կողմից «Սոցիալական փաթեթի» ծառայությունների մատուցման ընթացքում կեղծ տվյալներ ներկայացնելու միջոցով չարաշահումներ կատարելու և գնումների ընթացքում առանձնապես խոշոր չափերի վատնումներ կատարելու համար:
Նրա նկատմամբ որպես խափանման միջոց է ընտրված կալանավորումը և հայտարարված է հետախուզում:
