Զգալիորեն բարելավվել են ԵԱՏՄ տնտեսության որակական ցուցանիշները. Մյասնիկովիչ
15:52 09.12.2022 (Թարմացված է: 15:56 09.12.2022)
Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը Երևանում. Արխիվային լուսանկար
© Sputnik / Asatur Yesayants
Բաժանորդագրվել
Միխայիլ Մյասնիկովիչն ամփոփել է այսօր կայացած Եվրասիական տնտեսական բարձրագույն խորհրդի նիստի արդյունքները։
ԵՐԵՎԱՆ, 9 դեկտեմբերի – Sputnik. Զգալիորեն բարելավվել են ԵԱՏՄ տնտեսության որակական ցուցանիշները։ Այս մասին հայտարարել է Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը` Բիշքեկում կայացած Եվրասիական տնտեսական բարձրագույն խորհրդի նիստի արդյունքներն ամփոփելով, տեղեկանում ենք Sputnik Ղրղզստանից։
«Ուրախալի է, որ ԵԱՏՄ-ում ընդհանուր ավանդական ցուցանիշների հետ մեկտեղ, ինչպիսիք են ՀՆԱ-ն, արդյունաբերությունը, գյուղատնտեսությունը, որոնք ծավալները տպավորիչ են, զգալիորեն բարելավվել են տնտեսության որակական ցուցանիշները։ Առաջին հերթին դրանք գործազրկության նվազման (այսինքն ՝ նոր աշխատատեղեր են ի հայտ գալիս) և իրական աշխատավարձի աճի հետ կապված հարցեր են, որոնք, օրինակ, Ղազախստանում աճել են 109,4 տոկոսով, Ղրղզստանում ՝ 112,7 տոկոսով»,–ասել է Մյասնիկովիչը։
Նա նշել է, որ ԵԱՏՄ-ում Ռուսաստանի նախագահությամբ տարին շատ լավ հեռանկարներ ունի, և ԵՏՀ-ն կձգտի օգտվել դրանցից՝ հաշվի առնելով այսօրվա նիստում ձևակերպված հանձնարարականներն ու առաջարկությունները:
Հիշեցնենք, որ նիստին մասնակցում էր նաև ՀՀ վարչապետ Նիկոլ Փաշինյանը։ Այսօր սպասվում է նաև Փաշինյանի և ՌԴ նախագահ Վլադիմիր Պուտինի հետ։
