https://arm.sputniknews.ru/20221213/nvor-tarva-shemin-kiberhancagvortsutjunnern-aveli-en-aktivanum-inchpes-pashtpanvel-52576462.html
Նոր տարվա շեմին կիբեռհանցագործություններն ավելի են ակտիվանում. ինչպե՞ս պաշտպանվել
Նոր տարվա շեմին կիբեռհանցագործություններն ավելի են ակտիվանում. ինչպե՞ս պաշտպանվել
Sputnik Արմենիա
Կիբեռհանցագործներն անընդհատ նոր տարբերակներ են փնտրում խարդախության միջոցով գումարներ աշխատելու համար, և այստեղ միակ հույսը սպառողների տեղեկացվածության... 13.12.2022, Sputnik Արմենիա
2022-12-13T22:31+0400
2022-12-13T22:31+0400
2022-12-13T22:31+0400
կիբեռանվտանգություն
առևտուր
օնլայն
կիբեռհանցագործություն
https://cdn.am.sputniknews.ru/img/07e7/0b/1c/69270548_0:84:1600:984_1920x0_80_0_0_4ed99bbca5d7eb9b771f4f00ce78e3e2.jpg
ԵՐԵՎԱՆ, 13 դեկտեմբերի – Sputnik. Համացանցով գնումների ժամանակ խարդախությունները գնալով ավելի մասսայական բնույթ են ստանում, քանի որ կիբեռհանցագործները տեսնում են, որ հնարավոր է արագ և անպատժելի ճանապարհով գումար վաստակել և օգտվում են դրանից։ Այս մասին Sputnik Արմենիայի հետ զրույցում ասաց Տեղեկատվական անվտանգության մասնագետ Արթուր Պապյանը։«Հատկապես Նոր տարվա շեմին, երբ մարդիկ փորձում են ինտերնետով նվերներ պատվիրել, նկատվում է նման հանցագործությունների, խաբեությունների կտրուկ աճ»,–ասաց Պապյանը։Իսկ ինչպես չդառնալ կիբեռհանցագործության զոհ օնլայն գնումներ կատարելիս«Նաև ուշադրություն դարձրեք, որ այն հարթակը, որից օգտվում եք, ունենա բողոքարկման, խաբեության դեմ պաշտպանության համակարգեր։ Հիշեք` ցանկալի է համացանցում հնարավորինս քիչ անձնական տվյալներ թողնել, չտրամադրել բանկային քարտի հետևի cvv կոդը։ Եթե տեսնում եք, որ սպասվածից շատ տվյալներ են ձեզանից սկսում պահանջել, դադարեցրեք գործարքը։ Եթե հնարավորություն կա դիմեք ինչ-որ մասնագետի` միասին գնումներն արեք, որպեսզի հետո չտուժեք և չհայտնվեք խաբվածի դերում»,–ասաց Պապոյանը։Մեր զրուցակիցը համացանցով գնումներ կատարելիս խաբեության երեք ուղղություն է առանձնացնում։Առաջինն այն է, որ քեզնից գումար են գանձում, բայց ապրանքը չեն ուղարկում, որից հետո անվերջ ձգվող բողոքարկման գործընթաց է սկսվում, որը հիմնականում արդյունք չի տալիս։Երկրորդը` հայտնի բրենդների չինական կրկնօրինակները իբրև իսկական բրենդ վաճառելն է։ Սա կարելի հանդիպել խոշոր օնլայն գնումների հարթակներում` «Ամազոն», «Ebay», «Ալիէքսպերս» և այլն։Եվ երրորդը ուղղությունը, որն ավելի շատ հանդիպում է հայկական հարթակներում (List.am), երբ ինչ-որ իրեր են վաճառում, հետո սկսում են առաքման հետ կապված պատմություններ պատմել, թե պետք է փոստով ինչ-որ վճարումներ կատարել, որ ապրանքն իրենց հասնի և այդ ժամանակ պահանջում են անձնական կամ քարտի այնպիսի տվյալներ, օրինակ` վճարային քարտի հետևի անվտանգության կոդը, որն արդար գործարքի ժամանակ չեն պահանջի։Պապոյանը օնլայն խաբեբաներին գտնելը բարդ, երկար և քիչ հավանական գործընթաց է համարում։ Իսկ կիբեռհանցագործության զոհ դառնալու դեպքում էլ հորդորում է պահպանել հետքերը, այսինքն` գնումների մասին սքրինշոթերը, վաճառողի մասին տվյալները և այլն։Ամփոփելով խոսքը` Պապոյանն ընդգծեց, որ կիբեռհանցագործներն անընդհատ նոր տարբերակներ են փնտրում և փնտրելու խարդախության միջոցով գումարներ աշխատելու համար։ Եվ այստեղ միակ հույսը սպառողների տեղեկացվածության, մեդիագրագիտության վրա է. օնլայն հարթակներից գնումները նույնպես ենթադրում են բազային մեդիագրագիտության տարրեր։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիբեռանվտանգություն, առևտուր, օնլայն, կիբեռհանցագործություն
կիբեռանվտանգություն, առևտուր, օնլայն, կիբեռհանցագործություն
Նոր տարվա շեմին կիբեռհանցագործություններն ավելի են ակտիվանում. ինչպե՞ս պաշտպանվել
Կիբեռհանցագործներն անընդհատ նոր տարբերակներ են փնտրում խարդախության միջոցով գումարներ աշխատելու համար, և այստեղ միակ հույսը սպառողների տեղեկացվածության, մեդիագրագիտության վրա է։
ԵՐԵՎԱՆ, 13 դեկտեմբերի – Sputnik. Համացանցով գնումների ժամանակ խարդախությունները գնալով ավելի մասսայական բնույթ են ստանում, քանի որ կիբեռհանցագործները տեսնում են, որ հնարավոր է արագ և անպատժելի ճանապարհով գումար վաստակել և օգտվում են դրանից։ Այս մասին
Sputnik Արմենիայի հետ զրույցում ասաց Տեղեկատվական անվտանգության մասնագետ Արթուր Պապյանը։
«Հատկապես Նոր տարվա շեմին, երբ մարդիկ փորձում են ինտերնետով նվերներ պատվիրել, նկատվում է նման հանցագործությունների, խաբեությունների կտրուկ աճ»,–ասաց Պապյանը։
Իսկ ինչպես չդառնալ կիբեռհանցագործության զոհ օնլայն գնումներ կատարելիս
Մասնագետը խորհուրդ է տալիս առաջին հերթին գնումներ կատարել վստահելի հարթակներից, որոնք ունեն որոշակի հայտնիություն, ասենք` կոնկրետ բրենդի օնլայն խանութն են։ Իսկ օրինակ` «Ամազոնի» նման հարթակներից գնումների դեպքում` նա հորդորում է ուշադրություն դարձնել վաճառողի ռեյտինգին կամ ապրանքի մեկնաբանություններին և ընտրել համեմատաբար բարձր վարկանիշ և քիչ բողոքարկումներ ունեցող վաճառողների։
«Նաև ուշադրություն դարձրեք, որ այն հարթակը, որից օգտվում եք, ունենա բողոքարկման, խաբեության դեմ պաշտպանության համակարգեր։ Հիշեք` ցանկալի է համացանցում հնարավորինս քիչ անձնական տվյալներ թողնել, չտրամադրել բանկային քարտի հետևի cvv կոդը։ Եթե տեսնում եք, որ սպասվածից շատ տվյալներ են ձեզանից սկսում պահանջել, դադարեցրեք գործարքը։ Եթե հնարավորություն կա դիմեք ինչ-որ մասնագետի` միասին գնումներն արեք, որպեսզի հետո չտուժեք և չհայտնվեք խաբվածի դերում»,–ասաց Պապոյանը։
Մեր զրուցակիցը համացանցով գնումներ կատարելիս խաբեության երեք ուղղություն է առանձնացնում։
Առաջինն այն է, որ քեզնից գումար են գանձում, բայց ապրանքը չեն ուղարկում, որից հետո անվերջ ձգվող բողոքարկման գործընթաց է սկսվում, որը հիմնականում արդյունք չի տալիս։
Երկրորդը` հայտնի բրենդների չինական կրկնօրինակները իբրև իսկական բրենդ վաճառելն է։ Սա կարելի հանդիպել խոշոր օնլայն գնումների հարթակներում` «Ամազոն», «Ebay», «Ալիէքսպերս» և այլն։
Եվ երրորդը ուղղությունը, որն ավելի շատ հանդիպում է հայկական հարթակներում (List.am), երբ ինչ-որ իրեր են վաճառում, հետո սկսում են առաքման հետ կապված պատմություններ պատմել, թե պետք է փոստով ինչ-որ վճարումներ կատարել, որ ապրանքն իրենց հասնի և այդ ժամանակ պահանջում են անձնական կամ քարտի այնպիսի տվյալներ, օրինակ` վճարային քարտի հետևի անվտանգության կոդը, որն արդար գործարքի ժամանակ չեն պահանջի։
Պապոյանը օնլայն խաբեբաներին գտնելը բարդ, երկար և քիչ հավանական գործընթաց է համարում։ Իսկ կիբեռհանցագործության զոհ դառնալու դեպքում էլ հորդորում է պահպանել հետքերը, այսինքն` գնումների մասին սքրինշոթերը, վաճառողի մասին տվյալները և այլն։
«Ցանկալի է դիմել վճարային միջոցի` բանկ կամ վճարային այլ համակարգերին, որպեսզի արագ միջոցներ ձեռնարկեն գործարքը կանխելու, կասեցնելու համար, որոշ դեպքերում հնարավոր է նույնիսկ գումարը հետ վերադարձնել։ Եվ ցանկացած խաբեության, հանցագործության դեպքում պետք է դիմել ոստիկանության համապատասխան բաժիններ»,–ասաց նա։
Ամփոփելով խոսքը` Պապոյանն ընդգծեց, որ կիբեռհանցագործներն անընդհատ նոր տարբերակներ են փնտրում և փնտրելու խարդախության միջոցով գումարներ աշխատելու համար։ Եվ այստեղ միակ հույսը սպառողների տեղեկացվածության, մեդիագրագիտության վրա է. օնլայն հարթակներից գնումները նույնպես ենթադրում են բազային մեդիագրագիտության տարրեր։
