https://arm.sputniknews.ru/20221216/lachini-shrjapakman-dasery-lav-skzbunqnery-misht-che-vor-lav-ardjunq-en-erashkhavvorum-52733133.html

Լաչինի շրջափակման դասերը. լավ սկզբունքները միշտ չէ, որ լավ արդյունք են երաշխավորում

Լաչինի շրջափակման դասերը. լավ սկզբունքները միշտ չէ, որ լավ արդյունք են երաշխավորում

Sputnik Արմենիա

Եկեք անկեղծ լինենք։ Եթե նույնիսկ ողջ կյանքդ փորձել ես միայն ճիշտ բաներ անել, միևնույն է, գալիս է մի պահ, երբ քեզ սկսում է տանջել կասկածը՝ եթե ճիշտ եմ արել ամեն... 16.12.2022, Sputnik Արմենիա

2022-12-16T21:46+0400

2022-12-16T21:46+0400

2022-12-16T22:21+0400

5 րոպե դուլյանի հետ

լաչինի միջանցք

հայաստան

արցախ

լեռնային ղարաբաղ

ադրբեջան

https://cdn.am.sputniknews.ru/img/07e6/0c/0f/52689525_0:29:1601:929_1920x0_80_0_0_1ab44a7bb6e5c1e9307d7b139a64ac5a.jpg

Դիցուք։ Վերջին տարիներին անընդհատ կրկնել ենք, թե դեմոկրատիան մեր բրենդն է, արդեն ժողովրդավարության բաստիոն ենք դարձել և վերացրել ենք համակարգային կոռուպցիան։ Եվ ի՞նչ։ Բացարձակ ոչինչ չենք կարողանում անել Արցախի շրջափակումն իրականացրած Ադրբեջանի մի խումբ քաղաքացիների դեմ։ Ադրբեջանի, որը բոլոր իրավապաշտպան կազմակերպությունների վկայությամբ` տասնյակ կիլոմետրերով հեռու է ժողովրդավարությունից և այնքան կոռումպացված է, որ կարողացել է այդ ախտով վարակել նույնիսկ եվրոպացի պատգամավորներին։ Եվ շարքային քաղաքացու մոտ տրամաբանական ու բավական տխուր հարց է ծագում՝ իսկ արդյոք ամենազոր բռնապետությունը գերադասելի չէ՞ անզոր դեմոկրատիայից։Ու սա, ախր, ամենևին միակ վտանգավոր հարցը չէ։ Առնվազն մի տասը այդպիսի վիճահարույց հարց կարող եմ հնչեցնել։ Արդյոք ճի՞շտ ենք վարվում, երբ միամտորեն հավատում ենք, որ եթե մենք բարեխղճորեն կատարենք ձեռք բերված պայմանավորվածությունների անխտիր բոլոր կետերը, հակառակ կողմն էլ նույնը կանի, օրինակ` կապահովի մարդկանց և բեռների անխափան տեղափոխումը Լաչինի միջանցքով։ Իհարկե չի ապահովի՝ շատ ճիշտ կանխատեսելով, որ բացարձակապես ոչ մի պատժի չի արժանանա։Ավելին` հակառակ կողմը ոչ միայն հերքում է, որ ինչ-որ սխալ բան է արել, այլև մեղքն անմիջապես բարդում է մյուս կողմի վրա։ Չեք հավատա, բայց Ադրբեջանի արտգործնախարարը օտարերկրյա դիվանագետներին ասել է. «Իրականությանը չեն համապատասխանում պնդումները, թե Լաչինի միջանցքի արգելափակումը հանգեցրել է հումանիտար ճգնաժամի։ Իսկ գազի մատակարարման արգելափակման մասին պաշտոնական Ստեփանակերտի հայտարարությունը պարզապես կեղծ է»։ Ի՞նչ եք կարծում, տարբեր երկրների դեսպանատների աշխատակիցները կհերքե՞ն այս ակնհայտ, ճչացող սուտը։ Իմ կարծիքով`պարզապես կասեն՝ դժվար է որևէ բան պնդել, հարցը պետք է մանրակրկիտ ուսումնասիրվի և փոխզիջումային լուծում գտնվի։ Դիվանագետներ են, չէ՞։Փոխզիջումների մասին հորդորը, ի դեպ, հնչեցվում է 30 տարի շարունակ, ընդ որում` ոչ միայն օտարերկրյա դիվանագետների, այլև մեր նախկին ու ներկա ղեկավարների կողմից։ Սթափ դատող հանրությունը միանշանակ կողմ է. դեմ, ձեռնպահ չկա։ Այդ դեպքում ասե՛ք խնդրեմ՝ ինչո՞ւ են մեր նախաձեռնած գրեթե բոլոր փոխզիջումներն այդքան սահուն վերաճում միակողմանի զիջումների։ Զորքերի, այսպես կոչված, «հայելային հետքաշման» հետ կապված պատմությունը ձեզ օրինակ։ Եթե մոռացել եք, ոչինչ, պաշտպանության նախկին նախարարներից մեկը հիշեցնում է. «Մենք արդեն մեկ անգամ բանավոր ցուցմամբ, ընդ որում` կառավարության ղեկավարի բանավոր ցուցմամբ, պատերազմական գործողությունները կանգնելուց հետո հետ ենք քաշել մեր զորքերը Սյունիքի հատվածում։ Ինչից հետո հակառակորդը եկավ, կանգնեց սահմանին, այնուհետև սադրանքներ կազմակերպեց ու նաև մխրճվեց մեր տարածք»։Համաձայնե՛ք` բավական տխուր է նախկին նախարարի պատմածը. ախր, լուրջ քաղաքագետները մեզ միշտ համոզել են, որ հակառակ կողմի հետ հարաբերությունները կարգավորելու լավագույն ու միակ միջոցը փոխզիջումներն են։ Այնինչ կարող էինք անսալ հայտնի բռնցքամարտիկ Մայք Թայսոնի խորհրդին. «Եթե հայտնվել ես ծանր վիճակում, միշտ հիշեցրու ինքդ քեզ, որ եթե տեղի տաս ու հանձնվես, վիճակդ դրանից բոլորովին չի բարելավվի»։ Համաձայնե՛ք` փորձառու վերլուծաբանի դափնիներին ամենևին չհավակնող մարզիկի խորհուրդը երբեմն կարող է շատ ավելի օգտակար լինել, քան պատկառելի գիտական կոչումներ ունեցող վաստակաշատ քեռիների խորիմաստ դատողությունները։Անտեսեցինք այս ամենը և նույնիսկ Արցախյան վերջին պատերազմի առաջին օրերին հպարտորեն հնչեցնում էինք. «Նոր պատերազմ՝ նոր տարածքներ», «Պատերազմ են ուզում՝ պատերազմ էլ կստանան» և այլ անհեթեթ կարգախոսներ։ Ու կարծես թե մի տեսակ համակերպվել ենք այն տարօրինակ մտքի հետ, որ այլևս չենք կարող ունենալ հզոր, հաղթական բանակ։ Կորցրել ենք հավատը՝ մոռանալով գերմանացի փիլիսոփա Ալբերտ Շվեյցերի խոսքերը. «Իմ գիտելիքներն իհարկե հոռետեսական են, սակայն հավատս միշտ լավատեսական է»։ Երևի կարելի է ավելացնել՝ իսկ լավատեսական հավատն ի վերջո լավատեսական իրականություն է կերտում։

https://arm.sputniknews.ru/20221215/lachinic-minchev-tsaghkashen-adrbejanci-aktivistneri-u-angliakan-ynkerutjan-irakan-npataky-52700942.html

լաչինի միջանցք

լեռնային ղարաբաղ

ադրբեջան

2022

Լուրեր

am_HY

5 րոպե դուլյանի հետ, լաչինի միջանցք, հայաստան, արցախ, լեռնային ղարաբաղ, ադրբեջան