https://arm.sputniknews.ru/20221223/2023-tvakanin-erevanum-kanckacvi-dvostvoevsku-anvan-erkrvord-mrcujty-53073930.html

2023 թվականին Երևանում կանցկացվի Դոստոևսկու անվան երկրորդ մրցույթը

2023 թվականին Երևանում կանցկացվի Դոստոևսկու անվան երկրորդ մրցույթը

Sputnik Արմենիա

Հայաստանում եկող տարեսկզբին ժողովուրդների կապերի ամրապնդմանը միտված ստեղծագործական մրցույթ է մեկնարկելու։ 23.12.2022, Sputnik Արմենիա

2022-12-23T18:57+0400

2022-12-23T18:57+0400

2022-12-23T19:54+0400

ռուսական կենտրոն

երևան

հայաստան

ռուսաստան

մրցույթ

https://cdn.am.sputniknews.ru/img/07e6/0c/17/53066230_0:94:1600:995_1920x0_80_0_0_c3b8e11acdfb92deebf41220e52e9cb1.jpg

ԵՐԵՎԱՆ, 23 դեկտեմբերի – Sputnik. Երևանում Ռուսական տանը («Ռոսսոտրուդնիչեստվոյի» ներկայացուցչություն Հայաստանում) բաց նոտաներով դաշնամուրի առաջ այսօր հավաքվել են հայտնի հայ լրագրողներ և մեդիա գործիչներ։ Հեռուստահաղորդավար Պետրոս Ղազարյանը, փորձագետ Տիգրան Քոչարյանը, գրող Լիա Ավետիսյանը, Լիաննա Շահվերդյանը, լրագրողներ և բլոգերներ... Սակայն այս հավաքույթը մամուլի ասուլիս կամ համերգ չէր։ Նրանց հրավիրել էին շնորհակալություն հայտնելու անցնող տարում համատեղ աշխատանքի համար, դասական երաժշտության ներքո մեկ գավաթ շամպայն բարձրացնելու և գալիք տարվա ստեղծագործական ծրագրերի մասին նորություններով կիսվելու համար։Երևանում Ռուսական տան ղեկավար, ոչ վաղ անցյալում հեռուստահաղորդավար-միջազգայնագետ, ներկայում արկածային ժանրի հաջողակ գրող Վադիմ Ֆեֆիլովն ասաց, որ հետաքրքրությամբ է հետևում հայկական լրագրության, գրականության մեջ և բլոգոլորտում տեղի ունեցող իրադարձություններին։ Ընդ որում՝ կարդում է հայերենով։ Նա հայոց լեզու է ուսումնասիրում, և նման պրակտիկան իրեն օգնում է ավելի լավ յուրացնել առարկան։Երևանում «Ռուսական տունը» նախատեսում է անցկացնել «Ռուսական ակնարկի ավանդույթներն ու ժամանակակից բլոգերությունը» երկրորդ մրցույթը, որը կմեկնարկի հունվարի 15-ին և կլինի երեք փուլով։ Մրցույթը կրում է Դոստոևսկու անունը, քանի որ գրողն իր գրական ստեղծագործությունների վրա աշխատելուն զուգահեռ գումար էր վաստակում թերթերում և ամսագրերում ակնարկներ հրատարակելով։ Կազմակերպիչները կարծում են, որ մրցույթը հնարավորություն կտա բազմազանություն մտցնել հայկական մեդիաոլորտում։ Ստեղծագործական մրցակցությունը մոտիվացնում է գրականագետներին, լրագրողներին և բլոգերներին։Աշխատանքները կարող են գրվել ինչպես ռուսերեն, այնպես էլ հայերեն, բայց բացառապես ակնարկի ժանրում։ Իսկ որպեսզի ավելի պարզ և հասկանալի լինի, կազմակերպիչները պայմաններում մասնակիցների համար «հուշում» են զետեղել։Ակնարկը փոքր գրական ստեղծագործություն է, հեղինակի տեսած իրական դեպքերի կարճ նկարագրություն, այն գեղարվեստական և հրապարակախոսական ոճերի սինթեզ է։ Ակնարկներում չկա սկիզբ, կուլմինացիա և ավարտ, ինչպես պատմվածքում։Այն փոքր դրվագ է մարդու կյանքից, որտեղ գեղարվեստական նկարագրությունը միաձուլվում է վավերագրականի հետ, այսինքն իրական դեպքերի վրա է հիմնված։Նովելից և էսսեից տարբերվում է կոնֆլիկտի և սուր սոցիալական խնդիրների բացակայությամբ։Առաջին փուլը կավարտվի ապրիլի սկզբին։ Այնուհետև ևս երկու փուլ կլինի. ապրիլի կեսից մինչև հուլիս և օգոստոսի կեսից մինչև նոյեմբերի կես։ Դեկտեմբերին կպարզվեն եզրափակիչ դուրս եկած մասնակիցները, իսկ տարեվերջին կամփոփվեն արդյունքներն ու կպարգևատրվեն լավագույն հեղինակները։Առաջին մրցույթում, որի արդյունքներն ամփոփվեցին այս աշնանը, ներկայացվել էին պրոֆեսիոնալ լրագրողների և ուսանողների ավելի քան 70 աշխատանքներ Երևանից և ՀՀ մարզերից։

երևան

2022

Լուրեր

am_HY

ռուսական կենտրոն, երևան, հայաստան, ռուսաստան, մրցույթ