https://arm.sputniknews.ru/20221210/abvovjan-qkhum-veranvorvogumn-yntanum-e-mets-tapvov-mipi-hajtararutjan-hetqervov-52441371.html

«Աբովյան» ՔԿՀ–ում վերանորոգումն ընթանում է մեծ թափով. ՄԻՊ–ի հայտարարության հետքերով

«Աբովյան» ՔԿՀ–ում վերանորոգումն ընթանում է մեծ թափով. ՄԻՊ–ի հայտարարության հետքերով

Sputnik Արմենիա

Շուրջ 1 ամիս առաջ ՀՀ մարդու իրավունքների պաշտպանը հայտնել էր, որ ՔԿՀ–ի պայմաններն անբավարար են, շենքն էլ սանիտարահիգիենիկ անընդունելի վիճակում է գտնվում։... 10.12.2022, Sputnik Արմենիա

2022-12-10T20:50+0400

2022-12-10T20:50+0400

2022-12-10T21:05+0400

հայաստան

քրեակատարողական հիմնարկ (քկհ)

կին

երեխա

վերանորոգում

https://cdn.am.sputniknews.ru/img/07e6/0c/0a/52449647_0:0:1600:901_1920x0_80_0_0_892e912341bd330aaf0b733b8a011d28.jpg

ԵՐԵՎԱՆ, 10 դեկտեմբերի – Sputnik, Լիլիթ Դեմուրյան. ՀՀ արդարադատության նախարարության «Աբովյան» քրեակատարողական հիմնարկում սկսվել է շենքային պայմանների բարելավման գործընթացը։ Վերանորոգման աշխատանքները մեծ թափով են ընթանում։Նշենք, որ դեռ նոյեմբերի 16-ին ՀՀ մարդու իրավունքների պաշտպան Քրիստինե Գրիգորյանը, ներկայացնելով քրեակատարողական համակարգում ազատությունից զրկված կանանց, անչափահասների և օտարերկրյա քաղաքացիների իրավունքների ապահովման վերաբերյալ արտահերթ հրապարակային զեկույցը, հայտնել էր, որ «Աբովյան» ՔԿՀ–ի պայմաններն անբավարար են, շենքը գտնվում է սանիտարահիգիենիկ անընդունելի վիճակում։ Նա նշել էր, որ խոնավության մակարդակը խցերում շատ բարձր է, առաստաղների ծեփամածիկը` թափված, որոշ տեղերում` բորբոսնած։«Աբովյան» քրեակատարողական հիմնարկը բաղկացած է մի քանի մասնաշենքից` միջին անվտանգային գոտում մեղմ պայմաններում պատիժ կրող դատապարտյալների պահման վայրը, կալանավորված անձանց պահման վայրը, անչափահասների պահման վայրը, մեկուսարանը, դպրոցը և ակումբի շենքը։ Ամբողջ տարածքում վերանորոգման և հիմնանորոգման աշխատանքների առաջին փուլը սկսվել է հունիսին և շարունակվում է մինչ օրս։ Իրականացվում են բոլոր մասնաշենքերի սանհանգույցների, ինչպես նաև խոհանոցի և լվացքատան նորոգման աշխատանքներ։ Երկրորդ փուլով ավելի լայնածավալ աշխատանքներ են իրականացվելու ամբողջ տարածքում։«Աբովյան» քրեակատարողական հիմնարկի պետ, գնդապետ Արմեն Մարտիրոսյանը Sputnik Արմենիային հայտնեց, որ հիմնանորոգվել են ակումբի և դպրոցի սանհանգույցները։«Արդեն վերանորոգվել են 19 խցի, ինչպես նաև բժիշկների, սոցիալ–հոգեբանական, իրավաբանական ծառայություններ մատուցող անձանց համար հատկացված աշխատասենյակների սանհանգույցները։ Աշխատանքներ են տարվել նաև դատապարտված անչափահասների պահման վայրում` չնայած նրան, որ այս պահին ՔԿՀ–ում չկա դատապարտված անչափահաս։ Այնտեղ խոհանոցն է վերանորոգվել, ինչպես նաև ճաշարանը, սանհանգույցն ու լոգարանը»,– ասաց Մարտիրոսյանը։Միջին անվտանգային գոտում մեղմ պայմաններում պատիժ կրող դատապարտյալների համար նախատեսված պայմանները նույնպես բարելավվում են։ Այնտեղ հիմնանորոգվել են լոգարանը, սանհանգույցը և լվացքատունը։ Շենքում կառուցվել է նաև առանձին մանկական լոգասենյակ` մոր հետ ՔԿՀ–ում գտնվող մանկահասակ երեխայի համար։ Քրեակատարողական հիմնարկում նորոգվել են նաև դպրոցի և ակումբի մասնաշենքերում առկա սանհանգույցները։Մեր այցելության ժամանակ աշխատանքներ էին ընթանում կալանավորված անձանց պահման վայրում։ Նորոգվում են լոգասենյակները, ինչպես նաև լվացքատունն ու խոհանոցը։ Շարունակվում են ևս 8 խցի սանհանգույցի վերանորոգման աշխատանքները։ Միջանցքը նույնպես վերականգնման փուլում է։ Մարտիրոսյանը մեզ հայտնեց նաև, որ կալանավորված անձանց պահման վայրում ամբողջությամբ փոխվել են ջրամատակարարման և ջրահեռացման խողովակները, լվացարանները, ծորակները, տեղադրվել են նոր դռներ։ՄԻՊ աշխատակազմի այցի պահին Աբովյան ՔԿՀ–ում 66 անձ է եղել, 40–ը` կալանավորված, 26–ը` դատապարտված, 66-ից 4–ը` արական սեռի անչափահասներ, մեկ անձ չափահաս է դարձել անազատության մեջ, և 3 կին այնտեղ են պահվում մինչև 3 տարեկան երեխաների հետ։Այդ ժամանակ չեն եղել նաև հատուկ խցեր և կացարաններ` նախատեսված հղի կանանց և մինչև 3 տարեկան երեխա ունեցողների համար։ Խցերում չեն եղել օրորոցներ, մանկական մահճակալներ, տաք ջուր, առանձին լոգարան, սանհանգույց երեխաների համար, կահավորված խաղահրապարակ, ինչպես նաև երեխայի ֆիզիկական և հոգեկան առողջ զարգացմանը նպաստող միջավայր։Այժմ ՔԿՀ–ում պահվում է 63 անձ, որից 41–ը` կալանավորված, 22-ն էլ` դատապարտված։ Կալանավորվածներից մեկը հղի է, մյուսն էլ իր խնամքի տակ 1.5 տարեկան երեխա ունի։Մարտիրոսյանի հետ շրջայցի ընթացքում նկատեցինք, որ նորոգման աշխատանքների մեկնարկից ի վեր ՔԿՀ–ում հղի, ինչպես նաև մանկահասակ երեխա ունեցող կալանավորված կամ դատապարտված կանանց համար կառուցվել է մոր և մանկան սենյակ, որն ապահովվել է նաև մշտական տաք ջրով։ Շուտով սենյակը նաև կկահավորվի։Նախատեսում են աշխատանքները ավարտին հասցնել 2023 թվականի հունվարին։

https://arm.sputniknews.ru/20220930/zghjum-enq-bajc-hamakerpvel-enq-tshakatagrin-kananc-gaghutum-55-kin-irenc-patizhn-en-krum-49114723.html

2022

Լուրեր

am_HY

հայաստան, քրեակատարողական հիմնարկ (քկհ), կին, երեխա, վերանորոգում